Video: રોહિત શર્મા સાથે સેલ્ફી લેવી પડી ફેનને ભારે, નીકળી ગઈ ચીસ, હિટમેનની હરકત જોઈને થઈ જશો દંગ
મુંબઇ ઇન્ડિયન્સના કેપ્ટન રોહિત શર્માએ 30મી એપ્રિલે પોતાનો 36મો જન્મદિવસ ઉજવ્યો હતો. આ દિવસે રાજસ્થાન સામે મેચ દરમિયાન રોહિત શર્મા સાથે સેલ્ફી લેવી એક ફેનન ભારે પડી હતી. હિટમેને કઇક એવુ કર્યુ કે ફેનની ચીસ નીકળી ગઈ.
આઇપીએલ 2023 માં સ્ટેડિયમ ફેન્સથી ભરાયેલા રહે છે અને પ્લેયર્સને સપોર્ટ કરતા હોય છે. આવવું જ કંઈક મુંબઈ અને રાજસ્થાન સામેની મેચમાં વાનખેડે સ્ટેડિયમમાં જોવા મળ્યુ હતુ. સંપૂર્ણ સ્ટેડિયમ પોતાની હોમ ટીમના સમર્થનમાં બ્લૂ જર્સીમાં નજર આવ્યા હતા. સાથે જ મુંબઈ ઈન્ડિયન્સના કેપ્ટન રોહિત શર્માના ફેન્સ પણ સ્ટેડિયમમાં મોટી સંખ્યામાં દેખાયા હતા પણ મેચની એક ઈનિંગ બાદ એક ફેનને રોહિત શર્મા સાથે સેલ્ફી લેવાનું ભારે પડયુ હતુ.
આ પણ વાંચો: IPL 2023: 1000મી મેચના દિવસે બન્યા રેકોર્ડ 827 રન, 42માંથી 10 મેચમાં બન્યો 400થી વધુનો કુલ સ્કોર
રોહિત શર્માની ભૂલી જવાની ટેવ
રોહિત શર્માની ભૂલી જવાની આદતથી કોઇ પણ ક્રિકેટ ફેન અજાણ નથી. ટીમ ઈન્ડિયાના પૂર્વ કેપ્ટન વિરાટ કોહલીએ પણ રોહિત શર્માની આ આદત વિશે જણાવ્યુ હતુ. તેણે કહ્યું હતુ કે રોહિત ફોન, ટૈબલેટ જેવી વસ્તુઓ ઘણી વખત ભૂલી જતો હોય છે. તેની આ આદત એક વખત ફરી મુંબઈના વાનખેડેમાં જોવા મળી હતી.
આ મેચમાં રોહિત શર્મા પવેલિયન જતા સમયે વચ્ચે ફેન્સ સાથે સેલ્ફી લેવા માટે રોકાયો હતો. તેણે એક ફેન સાથે ફોટો ક્લિક કરવા માટે આઈફોન લીધો હતો. ફોટો ક્લિક કર્યા બાદ રોહિત શર્માએ ફેન તરફ જોયુ હતુ અને બાદમાં તે ફોન લઈને આગળ ચાલ્યો ગયો હતો. જે બાદ ફોનના માલિકની ચીસ નીકળી ગઈ હતી. રોહિતનો આ ફની વીડિયો મુંબઇ ઇન્ડિયન્સે પોતાના સત્તાવાર ઇન્ટસ્ટાગ્રામ પર શેયર કર્યો હતો.
જુઓ વીડિયો
View this post on Instagram
આઇપીએલમાં નથી ચાલી રહ્યો હિટમેનનો જાદુ
આઇપીએલ 2023માં અત્યાર સુધી રોહિત શર્માનું બેટ શાંત રહ્યુ છે. રાજસ્થાન સામેની મેચમાં પોતાના જન્મદિવસ નિમિત્તે તે કઇ ખાસ કરી શક્યો ન હતો. આ મેચમાં મુંબઇ તરફથી શાનદાર બેટીંગ જોવા મળી હતી. ટીમના સ્ટાર બેટ્સમેન સૂર્યકુમાર યાદવની હાફ સેન્ચુરી અને ટીમ ડેવિડની તોફાની ઇનિંગના ભરોસે મુંબઇએ હોમ ગ્રાઉન્ડ પર પોતાનો ઝંડો ફરકાવ્યો હતો. પણ રાજસ્થાનના યુવા બેટ્સમેન યશસ્વી જયસ્વાલની સદીની ઇનિંગ સામે મુંબઇની જીત ફીકી પડી ગઈ હતી.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…
