IPL 2022, Lucknow Super Giants: લખનૌ ટીમ પાસે છે ધુંઆધાર બેટ્સમેન અને જબરદસ્ત બોલર, જાણો કેવી હશે Playing 11

નવી IPL ટીમ લખનૌ સુપરજાયન્ટ્સ (Lucknow Super Giants Playing 11) 28 માર્ચે KL રાહુલની કેપ્ટન્સીમાં ગુજરાત ટાઇટન્સ (Gujarat Titans) સામે પ્રથમ મેચ રમશે.

Lucknow Super Giants ટીમ મેદાનમાં આ પ્રકારની સંતુલીત જોવા મળી શકે

TV9 Gujarati | Edited By: Avnish Goswami | Updated on: Mar 17, 2022 | 8:55 PM

ઈન્ડિયન પ્રીમિયર લીગ (IPL 2022) માં લખનૌ સુપર જાયન્ટ્સ (Lucknow Super Giants) કેએલ રાહુલ ના નેતૃત્વમાં મેદાનમાં ઉતરવા જઈ રહી છે. IPL ની આ ટીમ ચોક્કસપણે નવી છે પરંતુ તેની ટીમમાં સામેલ ખેલાડીઓ T20ના દિગ્ગજ છે. ટીમ પાસે કેએલ રાહુલ (KL Rahul) જેવો કેપ્ટન છે, જ્યારે ક્વિન્ટન ડી કોક જેવો વિકેટકીપર પણ છે. ઉપરાંત, માર્કસ સ્ટોઇનિસ જેવો વિસ્ફોટક ઓલરાઉન્ડર આ ટીમની તાકાતમાં વધુ વધારો કરે છે. લખનૌની ટીમ તેની પ્રથમ મેચ 28 માર્ચે ગુજરાત ટાઇટન્સ સામે રમશે. વાનખેડે સ્ટેડિયમમાં યોજાનારી આ મેચમાં લખનૌની પ્લેઈંગ ઈલેવન કઈ સાથે જશે તે સ્પષ્ટ નથી, પરંતુ TV9 ગુજરાતી તમને આ ટીમની સૌથી મજબૂત પ્લેઈંગ ઈલેવન જણાવી રહ્યું છે.

લખનૌ સુપર જાયન્ટ્સ પ્લેઇંગ ઇલેવનમાં તોફાની ઓપનર, શાનદાર ફાસ્ટ બોલર, અદ્ભુત સ્પિનરોથી લઈને અદભૂત ઓલરાઉન્ડર હશે. ઉપરાંત, આ ટીમમાં ગૌતમ ગંભીર જેવો મેન્ટર હશે, જેના નેતૃત્વમાં કોલકાતા નાઈટ રાઈડર્સ બે વખત આઈપીએલ ચેમ્પિયન બની હતી. ચાલો તમને જણાવીએ કે લખનૌની સૌથી શક્તિશાળી પ્લેઈંગ ઈલેવન કઈ હોઈ શકે?

Web Stories View more

IPL 2025 Auction : જાણો ક્યાં મફતમાં ઓક્શન લાઈવ જોઈ શકાશે

કાજોલે આ કારણથી શાહરૂખ ખાનની ફિલ્મ કરી હતી રિજેક્ટ, બાદમાં એશ્વર્યાને મળ્યો રોલ

સૌથી સસ્તી Tata Car ની કાર કેટલાની આવે ? જાણો તેની કિંમત

Green onion : લીલી ડુંગળીમાં કયું વિટામિન હોય છે, તેને ખાવાથી શું ફાયદા થાય છે?

શિયાળામાં સ્ટાર ફ્રુટ ખાવાથી થાય છે અઢળક લાભ

કોણ હશે લખનૌના બેટ્સમેન?

લખનૌ માટે કેએલ રાહુલ, ક્વિન્ટન ડી કોક ઇનિંગ્સની શરૂઆત કરશે, તેમાં કોઈ શંકા કરવાને સ્થાન જણાતુ નથી. મનીષ પાંડે ત્રીજા નંબરે અને માર્કસ સ્ટોઈનિસ ચોથા નંબર પર ઉતરી શકે છે. આ સિવાય દીપક હુડ્ડા પણ આ ટીમ સાથે ફિનિશરની ભૂમિકામાં રહી શકે છે.

કોણ બનશે લખનૌનો ઓલરાઉન્ડર?

લખનૌમાં જેસન હોલ્ડર, કૃણાલ પંડ્યા જેવા બે ઉત્તમ ઓલરાઉન્ડર છે. આ સાથે માર્કસ સ્ટોઈનીસમાં પણ સારી બોલિંગ કરવાની ક્ષમતા છે.

View this post on Instagram

A post shared by Lucknow Super Giants (@lucknowsupergiants)

લખનૌની બોલિંગ કેવી હશે?

લખનૌ 2 નિષ્ણાત સ્પિનરો સાથે પ્લેઇંગ ઇલેવનમાં પ્રવેશ કરી શકે છે. જેમાં લેગ સ્પિનર કુલદીપ યાદવ તેમજ ડાબોડી સ્પિનર શાહબાઝ નદીમ પણ હોઈ શકે છે. આ સિવાય માર્ક વુડ અને અવેશ ખાન ફાસ્ટ બોલિંગમાં આ ટીમની ધાર વધારશે.