IPL 2021: ઈંગ્લેન્ડનો વિસ્ફોટક બેટ્સમેન સપ્તાહ પહેલા જ ખસી જતા પંજાબ કિંગ્સને લાગ્યો મોટો ઝટકો

IPL 2021નો આગળનો તબક્કો 19 સપ્ટેમ્બરથી રમાનાર છે. લીગના પ્રથમ ફેઝને કોરોનાના વધતા સંક્રમણને લઈ રદ કરી દેવાઈ હતી.

Punjab Kings

TV9 Gujarati | Edited By: Avnish Goswami | Updated on: Sep 11, 2021 | 7:20 PM

ઈંગ્લેન્ડના વિસ્ફોટક બેટ્સમેન ડેવિડ મલાન (David Malan) 19 સપ્ટેમ્બરથી શરૂ થનાર IPL 2021ના બીજા તબક્કામાંથી ખસી ગયો છે. અહેવાલો અનુસાર તેણે આ નિર્ણય માન્ચેસ્ટર ટેસ્ટ રદ થયાના 24 કલાક બાદ લીધો છે. ડેવિડ મલાન પંજાબ કિંગ્સ (Punjab Kings) તરફથી રમે છે. તેની ટીમે પણ સોશિયલ મીડિયા પર આ વાતની પુષ્ટિ કરી છે. મલાન સિવાય જોની બેયરિસ્ટો પરત ખેંચાયાના અહેવાલો છે.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

IPLનો બીજો તબક્કો 19 સપ્ટેમ્બરથી શરૂ થશે. પ્રથમ મેચ પાંચ વખતની ચેમ્પિયન મુંબઈ ઈન્ડીયન્સ અને ત્રણ વખતની વિજેતા ટીમ ચેન્નાઈ વચ્ચે રમાશે. માન્ચેસ્ટર ટેસ્ટ રદ થયા બાદ ખેલાડીઓ તેમની IPL ટીમોમાં જોડાવા માટે યુએઈ જવા રવાના થયા છે.

મલાને નામ પરત લીધુ

મલાન આઈપીએલમાં પંજાબ તરફથી રમે છે. તેને પ્રથમ તબક્કાની આઠ મેચમાંથી માત્ર એક મેચ રમવાની તક મળી હતી. આ વર્ષની શરૂઆતમાં યોજાયેલી હરાજીમાં તેને પંજાબે ખરીદ્યો હતો. કાઉન્ટી ક્રિકેટ માટે યોર્કશાયર દ્વારા તેને ટીમમાં સામેલ કરવામાં આવ્યો હતો. તે 12 સપ્ટેમ્બરથી વોરવિકશાયર સામેની મેચમાં ઉતરશે. પંજાબ કિંગ્સે ડેવિડ મલાનના સ્થાને દક્ષિણ આફ્રિકાના સ્ટાર ખેલાડી એડન માર્કરમને પોતાની ટીમમાં સામેલ કર્યો છે. તેણે ટ્વીટર પર પોતાના નવા ખેલાડીનું સ્વાગત કર્યું.

– vich tuhadda swaagat hai!

Welcoming our newest Aiden Markram who will replace Dawid Malan for the remainder of the season! #SaddaPunjab #IPL2021 #PunjabKings pic.twitter.com/OJMW3QEwW1

— Punjab Kings (@PunjabKingsIPL) September 11, 2021

બીજી બાજુ બેયરિસ્ટોએ નામ પરત ખેંચવાના સમાચારની પુષ્ટિ થઈ નથી. તે હૈદરાબાદ માટે ઓપનર છે. વર્ષ 2019થી તે ટીમના સૌથી વિશ્વસનીય બેટ્સમેનોમાંથી એક છે. તેની અને ડેવિડ વોર્નરની જોડી ટીમને શાનદાર શરૂઆત આપતી હતી. જોકે, હવે તેની ગેરહાજરી સનરાઈઝર્સ માટે મોટો આંચકો સાબિત થઈ શકે છે.

ઈંગ્લેન્ડના અનેક ખેલાડીઓએ નામ પરત ખેંચ્યા

જોસ બટલર, જોફ્રા આર્ચર અને બેન સ્ટોક્સ આઈપીએલમાંથી પહેલા જ ખસી ગયા છે. તેમની વિદાય સાથે રાજસ્થાન રોયલ્સની તૈયારીઓને મોટો આંચકો લાગ્યો હતો. જોસ બટલરે વ્યક્તિગત કારણોસર ટુર્નામેન્ટમાં ભાગ લીધો નથી. બીજી બાજુ સ્ટોક્સે માનસિક સ્વાસ્થ્યને ટાંકીને ક્રિકેટમાંથી અનિશ્ચિત વિરામ લીધો છે. જોફ્રા આર્ચર ઈજામાંથી સ્વસ્થ થઈ રહ્યો છે.