જે પિચ પર રોહિત-ગિલ થયા ફ્લોપ, ત્યાં 22 વર્ષીય ખેલાડીએ ફટકારી સદી

વિશાખાપટ્ટનમમાં ડાબા હાથના ઓપનિંગ બેટ્સમેન યશસ્વી જયસ્વાલને શા માટે આવનાર સમયનો મહાન બેટ્સમેન માનવામાં આવે છે તેની સાબિતી તેણે ફરી એકવાર આપી છે. જયસ્વાલે ઈંગ્લેન્ડ સામેની બીજી ટેસ્ટમાં શાનદાર સદી ફટકારી હતી. જયસ્વાલ હૈદરાબાદ ટેસ્ટમાં સદી ચૂકી ગયો હતો, તે 80 રન બનાવીને આઉટ થયો હતો, પરંતુ વિશાખાપટ્ટનમમાં તેણે કોઈ ભૂલ કરી ન હતી. જયસ્વાલે 151 બોલમાં પોતાની સદી પૂરી કરી હતી.

ભારતમાં યશસ્વીની પહેલી ટેસ્ટ સદી

જયસ્વાલ માટે આ સદી ખૂબ જ ખાસ છે કારણ કે ભારતીની ધરતી પર આ તેની પ્રથમ ટેસ્ટ સદી છે. આ પહેલા તેણે વેસ્ટ ઈન્ડિઝમાં તેની ટેસ્ટ કારકિર્દીની પ્રથમ સદી ફટકારી હતી. વિશાખાપટ્ટનમની પીચ પર જયસ્વાલે અદભૂત બેટિંગ કરી હતી. તે પહેલા બોલથી જ આત્મવિશ્વાસથી ભરપૂર દેખાઈ રહ્યો હતો અને તેણે એક પણ ખરાબ બોલને છોડ્યો ન હતો. જયસ્વાલે 11 ચોગ્ગા અને 3 છગ્ગાના આધારે પોતાની સદી પૂરી કરી હતી. આશ્ચર્યજનક વાત એ છે કે જયસ્વાલે સિક્સર ફટકારીને પોતાની સદી પૂરી કરી હતી.

Web Stories View more

વિરાટ કોહલીએ 6 ખેલાડીઓને લાખોની ભેટ આપી

Viral Video : વિદેશમાં Uyi Amma ગીત પર દેશી છોકરીએ કર્યો જોરદાર ડાન્સ

કયા દેશના કોચે સૌથી વધુ IPL ટ્રોફી જીતી છે?

Fennel Seeds : ઉનાળામાં શરીર રહેશે ઠંડુ, આ રીતે ખાઓ વરિયાળી

Video : પંજાબ કિંગ્સની માલકિન પ્રીટિ ઝિન્ટાની 'અધૂરી ઇચ્છા' થઈ પૂરી

IPLના 28 ખેલાડીઓ હવે પાકિસ્તાન સુપર લીગમાં રમશે

@ybj_19 breaches the three figure mark and brings up his second Test century with a maximum

Live – https://t.co/X85JZGt0EV #INDvENG@IDFCFIRSTBank pic.twitter.com/pZCqnhUu78

— BCCI (@BCCI) February 2, 2024

22 વર્ષની ઉંમરમાં 3 આંતરરાષ્ટ્રીય સદી

યશસ્વી જયસ્વાલ માત્ર 22 વર્ષનો છે અને આટલી નાની ઉંમરમાં તેણે 3 આંતરરાષ્ટ્રીય સદી ફટકારી છે. જયસ્વાલે T20માં એક અને ટેસ્ટમાં બે સદી ફટકારી છે. 22 વર્ષની ઉંમરે આ ખેલાડીએ ઓપનર તરીકે બે ટેસ્ટ સદી ફટકારી છે. આ પહેલા માત્ર સુનીલ ગાવસ્કરે આ કારનામું કર્યું હતું. ઓપનર તરીકે ગાવસ્કરે 22 વર્ષની ઉંમર સુધીમાં 4 ટેસ્ટ સદી ફટકારી હતી.

That moment when @ybj_19 got to his second Test

Watch #INDvENG @IDFCFIRSTBank pic.twitter.com/Er7QFxmu4s

— BCCI (@BCCI) February 2, 2024

જયસ્વાલની સફળતાનું રહસ્ય

યશસ્વી જયસ્વાલની સફળતાનું રહસ્ય તેની ટેકનિક છે. આ ખેલાડી માત્ર આક્રમક બેટિંગ જ નથી કરતો પણ તે સિંગલ્સ અને ડબલ્સ કેવી રીતે લેવો તે પણ જાણે છે. સૌથી મોટી વાત એ છે કે તે બોલને ખૂબ મોડો રમે છે અને તેથી જ તેના શોટ વધુ સારા હોય છે. આ જ કારણ છે કે યશસ્વી જયસ્વાલે ફર્સ્ટ ક્લાસમાં 70થી વધુની એવરેજથી રન બનાવ્યા છે અને 21 મેચોમાં 11 સદી છે. તે T20 ક્રિકેટમાં 160 થી વધુના સ્ટ્રાઈક રેટથી રન બનાવે છે અને ટેસ્ટમાં પણ તેનો રન રેટ ખૂબ જ સારો છે.

આ પણ વાંચો : રોહિત પાસેથી આવી અપેક્ષા નહોતી, ‘હિટમેન’ સરળતાથી એક શિખાઉની જાળમાં ફસાઈ ગયો