Virat Kohli: જો વિરાટ કોહલીએ સદી ન ફટકારી હોત, તો લાખોનું નુકસાન થયું હોત! ચોંકાવનારો ખુલાસો

ભારત અને દક્ષિણ આફ્રિકા વચ્ચેની ત્રણ મેચની ODI શ્રેણી રોમાંચક તબક્કામાં પહોંચી ગઈ છે. 1-1 થી બરાબર રહેલી શ્રેણીની અંતિમ મેચ 6 ડિસેમ્બર, 2025 ના રોજ વિશાખાપટ્ટનમના ડૉ .વાય એસ રાજશેખર રેડ્ડી ACA- VDCA ક્રિકેટ સ્ટેડિયમ ખાતે રમાશે. સ્ટેડિયમ ખીચોખીચ ભરેલું રહેવાની અપેક્ષા છે. આ મેચમાં સૌના આકર્ષણનું કેન્દ્ર ભારતનો સ્ટાર બેટ્સમેન વિરાટ કોહલી છે. આ કંઈ નવું નથી. કોહલીનો કરિશ્મા હંમેશા સ્ટેડિયમ ભરવાની ચાવી રહ્યો છે. પરંતુ આ વખતે, તેણે આંધ્ર ક્રિકેટ એસોસિએશનને મોટા નુકસાનથી બચાવ્યું છે.

ચાહકોમાં વિરાટ કોહલીનો ક્રેઝ

આ શ્રેણી વિરાટ કોહલી માટે અત્યાર સુધી ખૂબ જ પ્રભાવશાળી રહી છે, તેણે શરૂઆતની બંને મેચમાં સદી ફટકારી છે. આ પ્રદર્શનની વિશાખાપટ્ટનમમાં ટિકિટ વેચાણ પર નોંધપાત્ર અસર પડી છે. એક અહેવાલ મુજબ રાંચીમાં વિરાટની સદી પછી વિશાખાપટ્ટનમ મેચ માટે ટિકિટ વેચાણમાં નોંધપાત્ર વધારો જોવા મળ્યો, જે કોહલીના જાદુનો પુરાવો છે. આ સદીને કારણે ફાઇનલ મેચ માટે ટિકિટની માંગ આસમાને પહોંચી ગઈ છે.

રાંચીમાં વિરાટ કોહલીની સદી

હકીકતમાં, આ મેચની પ્રથમ રાઉન્ડની ટિકિટ 28 નવેમ્બરના રોજ વેચાણ માટે શરૂ થઈ હતી, પરંતુ બહુ ઓછી વેચાઈ હતી. ત્યારબાદ 30 નવેમ્બરના રોજ રાંચીમાં રમાયેલી મેચમાં વિરાટ કોહલીએ 135 રન બનાવ્યા, જેના પરિણામે 1 અને 3 ડિસેમ્બરની ટિકિટ ઓનલાઈન ઉપલબ્ધ થયાની થોડી જ મિનિટોમાં વેચાઈ ગઈ.

વિરાટની સદી બાદ ટિકિટો વેચાઈ

આ મેચની ટિકિટની કિંમત ₹1,200 થી ₹18,000 સુધીની હતી, પરંતુ એક પણ ટિકિટ વેચાયા વગર રહી ન હતી. વિરાટની સદીએ બધું બદલી નાખ્યું અને ચાહકોમાં આ મેચ માટે ઉત્સાહ વધાર્યો. સ્થાનિક ક્રિકેટ એસોસિએશનના અધિકારીઓએ જણાવ્યું હતું કે કોહલીના ચાહકોએ રાંચીમાં તેની ઇનિંગ જોતાની સાથે જ ટિકિટ ખરીદવાનું શરૂ કરી દીધું હતું. હવે, ચાહકો તેની પાસેથી બીજી સદીની આશા રાખી રહ્યા છે .

વિશાખાપટ્ટનમમાં વિરાટનો રેકોર્ડ

આ મેદાન વિરાટ કોહલી માટે ખૂબ જ ખાસ રહ્યું છે. તેણે અહીં અત્યાર સુધીમાં સાત વનડે મેચ રમી છે , જેમાં તેણે 97.83 ની સરેરાશથી 587 રન બનાવ્યા છે, જેમાં ત્રણ સદી અને બે અડધી સદીનો સમાવેશ થાય છે. વધુમાં, તેણે વિશાખાપટ્ટનમ ખાતે બે ટેસ્ટ મેચમાં 299 રન બનાવ્યા છે, જેમાં એક સદી અને એક અડધી સદીનો સમાવેશ થાય છે.

આ પણ વાંચો: વૈભવ સૂર્યવંશીની જોરદાર ફટકાબાજી છતાં અર્જુન તેંડુલકરની ટીમ સામે મળી હાર

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો