IND vs SA: સાવધાન! અંતિમ ટેસ્ટમાં પણ ભારે પડી શકે છે દક્ષિણ આફ્રિકાનો ‘ઉંચો’ બોલર, રાહુલ-રહાણે સૌ કોઇ રહ્યા છે પરેશાન

ભારત અને દક્ષિણ આફ્રિકા (India vs South Africa) વચ્ચે ત્રીજી ટેસ્ટ કેપટાઉન (Cape Town Test) માં રમાશે, ઝડપી બોલર માર્કો યાનસન ભારતીય બેટિંગ ઓર્ડર માટે મોટી સમસ્યા છે.

IND vs SA: સાવધાન! અંતિમ ટેસ્ટમાં પણ ભારે પડી શકે છે દક્ષિણ આફ્રિકાનો 'ઉંચો' બોલર, રાહુલ-રહાણે સૌ કોઇ રહ્યા છે પરેશાન
Marco Jansen: આ શ્રેણીમાં રમાયેલી 2 ટેસ્ટમાં 12 વિકેટ ઝડપી છે.
ભારત અને દક્ષિણ આફ્રિકા (India vs South Africa, 3rd Test) વચ્ચે ટેસ્ટ શ્રેણીની ત્રીજી અને અંતિમ મેચ કેપટાઉન (Cape Town Test) ના ન્યુલેન્ડ્સ ગ્રાઉન્ડ પર રમાશે. ટીમ ઈન્ડિયા (Team India) પાસે આ મેચમાં ઈતિહાસ રચવાની તક છે. ભારતીય ટીમ (Indian Cricket Team) દક્ષિણ આફ્રિકામાં ક્યારેય ટેસ્ટ શ્રેણી જીતી શકી નથી અને હવે તે આ ઐતિહાસિક સિદ્ધિ હાંસલ કરવાની અણી પર છે.
હાલમાં શ્રેણી 1-1થી બરાબર છે અને કેપટાઉન ટેસ્ટ  માં શાનદાર પ્રદર્શન કરીને શ્રેણી જીતવાનું સપનું સાકાર થઈ શકે છે. જો કે, આ સપનું પૂરું કરતા પહેલા ટીમ ઈન્ડિયાએ માર્કો જેનસેન  (Marco Jansen) નો સામનો કરવો પડશે, જેના કહેર વર્તાવતા બોલે સમગ્ર ભારતીય બેટિંગ યુનિટને પરેશાન કરી દીધું છે.
માર્કો યાનસને આ શ્રેણીમાં રમાયેલી 2 ટેસ્ટમાં 12 વિકેટ ઝડપી છે. આ ડાબોડી ફાસ્ટ બોલર સૌથી વધુ વિકેટ લેવાના મામલે બીજા નંબર પર છે. દક્ષિણ આફ્રિકાને જોહાનિસબર્ગ ટેસ્ટ જીતવામાં મદદ કરવામાં યાનસનનો મહત્વનો ભાગ હતો. બીજી ટેસ્ટમાં યાનસને પ્રથમ દાવમાં 4 અને બીજી ઈનિંગમાં 3 વિકેટ ઝડપી હતી. પ્રથમ ટેસ્ટમાં પણ યાનસને કુલ 5 વિકેટ લીધી હતી.
કેએલ રાહુલ યાન્સન સામે બે વખત ઘૂંટણિયે પડી ગયો છે. યાનસને વિરાટ કોહલી, અજિંક્ય રહાણે, મયંક અગ્રવાલ અને ઋષભ પંતને પણ પેવેલિયનનો રસ્તો બતાવ્યો છે. સ્પષ્ટ છે કે આ બોલર ભારતીય બેટ્સમેનો માટે કાળ બની ગયો છે.

માર્કો યાનસન કેપ ટાઉનમાં એક મોટો ખતરો છે!

કેપટાઉનમાં ટીમ ઈન્ડિયા માટે માર્કો યાનસન મોટો ખતરો છે, તેનું મુખ્ય કારણ તેની અદભૂત લાઈન-લેન્થ છે. યાનસન સતત ઓફ-સ્ટમ્પની બહાર બોલિંગ કરે છે અને તેની એક બોલ અચાનક આવી જાય છે જે બેટ્સમેનના મનમાં શંકા પેદા કરે છે. જો કે, યાન્સન બહાર જતા બોલ પર જ વિકેટ લે છે. આ જાળમાં કેએલ રાહુલ અને મયંક અગ્રવાલ એકદમ ફસાયેલા દેખાય છે.
માર્કો યાનસનની ઉંચાઈ 6 ફૂટ 8 ઈંચ છે અને તે તેનો ભરપૂર ફાયદો ઉઠાવે છે. યાનસનની બોલમાં વધારાનો ઉછાળો છે અને ભારતીય બેટ્સમેનો તેની સામે પુલ શોટ લેવાનું જોખમ પણ ઉઠાવી શકતા નથી. રહાણેએ પ્રથમ ટેસ્ટમાં પ્રયાસ કર્યો હતો પરંતુ તે આઉટ થઈ ગયો હતો. ભારતીય બેટ્સમેન ભૂતકાળમાં પણ ઊંચા બોલરોથી પરેશાન જોવા મળ્યા છે. ન્યુઝીલેન્ડની કાયલ જેમ્સન તેનું ઉત્તમ ઉદાહરણ છે.

યાનસન આક્રમક બોલર છે

માર્કો યાનસનની આ ડેબ્યૂ ટેસ્ટ સિરીઝ હોવા છતાં, તેને જોઈને એવું લાગતું નથી. તે ભારતના સિનિયર ખેલાડીઓનો સામનો કરવામાં અચકાતો નથી. જોહાનિસબર્ગ ટેસ્ટ દરમિયાન તેની બુમરાહ સાથે ઘર્ષણ થયુ હતુ અને તે સેન્ચુરિયનમાં રહાણેને આઉટ કર્યા બાદ આંખો બતાવતો પણ જોવા મળ્યો હતો. તે સ્પષ્ટ છે કે યાનસનમાં આક્રમકતા અને પ્રતિભા બંને છે, ભારતીય બેટ્સમેનોએ કેપટાઉનમાં કમાલ કરવા પડશે.

આ પણ વાંચોઃ IPL 2022: શ્રેયસ અય્યર બનશે કોલકાતા નાઇટ રાઇડર્સનો નવો કેપ્ટન? સામે આવ્યા 4 મોટા અપડેટ

આ પણ વાંચોઃ IPL 2022: હાર્દિક પંડ્યા બનશે અમદાવાદનો કેપ્ટન, રાશિદ ખાન પણ ટીમ સાથે જોડાશે – રિપોર્ટસ

  • Follow us on Facebook

Published On - 8:12 am, Tue, 11 January 22

Click on your DTH Provider to Add TV9 Gujarati