IND vs PAK: રોહિત શર્મા અને વિરાટ કોહલી પાકિસ્તાનના બોલરોને ખરાબ રીતે ફટકારશે, ન્યૂયોર્કથી આવ્યા મોટા સમાચાર

ભારત અને પાકિસ્તાનની ટીમો છેલ્લે ઓસ્ટ્રેલિયાના મેલબોર્નમાં T20 વર્લ્ડ કપમાં પોતાની મેચ રમી હતી. લગભગ 90 હજાર લોકોએ આ ઐતિહાસિક મેચ લાઈવ નિહાળી. હવે ફરી એકવાર બંને ટીમો ટક્કર માટે તૈયાર છે. પરંતુ તેમને ખ્યાલ નથી કે પીચ અને સ્ટેડિયમની હાલત કેવી હશે. હવે બંને ટીમના કેપ્ટન અને કોચની સાથે ચાહકો પણ જાણવા માંગે છે કે આ મેચમાં પિચનો કેવી રીતે ઉપયોગ કરવામાં આવશે. જેથી મેચ પહેલા યોગ્ય આયોજન કરી શકાય. હવે ICC અધિકારીઓએ આ તમામ બાબતોનો ખુલાસો કર્યો છે.

બાઉન્ડ્રી વાનખેડે જેવી હશે

ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં 9 જૂને ભારત-પાકિસ્તાન મેચ રમાવાની છે. ICCએ આ સ્ટેડિયમને સત્તાવાર રીતે લોન્ચ કર્યું છે. સ્ટેડિયમના લોન્ચિંગ ઈવેન્ટ દરમિયાન જે બાબતો સામે આવી છે તે ભારતીય ચાહકોને ખુશ કરશે. ICC હેડ ઓફ ઈવેન્ટ્સ ક્રિસ ટેટલીએ ખુલાસો કર્યો છે કે ન્યૂયોર્કના સ્ટેડિયમની બાઉન્ડ્રીનું કદ મુંબઈના વાનખેડે સ્ટેડિયમ જેવું જ હશે. ભારતીય ટીમમાં રોહિત શર્મા, સૂર્યકુમાર યાદવ, યશસ્વી જયસ્વાલ અને શિવમ દુબેને મુંબઈમાં રમવાનો લાંબો અનુભવ છે, આવી સ્થિતિમાં તેમના માટે બાઉન્ડ્રી ફટકારવી સરળ બની શકે છે. વાનખેડેની જેમ નોર્થ બાઉન્ડ્રી 75 યાર્ડની અને અન્ય ત્રણ દિશાઓની બાઉન્ડ્રી 67 યાર્ડની હશે.

ન્યુયોર્કની પિચ કેવી હશે?

મોહમ્મદ આમિરની વાપસી બાદ પાકિસ્તાનનું પેસ એટેક વધુ મજબૂત હોવાનું કહેવાય છે. ટીમ પાસે પહેલાથી જ શાહીન આફ્રિદી જેવો ઝડપી બોલર હતો, જે પ્રથમ ઓવરમાં વિકેટ લેવા માટે જાણીતો છે. પરંતુ પીચના સંદર્ભમાં પણ ભારતને ફાયદો થતો જણાય છે. ICC પિચ ક્યુરેટર ડેમિયન હોફે કહ્યું છે કે પિચમાં ગતિ અને બાઉન્સ હશે અને તે સારી રીતે બેટ પર આવશે. હોફના નિવેદન પરથી સ્પષ્ટપણે કહી શકાય કે પીચ બેટિંગ માટે સારી રહેશે. જેના કારણે પાકિસ્તાનના બોલરોને નુકસાન થઈ શકે છે. એટલે કે ભારત અને પાકિસ્તાન વચ્ચેની આ મેચ હાઈ સ્કોરિંગ સાબિત થઈ શકે છે. જો કે, મેચમાં હજુ સમય છે પરંતુ હાલમાં મળેલી માહિતી મુજબ રોહિત શર્મા અને વિરાટ કોહલી ફરી એકવાર પાકિસ્તાની બોલરોને મારતા જોવા મળી શકે છે.

આ પણ વાંચો : IPL 2024 SRH vs GT : વરસાદના કારણે મેચ રદ્દ, સનરાઈઝર્સ હૈદરાબાદ પ્લેઓફમાં થયું ક્વોલિફાય