ICC T20 WC 2022: T20 વર્લ્ડ કપ માટે ઇંગ્લેન્ડની ક્રિકેટ ટીમની નવી જર્સી લોન્ચ થઇ
ઇંગ્લેન્ડમાં સ્થાનિક ક્રિકેટની શરૂઆત કાઉન્ટી ચેમ્પિયનશિપ ડિવિઝન વનથી થઈ છે. આ સાથે જ ઈંગ્લેન્ડમાં ઈન્ટરનેશનલ ક્રિકેટ પણ ટૂંક સમયમાં શરૂ થશે.
ઈંગ્લેન્ડમાં કાઉન્ટી ચેમ્પિયનશિપ ડિવિઝન વનથી સ્થાનિક ક્રિકેટની શરૂઆત થઈ છે. આ સાથે જ ઈંગ્લેન્ડમાં ઈન્ટરનેશનલ ક્રિકેટ પણ ટૂંક સમયમાં શરૂ થશે. પરંતુ તે પહેલા ઈંગ્લેન્ડ ક્રિકેટ બોર્ડ (ECB) એ T20 ઈન્ટરનેશનલ મેચ માટે ટીમની નવી જર્સી લોન્ચ કરી છે. ECB એ ટ્વીટ કરીને આ અંગેની માહિતી આપી છે. આ ટ્વીટમાં જોફ્રા આર્ચર (Jofra Archer), જોસ બટલર અને મહિલા ટીમની એક ખેલાડીઓ હાજર છે.
જુનમાં સ્થાનિક ક્રિકેટ સત્રની શરૂઆત થશે
જો ઈંગ્લેન્ડની ડોમેસ્ટિક સીઝનની વાત કરીએ તો તે જૂનમાં શરૂ થશે. આ દરમિયાન ઈંગ્લેન્ડની ક્રિકેટ ટીમે બે મેચની ટેસ્ટ શ્રેણી રમવાની છે. આ પછી ઈંગ્લેન્ડ ભારત સામે 3 મેચની T20 અને ODI શ્રેણી રમશે. આ દરમિયાન તમામ ખેલાડીઓ આ નવી જર્સી પહેરીને મેદાનમાં ઉતરશે.
આ સિવાય દક્ષિણ આફ્રિકાનો ઈંગ્લેન્ડ પ્રવાસ પણ જુલાઈના મધ્યમાં શરૂ થશે. જેમાં ઈંગ્લેન્ડે પણ ટી-20 શ્રેણી રમવાની છે. આ પછી ઈંગ્લેન્ડની ટીમ ઓસ્ટ્રેલિયામાં યોજાનાર ટી20 વર્લ્ડ કપમાં ભાગ લેશે. ઇંગ્લેન્ડની ટીમ ફરી એકવાર T20 વર્લ્ડ કપ જીતવા માટે બેતાબ છે. છેલ્લે તેની સફર સેમિ ફાઈનલમાં જ સમાપ્ત થઈ ગઈ હતી. આવી સ્થિતિમાં મોર્ગન તેની કારકિર્દી સમાપ્ત થાય તે પહેલા T20 વર્લ્ડ કપ જીતવા માંગશે.
Introducing our new Castore IT20 kit! 🔥
Available 👇
— England Cricket (@englandcricket) April 8, 2022
રોરી બર્ન્સે કરી આલોચના
ઈંગ્લેન્ડના ઓપનર રોરી બર્ન્સે (Rory Burns) સ્થાનિક ટૂર્નામેન્ટની ટીકા કરી છે. તેણે કહ્યું છે કે કાઉન્ટી ચેમ્પિયનશિપ દરમિયાન ઘણી બધી મેચો હોય છે. જે ખેલાડીઓને અસર કરે છે.
આ પણ વાંચો : PBKS vs GT Live Cricket Score, IPL 2022 : ગુજરાત ટાઇટન્સ ટીમે ટોસ જીતી પહેલા બોલિંગ કરવાનો નિર્ણય કર્યો