Breaking News : એકસાથે ત્રણ દેશોમાં રમાશે ODI વર્લ્ડ કપ, જાણો કેમ લીધો ICCએ આ નિર્ણય

2027 માં યોજાનારો ICC વનડે વર્લ્ડ કપ એક ખાસ કારણસર ચર્ચામાં છે. આ ટુર્નામેન્ટ દક્ષિણ આફ્રિકા, ઝિમ્બાબ્વે અને નામિબિયા—આ ત્રણ આફ્રિકન દેશોમાં સંયુક્ત રીતે યોજાશે. ICCએ નવેમ્બર 2021 માં આ ત્રણેય દેશોને મળીને હોસ્ટિંગ અધિકારો આપવાનો નિર્ણય લીધો હતો. આ નિર્ણય પાછળનો મુખ્ય ઉદ્દેશ આફ્રિકામાં ક્રિકેટને પ્રોત્સાહન આપવાનો અને નવા દેશોમાં રમતનો વિકાસ વધારવાનો છે.

આ પહેલું વખત નથી કે વર્લ્ડ કપ આફ્રિકાના એકથી વધુ દેશોમાં રમાશે. 2003માં પણ દક્ષિણ આફ્રિકા અને ઝિમ્બાબ્વે સાથે કેન્યાએ સંયુક્ત રીતે ટુર્નામેન્ટનું આયોજન કર્યું હતું. આ વખતે, ICCએ કેન્યાની જગ્યાએ નામિબિયાને તક આપી છે, જેથી ઉભરતા ક્રિકેટ દેશોને વૈશ્વિક મંચ મળે.

મેચોનું વિતરણ કરીને આયોજન સરળ બનાવવામાં આવ્યું

ત્રણ દેશોમાં ટુર્નામેન્ટ યોજવાનું એક મહત્વપૂર્ણ કારણ લોજિસ્ટિક્સ પણ છે. 2027ના વર્લ્ડ કપમાં કુલ 14 ટીમો વચ્ચે 54 મેચ રમાશે. આટલી મોટી ટુર્નામેન્ટ એક જ દેશમાં સંભાળવી મુશ્કેલ બની શકે. તેથી, મેચોનું વિતરણ કરીને આયોજન સરળ બનાવવામાં આવ્યું છે. તેમાં દક્ષિણ આફ્રિકા લગભગ 44 મેચનું આયોજન કરશે, જ્યારે બાકીની મેચો ઝિમ્બાબ્વે અને નામિબિયામાં રમાશે.

આ આયોજન પાછળ બીજું મહત્વનું કારણ ત્રણેય દેશોની સંયુક્ત બોલી છે. દક્ષિણ આફ્રિકાનું મજબૂત ઇન્ફ્રાસ્ટ્રક્ચર, ઝિમ્બાબ્વેનો અનુભવ અને નામિબિયાનો ઝડપથી વિકસતું ક્રિકેટ માળખું. આ બધાનો સમન્વય કરીને મજબૂત પ્રસ્તાવ રજૂ કરવામાં આવ્યો હતો, જેને ICCએ સ્વીકાર્યો.

નામિબિયા એક એસોસિયેટ સભ્ય

એક રસપ્રદ બાબત એ છે કે ત્રણેય યજમાન દેશોમાંથી ફક્ત દક્ષિણ આફ્રિકા અને ઝિમ્બાબ્વેને સીધી લાયકાત મળશે. કારણ કે આ બંને દેશો ICCના પૂર્ણ સભ્યો છે. જ્યારે નામિબિયા એક એસોસિયેટ સભ્ય છે, તેથી તેને વર્લ્ડ કપમાં સ્થાન મેળવવા માટે ક્વોલિફાયર રાઉન્ડમાંથી પસાર થવું પડશે.

નામિબિયા અંગે એક મોટો પ્રશ્ન ફ્લડલાઇટ્સનો છે. હાલ તેના કોઈપણ ક્રિકેટ સ્ટેડિયમમાં ફ્લડલાઇટ્સ ઉપલબ્ધ નથી, જેના કારણે ત્યાં યોજાનારી મેચો દિવસ દરમિયાન જ રમવી પડશે. જોકે, વર્લ્ડ કપને હજુ સમય બાકી હોવાથી, સંભાવના છે કે નામિબિયા પોતાના સ્ટેડિયમમાં ફ્લડલાઇટ્સ સ્થાપિત કરશે અને ટુર્નામેન્ટ માટે સંપૂર્ણ તૈયાર થશે.

હાર્દિક પંડ્યાએ શર્ટલેસ થઈ કાર ચલાવી, ગર્લફ્રેન્ડને ગળે લગાવી ડાન્સ કર્યો, જુઓ વીડિયો