IND vs PAK T20 World Cup Breaking : મેચ નહીં, પૈસાનો વરસાદ છે ભારત-પાકિસ્તાન મેચ, 10 સેકન્ડની એક જાહેરાતના 70 લાખ રૂપિયા

રવિવારે કોલંબોના પ્રખ્યાત આર. પ્રેમદાસા સ્ટેડિયમ ખાતે રમાનારી ભારત-પાકિસ્તાન મેચ પહેલા જ સુપરહિટ બની ગઈ છે. પ્રસારણકર્તાઓ 10 સેકન્ડના સ્લોટ માટે આશરે ₹7 મિલિયન (₹70 લાખ) માંગે છે. 2024ની આવૃત્તિમાં આ જ પ્રકારની મેચ માટે દર લગભગ ₹4 મિલિયન હતો. એટલે કે, માત્ર બે વર્ષમાં જાહેરાતના દરમાં લગભગ 75 ટકાનો જોરદાર વધારો નોંધાયો છે.

T20 વર્લ્ડ કપનો સૌથી ચર્ચિત મુકાબલો

આ મુકાબલો ICC T20 વર્લ્ડ કપનો સૌથી ચર્ચિત મુકાબલો છે. શરૂઆતમાં પાકિસ્તાન દ્વારા બહિષ્કારની ચર્ચાએ અનિશ્ચિતતા ઊભી કરી હતી, પરંતુ અંતે બંને દેશો મેદાનમાં ઉતરવા તૈયાર થયા. આ રાજકીય ડ્રામાએ મેચને વધુ હાઇ-પ્રોફાઇલ બનાવી દીધી છે, જેની સીધી અસર જાહેરાત અને સ્પોન્સરશિપ માર્કેટ પર પડી છે.

ભારત-પાકિસ્તાન મેચની બ્રાન્ડ વેલ્યુ હાઈ

સરખામણી કરીએ તો IPL દરમિયાન 10 સેકન્ડની જાહેરાતનો મહત્તમ દર સામાન્ય રીતે ₹2 મિલિયન આસપાસ રહે છે. જ્યારે અમેરિકાના Super Bowl માટે 10 સેકન્ડની જાહેરાત ₹22 થી ₹28 મિલિયન સુધી પહોંચે છે. તેમ છતાં, ક્રિકેટ જગતમાં ભારત-પાકિસ્તાન મુકાબલાની બ્રાન્ડ વેલ્યુ અનોખી ગણાય છે.

મેચથી જોરદાર કમાણી થશે

બીઝનેસની વાત કરીએ તો, મીડિયા રાઈટ્સ ધરાવતી કંપનીને આ મેચથી વિશાળ આવક થવાની સંભાવના છે. અગાઉની આવૃત્તિ દરમિયાન ભારત-પાકિસ્તાન મેચે 256 મિલિયન કલાકનો વ્યૂઅરશિપ સમય નોંધાવ્યો હતો. ડિજિટલ પ્લેટફોર્મ પર ટોચના સમયે 53 મિલિયનથી વધુ દર્શકો એકસાથે જોડાયા હતા. આ આંકડા જાહેરાતકર્તાઓ માટે સોનેરી તક સાબિત થાય છે.

જાહેરાતના દરમાં જબ્બર ઉછાળો

જોકે માંગ ભારે છે, જાહેરાત માટે ઉપલબ્ધ સ્લોટ મર્યાદિત છે. મોટાભાગની ઈન્વેન્ટરી પહેલેથી જ પેકેજ ડીલ તરીકે વેચાઈ ગઈ છે અને ખાસ કરીને ભારત-પાકિસ્તાન મેચ માટે માત્ર 20-30 ટકા જ સ્લોટ પ્રીમિયમ દરે ઉપલબ્ધ છે. જો ટુર્નામેન્ટમાં બંને ટીમો આગળ વધશે અને ફરી એકવાર સામસામે આવશે, તો જાહેરાતના દરમાં વધુ ઉછાળો જોવા મળી શકે છે.

IND vs PAK T20 WC Breaking: ભારત-પાકિસ્તાન મેચમાં ફરી સંકટના વાદળો, 15 ફેબ્રુઆરીએ શ્રીલંકામાં ભારે વરસાદની આગાહી