હું સંન્યાસ લઈશ… ટેસ્ટ સિરીઝ પહેલા ટીમ ઈન્ડિયાના આ ખેલાડીએ નિવૃત્તિ અંગે કર્યો મોટો ખુલાસો, જણાવ્યો આખો પ્લાન
બાંગ્લાદેશ વિરૂદ્ધ બે મેચની ટેસ્ટ સીરિઝ પહેલા ટીમ ઈન્ડિયાના એક ખેલાડીએ પોતાના રિટાયરમેન્ટ પ્લાન પર મોટું નિવેદન આપ્યું છે. આ ખેલાડી આ મહિને 38 વર્ષનો થવા જઈ રહ્યો છે અને તે ટીમ ઈન્ડિયાના સૌથી મહત્વપૂર્ણ ખેલાડીઓમાંથી એક છે.
લાંબા વિરામ બાદ ટીમ ઈન્ડિયા ફરી એકવાર એક્શનમાં પાછી ફરી રહી છે. 19 સપ્ટેમ્બરથી ટીમ ઈન્ડિયા બાંગ્લાદેશ સામે બે મેચની ટેસ્ટ શ્રેણી રમવાની છે. વર્લ્ડ ટેસ્ટ ચેમ્પિયનશિપના હિસાબે ટીમ ઈન્ડિયા માટે આ સિરીઝ ઘણી મહત્વની બની રહેવાની છે.
આ સીરીઝની શરૂઆત પહેલા ટીમ ઈન્ડિયાના દિગ્ગજ સ્પિનર રવિચંદ્રન અશ્વિને પોતાની નિવૃત્તિની યોજનાઓ વિશે ખુલીને વાત કરી છે. રવિચંદ્રન અશ્વિને કહ્યું છે કે તે અત્યારે નિવૃત્તિ વિશે વધુ વિચારી રહ્યો નથી, પરંતુ તેણે એ પણ જણાવ્યું છે કે તે ક્યારે આંતરરાષ્ટ્રીય ક્રિકેટ છોડી દેશે.
રિટાયરમેન્ટ પ્લાન પર અશ્વિનનું મોટું નિવેદન
રવિચંદ્રન અશ્વિને તેમની યુટ્યુબ ચેનલ પર વિમલ કુમાર સાથેની વાતચીત દરમિયાન તેમની નિવૃત્તિની યોજનાઓ વિશે ખુલીને વાત કરી હતી. તેણે કહ્યું કે જ્યારે તેને હવે તેની રમત સુધારવાની ઈચ્છા નહીં હોય તો તે નિવૃત્તિ વિશે વિચારશે. આર અશ્વિને કહ્યું, ‘મારા મગજમાં આવું કંઈ નથી. હું એક સમયે એક દિવસ લઉં છું. કારણ કે જ્યારે તમે મોટા થાઓ છો, તમારે દરરોજ સખત મહેનત કરવી પડશે. તે પહેલા જેવું નથી. મેં છેલ્લા 3-4 વર્ષમાં સખત મહેનત કરી છે. મેં હજી નિવૃત્તિ લેવાનું નક્કી કર્યું નથી, પરંતુ જે દિવસે મને લાગશે કે હું સુધરવા માંગતો નથી ત્યારે હું નિવૃત્ત થઈ જઈશ.
આર અશ્વિન 17 સપ્ટેમ્બરે 38 વર્ષનો થશે. જ્યારે 40 વર્ષની ઉંમર સુધી ક્રિકેટ રમવા વિશે પૂછવામાં આવ્યું ત્યારે તેણે કહ્યું, ‘હું જાણું છું કે તે મુશ્કેલ સમય (2018-20) પછી મારું જીવન કેવી રીતે બદલાયું. હું માત્ર ક્રિકેટ પ્રત્યેનો મારો આનંદ જાળવી રહ્યો છું અને જે ક્ષણે મને લાગશે કે હું તેને ગુમાવી રહ્યો છું, હું તેનાથી દૂર થઈ જઈશ. આપણે બધા રમીએ છીએ અને આપણે બધાએ જવું પડશે. બીજું કોઈ આવશે અને સારું કરશે. આ ભારતીય ક્રિકેટ છે.
અનિલ કુંબલેને પાછળ છોડવાની તક
રવિચંદ્રન અશ્વિને ટીમ ઈન્ડિયા માટે અત્યાર સુધીમાં 100 ટેસ્ટ મેચ રમી છે. અશ્વિને આ મેચોમાં 516 વિકેટ લીધી છે. તે ભારતનો બીજો સૌથી વધુ વિકેટ લેનાર બોલર છે. તેનાથી આગળ માત્ર અનિલ કુંબલે છે જેણે 619 વિકેટ લીધી છે. અનિલ કુંબલેના રેકોર્ડને તોડવાની વાત કરતા અશ્વિને કહ્યું, ‘મેં મારા માટે કોઈ લક્ષ્ય રાખ્યું નથી. અનિલ ભાઈ ઈચ્છે છે કે હું તેમનો રેકોર્ડ તોડું, પરંતુ હું ખુશ છું. હું લક્ષ્યો નક્કી કરીને રમત પ્રત્યેનો મારો પ્રેમ ગુમાવવા માંગતો નથી.
