Ind vs NZ ની પહેલા મેદાન વચ્ચે જગડી પડ્યો ગુજ્જુ ઓલરાઉન્ડર હાર્દિક પંડયા! વીડિયો થયો વાયરલ

ટીમ ઈન્ડિયાએ રાયપુરમાં રમાયેલી બીજી T20Iમાં ન્યૂઝીલેન્ડ સામે શાનદાર પ્રદર્શન સાથે આસાન જીત મેળવી. જોકે, મેચના પરિણામ કરતા પણ વધુ ચર્ચામાં એક વીડિયો રહ્યો, જેમાં ભારતીય ઓલરાઉન્ડર હાર્દિક પંડ્યા અને ભૂતપૂર્વ ક્રિકેટર મુરલી કાર્તિક વચ્ચે મેદાન પર ઉગ્ર ચર્ચા થતી હોવાનું દાવો કરવામાં આવ્યો છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

રાયપુરના શહીદ વીર નારાયણ સિંહ ઇન્ટરનેશનલ સ્ટેડિયમમાં ભારત અને ન્યૂઝીલેન્ડ વચ્ચે બીજી T20I શરૂ થવાની પહેલાં, સ્ટેડિયમમાં હાજર એક ચાહકે આ વીડિયો રેકોર્ડ કર્યો હતો. વીડિયોમાં હાર્દિક પંડ્યા પ્રેક્ટિસ માટે બેટ અને ગ્લોવ્ઝ સાથે ફિલ્ડમાં પ્રવેશતા જોવા મળે છે. થોડું આગળ જતા તેઓ મુરલી કાર્તિકને મળે છે, જ્યાં બંને એકબીજાને હાથ મિલાવી અભિવાદન કરે છે.

મુરલી કાર્તિક તેમને શાંત કરવાનો પ્રયાસ કર્યો

શરૂઆતમાં વાતચીત સામાન્ય અને મૈત્રીપૂર્ણ લાગી રહી હતી, પરંતુ થોડા સમયમાં જ માહોલ તંગ બનતો દેખાયો. વીડિયોમાં હાર્દિક પંડ્યા ગુસ્સામાં એનિમેટેડ રીતે વાત કરતા નજરે પડે છે, જ્યારે મુરલી કાર્તિક તેમને શાંત કરવાનો પ્રયાસ કરતા જણાય છે. હાર્દિકની બોડી લેંગ્વેજ પરથી એવું લાગી રહ્યું છે કે તેઓ કોઈ મુદ્દાને લઈને નારાજ હતા, જોકે આ ચર્ચાનું ચોક્કસ કારણ હજુ સુધી સ્પષ્ટ થયું નથી.

Heated exchange between Hardik Pandya and Murali Kartik? Thoughts? pic.twitter.com/PsKs2ia7TF

— Sameer Allana (@HitmanCricket) January 23, 2026

આ વીડિયો વાયરલ થયા બાદ સોશિયલ મીડિયા પર અલગ-અલગ પ્રતિક્રિયાઓ સામે આવી છે. ઘણા યુઝર્સે તેને હાર્દિક અને મુરલી કાર્તિક વચ્ચે થયેલી ‘ગરમ દલીલ’ તરીકે વર્ણવી છે. નોંધનીય છે કે મુરલી કાર્તિક આ મેચમાં બ્રોડકાસ્ટ ટીમનો ભાગ હતા અને કોમેન્ટ્રી કરી રહ્યા હતા, જેના કારણે આ ઘટના મેચ દરમિયાન પણ ચર્ચાનો વિષય બની રહી.

ટીમ ઈન્ડિયાએ 15.2 ઓવરમાં ખેલ ખતમ કરી દીધો

જો કે, મેદાન પર થયેલી આ ચર્ચાનો હાર્દિક પંડ્યાના પ્રદર્શન પર કોઈ અસર જોવા મળી નહીં. ટીમ ઈન્ડિયાએ માત્ર 15.2 ઓવરમાં 209 રનનો વિશાળ લક્ષ્યાંક હાંસલ કર્યો. હાર્દિક પંડ્યાએ બોલિંગમાં ઉપયોગી યોગદાન આપ્યું અને પોતાની ત્રણ ઓવરમાં માત્ર 25 રન આપી એક વિકેટ ઝડપી. કુલ મળીને, ટીમ ઈન્ડિયાની આ જીત સાથે શ્રેણીમાં તેની સ્થિતિ વધુ મજબૂત બની.

T20 વર્લ્ડ કપ 2026માં બાંગ્લાદેશના રમવા અંગે ICC ની સૌથી મોટી જાહેરાત, જાણો શું કર્યું એલાન