Asia Cup 2025 : હાર્દિક પંડ્યાએ રચ્યો ઈતિહાસ, પહેલીવાર IND vs PAK મેચમાં થયું આવું
હાર્દિક પંડ્યાએ એશિયા કપ 2025માં પાકિસ્તાન સામે શાનદાર શરૂઆત કરી હતી. તેણે મેચના પહેલા જ બોલ પર એક એવો કમાલ કર્યો, જે આ પહેલા કોઈ ભારતીય બોલર કરી શક્યો ન હતો.
એશિયા કપ 2025ના છઠ્ઠા મેચમાં ભારત અને પાકિસ્તાન વચ્ચે રમાયેલી હાઇ-વોલ્ટેજ મેચમાં હાર્દિક પંડ્યાએ ઐતિહાસિક સિદ્ધિ હાંસલ કરી. આ મેચમાં પાકિસ્તાનની ટીમે ટોસ જીતીને પહેલા બેટિંગ કરવાનો નિર્ણય લીધો. પરંતુ હાર્દિક પંડ્યાએ મેચના પહેલા જ બોલ પર પાકિસ્તાનને મોટો ઝટકો આપ્યો. હાર્દિક પંડ્યાએ એક એવો સિદ્ધિ હાંસલ કરી જે આ પહેલા કોઈ ભારતીય બોલર પાકિસ્તાન સામે કરી શક્યો ન હતો.
હાર્દિક પંડ્યાનો ઐતિહાસિક પરાક્રમ
મેચની શરૂઆતમાં ભારતીય કેપ્ટન સૂર્યકુમાર યાદવે હાર્દિક પંડ્યાને બોલિંગની જવાબદારી સોંપી. દુબઈ ઈન્ટરનેશનલ સ્ટેડિયમમાં ભારે ભીડ અને ઉત્સાહ વચ્ચે, હાર્દિકે પોતાના પહેલા જ બોલ પર કમાલ કરી. વાસ્તવમાં, પાકિસ્તાનના ઓપનર સેમ અયુબે હાર્દિકના બોલ પર પોઈન્ટ તરફ સ્ક્વેર ડ્રાઈવ રમવાનો પ્રયાસ કર્યો, પરંતુ બોલ સીધો પોઈન્ટ પર ઉભો રહેલા જસપ્રીત બુમરાહના હાથમાં ગયો. બુમરાહએ કોઈ ભૂલ ન કરી અને સેમ અયુબને પેવેલિયન મોકલવા માટે એક શાનદાર કેચ પકડ્યો.
Hardik pandya dismissed Ghante ka Prince in 1st ball pic.twitter.com/z6ibmBl5Zq
— S.Bhai33 (@HPstanno1) September 14, 2025
પહેલા જ બોલ પર વિકેટ લેનાર પ્રથમ ખેલાડી
આ વિકેટ સાથે, હાર્દિકે મેચમાં ભારતને શરૂઆતમાં જ લીડ અપાવી નહીં, પરંતુ એક અનોખો રેકોર્ડ પણ પોતાના નામે કર્યો. ભારત અને પાકિસ્તાન વચ્ચેની T20 આંતરરાષ્ટ્રીય મેચોમાં આ પહેલીવાર હતું જ્યારે કોઈ ભારતીય બોલરે ઈનિંગના પહેલા બોલ પર વિકેટ લીધી. આ સાથે હાર્દિકે ક્રિકેટ ઈતિહાસમાં એક નવો અધ્યાય ઉમેર્યો.
જસપ્રીત બુમરાહે પણ લીધી વિકેટ
હાર્દિક પંડ્યા પછી, જસપ્રીત બુમરાહે પણ શાનદાર શરૂઆત કરી. તેણે મેચની બીજી ઓવરમાં પાકિસ્તાનને બીજો ઝટકો આપ્યો. જસપ્રીત બુમરાહે પોતાના સ્પેલના બીજા બોલ પર મોહમ્મદ હેરિસને પેવેલિયન પાછો મોકલી દીધો. બુમરાહના બોલ પર મોહમ્મદ હેરિસ મોટો શોટ રમવાનો પ્રયાસ કર્યો અને હાર્દિક પંડ્યાના હાથે કેચ થઈ ગયો. જેના કારણે પાકિસ્તાને મેચના પહેલા 8 બોલમાં 2 વિકેટ ગુમાવી દીધી.
આ પણ વાંચો: IND vs PAK: પાકિસ્તાન સામે ટોસ હારીને પણ સૂર્યકુમાર યાદવ કેમ થયો ખુશ?- આ હતુ કારણ
