ગૌતમ ગંભીર બનશે ભારતના આગામી મુખ્ય કોચ ! બીસીસીઆઈ ટુંક સમયમાં જાહેરાત કરશે
ટી20 વર્લ્ડકપ 2024 બાદ ગૌતમ ગંભીર ટીમ ઈન્ડિયાના હેડ કોચની જવાબદારી સંભાળશે. જેને લઈ ઓફિશિયલ જાહેરાત ટી20 વર્લ્ડકપ બાદ થશે. બીસીસીઆઈ ટુંક સમયમાં આની જાહેરાત કરશે.
ટીમ ઈન્ડિયાના હેડ કોચ તરીકે ટી20 વર્લ્ડકપ 2024 સુધી રાહુલ દ્રવિડનો કાર્યભાર છે. ત્યારબાદ આ પદથી તે દુર થશે. ટીમ ઈન્ડિયાની સફર પૂર્ણ થતાં રાહુલ દ્રવિડની હેડ કોચ તરીકેની જવાબદારી પણ પૂર્ણ થઈ જશે. ત્યારબાદ ટીમ ઈન્ડિયાને એક નવા હેડ કોચ મળશે. જેને લઈ જૂન મહિનાના છેલ્લા અઠવાડિયામાં આની જાહેરાત થવાની શક્યતા છે. નવા હેડ કોચની જવાબદારી બીજું કોઈ નહિ પરંતુ પૂર્વ ઓપનર ગૌતમ ગંભીર સંભાળશે.
એવા પણ રિપોર્ટ છે કે, ગૌતમ ગંભીરના નામ પર માહૌર લાગી શકે છે. રિપોર્ટ અનુસાર બીસીસીઆઈ અને ગૌતમ ગંભીર વચ્ચે ડીલ થઈ ચુકી છે કે, ગૌતમ ગંભીર ભારતીય ટીમના હેડ કોચ હશે. ટી20 વર્લ્ડકપ 2024 બાદ તેના નામની જાહેરાત કરવામાં આવશે. દૈનિક જાગરણને બીસીસીઆઈના એક સુત્રએ જણાવ્યું કે, બોર્ડ અને ગંભીરની વાત થઈ ચુકી છે. તે રાહુલ દ્રવિડનું સ્થાન લેશે.
ગંભીર ભારતીય ટીમના હેડ કોચનું પદ સંભાળશે
ગૌતમ ગંભીરની સાથે સપોર્ટ સ્ટાફમાં કોણ હશે. તે આવનાર ટુંક સમયમાં ખબર પડશે. હાલમાં બેટિંગ કોચ વિક્રમ રાઠૌર, બોલિંગ કોચ પારસ મહાંબ્રે અને ફીલ્ડિંગ કોચ દિલીપ છે. ગંભીર ખુદ પોતે સપોર્ટ સ્ટાફની પસંદગી કરશે. રાહુલ દ્રવિડે પણ આવું જ કર્યું હતુ.ગૌતમ ગંભીર જેવા ભારતીય ટીમના હેડ કોચનું પદ સંભાળશે તો સપોર્ટ સ્ટાફ માં બદલાવ જોવા મળશે સાથે ટીમમાં પણ ફેરફાર જોવા મળી તેવી શક્યતા છે.કારણ કે, ગૌતમ ગંભીરની કોચિંગ સ્ટાઈલ રાહુલ દ્રવિડથી અલગ છે.
છેલ્લા 3 વર્ષથી આઈપીએલમાં મેન્ટોર તરીકે કામ કરી રહ્યો છે ગંભીર
ગંભીરે અત્યારસુધી કોઈ પણ ટીમને કોચિંગ આપ્યું નથી પરંતુ તે છેલ્લા 3 વર્ષથી આઈપીએલમાં એક મેન્ટોરના રુપમાં જોડાયેલો છે. તે 2022થી 2023 સુધી લખનૌ સુપર જાયન્ટસની સાથે હતો અને તેમણે બેક ટુ બેક પ્લેઓફ માટે ક્વોલિફાય કરવામાં મદદ કરી છે. ગંભીર આઈપીએલ 2024ની શરુઆતમાં પહેલા કેકેઆરમાં સામેલ થયો હતો અને તેમણે કેકેઆરને ત્રીજી વખત આઈપીએલની ચેમ્પિયન બનાવી છે.
આ પણ વાંચો : T20 World Cup 2024 સુપર 8માં ભારતની મેચનું સંપૂર્ણ શેડ્યૂલ, જાણો ક્યારે અને ક્યાં લાઈવ જોઈ શકશો
Latest News Updates
