Breaking News : ધ્રુવ જુરેલ હવામાં છલાંગ લગાવી આશ્ચર્યજનક કેચ પકડ્યો, બધા સ્તબ્ધ રહી ગયા જુઓ Video
વેલિંગ્ટન ટેસ્ટ મેચના ચોથા દિવસના છેલ્લા સેશનમાં ટીમ ઈન્ડિયાને ન્યૂઝીલેન્ડની બીજી ઇનિંગમાં મોટી સફળતા મળી જ્યારે ધ્રુવ જુરેલે કિવી બેટ્સમેન હેનરી નિકોલ્સનો શાનદાર કેચ પકડ્યો, જેમણે પ્રથમ ઇનિંગમાં અણનમ 175 રન બનાવ્યા હતા.

ભારત અને ન્યુઝીલેન્ડ વચ્ચે વેલિંગ્ટનના બેસિન રિઝર્વ સ્ટેડિયમમાં રમાઈ રહેલી 2 ટેસ્ટ મેચની સીરિઝની પહેલી મેચના ચોથા દિવસના છેલ્લા સેશનમાં ધ્રુવ જુરેલના શોર્ટ લેગ પર એવી ફીલ્ડિંગ જોવા મળી જેને જોઈ બધા સ્તબધ રહી ગયા હતા. જુરેલે ટીમ ઈન્ડિયાની પહેલી ઈનિગ્સમાં સૌથી વધારે પરેશાન કરનાર હેનરી નિકોલસની વિકેટ લીધી હતી. તેમણે હવા છલાંગ મારી એક હાથે કેચ પકડ્યો હતો. નિકોલસના બેટમાંથી પહેલી ઈનિગ્સમાં 175 રનની અણનમ સદી આવી હતી. બીજી ઈનિગ્સમાં માત્ર 31 રન બનાવી આઉટ થયો હતો.
જુરેલે કેચ પકડ્યો તો હેનરી નિકોલ્સ સ્તબ્ધ થયો
બીજી ઇનિંગમાં, ભારતીય બોલરોએ હેનરી નિકોલ્સ સામે સંપૂર્ણપણે અલગ રણનીતિ અપનાવી, વિકેટની આસપાસ ઇન-સ્વિંગ બોલિંગ કરી, જેના કારણે તેમના માટે રન બનાવવાનું ખૂબ જ મુશ્કેલ બન્યું. આ રણનીતિ સફળ રહી જ્યારે પ્રસિદ્ધ કૃષ્ણાએ 23મી ઓવરનો પહેલો બોલ ફેંક્યો. નિકોલ્સ પાછળ ઉભો હતો અને બોલને લેગ સાઇડ તરફ ફેરવવાનો પ્રયાસ કર્યો. ત્યાં ફિલ્ડિંગ કરી રહેલા જુરેલે બોલને જમણા હાથથી કેચ લેવા માટે ડાઇવ લગાવી. જુરેલે કેચ પકડતાની સાથે જ નિકોલ્સેનું રિએક્શન અલગ જ હતુ.
Dhruv Jurel channeling his inner Eknath Solkar to pull off that absolute screamer!
Watch the HERO VIDA India Tour of New Zealand, 1st Test Day 4, LIVE NOW on Sony Sports Network TV channels & Sony LIV.
#SonySportsNetwork #SonyLIV #NZvIND https://t.co/JB9nxOld2x
— Sony Sports Network (@SonySportsNetwk) November 22, 2026
ધ્રુવ જુરેલે આક્રમક 78 રનની ઇનિંગ્સ રમી
આ મેચમાં બેટ્સમેન તરીકે રમવાની તક મળેલા ધ્રુવ જુરેલે પોતાની ફરજ સારી રીતે નિભાવી, ભારતની પ્રથમ ઇનિંગની લીડ 350 રન સુધી પહોંચાડવામાં મુખ્ય ભૂમિકા ભજવી. વેલિંગ્ટન ટેસ્ટ મેચની ભારતીય ટીમની પ્રથમ ઇનિંગમાં ધ્રુવ જુરેલે આક્રમક 78 રનની ઇનિંગમાં સાત ચોગ્ગા અને એક સિક્સ ફટકારી હતી.ભારત અને ન્યુઝીલેન્ડ વચ્ચેની વેલિંગ્ટન ટેસ્ટ પાંચમા દિવસે પ્રવેશી ગઈ છે. હવે પ્રશ્ન એ છે કે પાંચમા દિવસે બંને ટીમોની રણનીતિ શું હશે? ભારત જીતની આશાઓને વાસ્તવિકતામાં ફેરવવા માટે કેવી રીતે જોશે?
