દિલ્હી કેપિટલ્સનો સ્ટાર ખેલાડી IPL 2027માં નહીં રમે? ઓક્શન પહેલા વધ્યું DCનું ટેન્શન

IPL 2027 સીઝન માર્ચમાં શરૂ થશે અને મે મહિનાના અંત સુધી ચાલશે. ઓસ્ટ્રેલિયા અને ઇંગ્લેન્ડના ઘણા ખેલાડીઓ આ સીઝનમાં નહીં રમે તેવા અહેવાલો સામે આવ્યા છે. એવામાં મીની ઓક્શન પહેલા દિલ્હી કેપિટલ્સ મૂંઝવણમાં મુકાઈ ગઈ છે. DC તેના સ્ટાર ઓસ્ટ્રેલિયન ફાસ્ટ બોલરને IPL 2027 માટે રિટેન કરશે કે નહીં તે મોટો સવાલ છે.

Mitchell StarcImage Credit source: X

Smit Chauhan | Updated on: Oct 15, 2026 | 9:36 PM

2027ની IPL સીઝન માટે ઓક્શન લગભગ બે મહિનામાં થવાની છે. આ વખતે, એક મીની-ઓક્શન યોજાશે. તેથી, ફક્ત મર્યાદિત સંખ્યામાં ખેલાડીઓ ખરીદવામાં આવશે. ઉપલબ્ધ ખેલાડીઓની સંખ્યા 15 નવેમ્બરના રોજ રીટેન્શન જાહેરાત દ્વારા નક્કી કરવામાં આવશે. દરેક ટીમ તેમના રિલીઝ અને રીટેન કરેલા ખેલાડીઓના નામ જાહેર કરશે. આ જાહેરાત પહેલા, દિલ્હી કેપિટલ્સ તેના સ્ટાર ખેલાડીઓમાંથી એક અંગે મૂંઝવણમાં છે. આ ખેલાડી મિશેલ સ્ટાર્ક છે, જે આગામી સીઝનમાં રમશે તે નિશ્ચિત નથી.

મિશેલ સ્ટાર્કને લઈ દિલ્હી કેપિટલ્સ મૂંઝવણમાં

ઓસ્ટ્રેલિયન ફાસ્ટ બોલર મિશેલ સ્ટાર્કને દિલ્હી કેપિટલ્સે 2025ની IPL સીઝનમાં ₹11.75 કરોડમાં ખરીદ્યો હતો. ત્યારબાદ તેને 2026ની સીઝન માટે પણ રિટેન કરવામાં આવ્યો હતો. બંને સીઝનમાં તેનું પ્રદર્શન પ્રભાવશાળી રહ્યું હતું. તેથી, આવતા વર્ષના મેગા ઓક્શન પહેલા 2027ની IPL સીઝન માટે તેને રિટેન કરવાની શક્યતા હતી. જોકે, સ્ટાર્કે હજુ સુધી આ બાબતે કોઈ નિર્ણય લીધો નથી.

MITCHELL STARC YET TO DECIDE ON IPL 2027!

-Starc is weighing an IPL return against taking a break ahead of the Ashes. -IPL 2027 could clash with the 150th anniversary of Test cricket. (Code Sports)

#MitchellStarc #IPL2027 #Ashes https://t.co/5d0vgw7LZ9

— CREX (@Crex_live) October 15, 2026

સ્ટાર્ક IPL 2027માં નહીં રમે!

એક ઓસ્ટ્રેલિયન મીડિયા રિપોર્ટમાં દાવો કરવામાં આવ્યો છે કે દિગ્ગજ ડાબોડી ફાસ્ટ બોલર મિશેલ સ્ટાર્ક આગામી IPL સીઝનમાં રમે તેવી શક્યતા ઓછી છે. રિપોર્ટ અનુસાર, સ્ટાર્કે હજુ સુધી આગામી સીઝન વિશે પોતાનું મન બનાવ્યું નથી કારણ કે 2027માં ઓસ્ટ્રેલિયા અને ઇંગ્લેન્ડ વચ્ચે ટેસ્ટ ક્રિકેટના 150 વર્ષ પૂર્ણ થવા પર એક ખાસ ટેસ્ટ મેચ રમાશે. આ મેચ 11 થી 15 માર્ચ દરમિયાન ઓસ્ટ્રેલિયાના મેલબોર્ન ક્રિકેટ ગ્રાઉન્ડ ખાતે રમાશે.

કમિન્સ-હેઝલવુડના રમવા પર પણ સસ્પેન્સ

IPL 2027 સીઝન પણ માર્ચમાં શરૂ થશે અને મે મહિનાના અંત સુધી ચાલશે. ત્યારબાદ, જૂનમાં, ઓસ્ટ્રેલિયન ટીમ ઇંગ્લેન્ડનો પ્રવાસ કરશે, જ્યાં બંને ટીમો એશિઝમાં રમશે. પરિણામે, સ્ટાર્કની ભાગીદારી અનિશ્ચિત રહે છે, કારણ કે તે એશિઝ માટે પોતાને ફિટ અને ફ્રેશ રાખવા માંગશે. માત્ર સ્ટાર્ક જ નહીં, પરંતુ સનરાઇઝર્સ હૈદરાબાદનો કેપ્ટન પેટ કમિન્સ અને રોયલ ચેલેન્જર્સ બેંગ્લોરનો સ્ટાર ફાસ્ટ બોલર જોશ હેઝલવુડ પણ આગામી સીઝનમાં રમે તેવી શક્યતા ઓછી છે.