Breaking News : ઓરેન્જ કેપની ટોપ 5ની લિસ્ટમાં નથી કિંગ કોહલી, જાણો ઓરેન્જ અને પર્પલ કેપમાં કોણ પહેલા સ્થાને

Orange Cap, Purple Cap Holder in IPL 2026: સૌથી વધારે રન બનાવનાર ખેલાડીને ઓરેન્જ કેપ મળે છે.જ્યારે જે ખેલાડી સૌથી વધારે વિકેટ લે છે. તેને પર્પલ કેપ આપવામાં આવે છે. તો ચાલો જોઈએ ઓરેન્જ કેપ અને પર્પલ કેપમાં કોણ આગળ છે.

Nirupa Duva | Updated on: May 06, 2026 | 10:42 AM

દિલ્હી અને ચેન્નાઈ સુપર કિંગ્સ વચ્ચે આઈપીએલ 2026ની 48મી મેચ બાદ ઓરેન્જ કેપ અને પર્પલ કેપમાં ફેરફાર થયો છે. ઓરેન્જ કેપ પર કે.એલ રાહુલનો કબજો છે તો પર્પલ કેપમાં ભુવેનશ્વર કુમારનો દબદબો છે. કે,એલ રાહુલ ફરી ટોપ પર પહોંચી ગયો છે. અભિષેક શર્મા પાછળ રહી ગયો છે.જો આપણે આઈપીએલના ઈતિહાસની વાત કરીએ તો પહેલી ઓરેન્જ કેપ પંજાબ કિંગ્સના શોન માર્શના નામે રહી હતી. માર્શે 11 મેચમાં 616 રન બનાવ્યા હતા. છેલ્લી વખત ગુજરાત ટાઈટન્સના સાંઈ સુદર્શને આ ખિતાબ પોતાને નામ કર્યો હતો. તેમણે 15 મેચમાં 759 રન બનાવ્યા હતા.રસપ્રદ વાત એ છે કે, ટોચના 5 બેટ્સમેનોમાં 4 ભારતીય ખેલાડીઓનો સમાવેશ થાય છે.

આઈપીએલ 2026 ઓરેન્જ કેપ લિસ્ટ

કે.એલ રાહુલ – 445 રન
અભિષેક શર્મા- 440 રન
હેનરિક ક્લાસેન-425 રન
વૈભવ સૂર્યવંશી-404 રન
સાંઈ સુદર્શન-385 રન

અત્યારસુધી 18 સીઝનમાં ઓરેન્જ કેપમાં ભારતીય અને વિદેશી ખેલાડીઓની ટકકર રહી છે. ક્રિસ ગેલ અને વિરાટ કોહલીએ 2-2 વખત ઓરેન્જ કેપ પોતાને નામ કરી છે. જ્યારે ડેવિડ વોર્નરે 3 વખત ઓરેન્જ કેપ પોતાને નામ કરી છે. એક સીઝનમાં સૌથી વધારે રન બનાવવાનો રેકોર્ડ કિંગ વિરાટ કોહલીના નામે છે. તેમણે 2016માં 4 સદી સાથે 973 રન બનાવ્યા હતા.

કંબોજે પર્પલ કેપ જીતવાની તક ગુમાવી દીધી

ભુવનેશ્વર કુમાર હજુ પણ પર્પલ કેપ ધરાવે છે. ભુવનેશ્વર કુમારે 9 મેચમાં 17 વિકેટ લીધી છે, જે 15.52 ની સરેરાશ અને 7.54 ની ઇકોનોમી સાથે છે. દિલ્હી કેપિટલ્સ સામે, CSKના અંશુલ કંબોજે 4 ઓવરમાં 49 રન આપ્યા અને વિકેટ લીધી ન હતી. આ નિષ્ફળતાએ તેમને પર્પલ કેપ જીતતા અટકાવ્યા. આ IPL 2026 માં અંશુલ કંબોજની 10મી મેચ હતી, પરંતુ તેમની વિકેટની સંખ્યા 17 પર સમાન રહી છે, જે 18.70 ની સરેરાશ અને 8.91 ની ઇકોનોમી સાથે છે.જેમ જેમ IPL 2026 લીગ મેચો તેમના અંતિમ તબક્કા તરફ આગળ વધી રહી છે, તેમ તેમ બેટ્સમેનોમાં રનની ભૂખ વધી રહી છે. જ્યારે બોલરો પણ વિકેટ લેવા તનતોડ મહેનત કરી રહ્યા છે.