AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Breaking News: છગ્ગા ફટકારવાની રેસમાં આગળ નીકળ્યો અભિષેક શર્મા, 24 કલાક પછી વૈભવ સૂર્યવંશી ફરી બનશે નંબર-1?

સનરાઇઝર્સ હૈદરાબાદના સ્ટાર ઓપનર અભિષેક શર્માએ દિલ્હી કેપિટલ્સ સામે વિસ્ફોટક સદી ફટકારી હતી. તેણે પોતાની ઇનિંગમાં 10 છગ્ગા ફટકાર્યા હતા. મેચમાં 3 છગ્ગા ફટકારતા જ તેણે વૈભવ સૂર્યવંશીને પાછળ છોડી દીધો હતો. જોકે આગામી 24 કલાકમાં જ વૈભવ પાસે અભિષેકને પાછળ છોડવાની તક છે.

Breaking News: છગ્ગા ફટકારવાની રેસમાં આગળ નીકળ્યો અભિષેક શર્મા, 24 કલાક પછી વૈભવ સૂર્યવંશી ફરી બનશે નંબર-1?
Vaibhav Suryavanshi & abhishek sharmaImage Credit source: X
| Updated on: Apr 21, 2026 | 9:46 PM
Share

બે ડાબા હાથના બેટ્સમેન. બંને પોતપોતાની ટીમ માટે ઓપનિંગ કરે છે. બંનેની રમતની એક અનોખી શૈલી છે- દરેક બોલને બાઉન્ડ્રીની પાર મોકલવો. જેથી તેમની વચ્ચે સ્પર્ધા (રેસ) સ્વાભાવિક છે. આ બે બેટ્સમેન અભિષેક શર્મા અને વૈભવ સૂર્યવંશી છે, જેઓ હાલમાં IPL 2026 માં સૌથી વિસ્ફોટક ઓપનરોમાં સામેલ છે. તેઓ ફક્ત રન માટે જ નહીં, પણ છગ્ગા ફટકારવા માટે પણ રેસ કરી રહ્યા છે. આવી જ એક રેસમાં અભિષેક શર્મા હાલમાં નંબર વન બની ગયો છે.

અભિષેક શર્માની સદી

સનરાઇઝર્સ હૈદરાબાદના સ્ટાર ઓપનર અભિષેક શર્માને સિઝનની શરૂઆતમાં પોતાની લય શોધવામાં મુશ્કેલી પડી રહી હતી. જોકે, તે ફોર્મમાં પાછો ફર્યો છે, અને તેણે દિલ્હી કેપિટલ્સ સામે શાનદાર પ્રદર્શન કર્યું હતું. દિલ્હી સામે હૈદરાબાદના વિસ્ફોટક ઓપનરે ધમાકેદાર સદી ફટકારી અને ટીમને મજબૂત શરૂઆત અપાવી.

પાવરપ્લેમાં અભિષેકના નામે સૌથી વધુ છગ્ગા

સદી પૂરી કરતા પહેલા અભિષેકે પાવરપ્લેમાં જ પોતાનો ઈરાદો સ્પષ્ટ કરી દીધો હતો. તેણે દિલ્હીના દરેક બોલરને બાઉન્ડ્રી ફટકારી. પાવરપ્લેની પ્રથમ છ ઓવરમાં અભિષેકે ફક્ત 19 બોલમાં 42 રન બનાવ્યા, જેમાં ત્રણ છગ્ગાનો સમાવેશ થાય છે. આ ત્રણ છગ્ગા સાથે અભિષેક આ સિઝનમાં પાવરપ્લેમાં સૌથી વધુ છગ્ગા મારનાર બેટ્સમેન બની ગયો. તેણે હવે સાત ઇનિંગ્સમાં પાવરપ્લેમાં 18 છગ્ગા ફટકાર્યા છે.

24 કલાક પછી વૈભવ પાસે તક

અભિષેકે હવે આ રેસમાં રાજસ્થાન રોયલ્સના યુવા ઓપનર વૈભવ સૂર્યવંશીને પાછળ છોડી દીધો છે. માત્ર 15 વર્ષની ઉંમરે વૈભવે છ ઇનિંગ્સમાં પાવરપ્લેમાં 17 છગ્ગા ફટકાર્યા છે. અભિષેકે 21 એપ્રિલની સાંજે આ સિદ્ધિ હાંસલ કરી હતી, જો કે માત્ર 24 કલાક પછી વૈભવ પાસે અભિષેકને પાછળ છોડી દેવાની તક હશે. રાજસ્થાન 22 એપ્રિલ, બુધવારના રોજ લખનૌ સુપરજાયન્ટ્સ સામે ટકરાશે. શું વૈભવ આ રેસમાં અભિષેકને પાછળ છોડી શકશે કે પછી અભિષેક જ નંબર વન રહેશે કાલની મેચમાં ખબર પડશે.

અભિષેકની શાનદાર ઈનિંગ

આ મેચની વાત કરીએ તો, અભિષેક શર્માએ માત્ર 47 બોલમાં પોતાની સદી ફટકારી, જે IPLમાં તેની બીજી સદી હતી. નોંધપાત્ર વાત એ છે કે, તે આખી 20 ઓવર સુધી ટકી રહ્યો અને અંતે અણનમ રહ્યો. અભિષેકે 68 બોલમાં 135 રનની ધમાકેદાર ઇનિંગ રમી, જેમાં 10 ચોગ્ગા અને 10 છગ્ગાનો સમાવેશ થાય છે. હેનરિક ક્લાસેને પણ માત્ર 13 બોલમાં અણનમ 37 રન બનાવીને સનરાઇઝર્સને 242 રન સુધી પહોંચાડવામાં મદદ કરી.

Breaking News: અભિષેક શર્માએ દિલ્હી સામે શાનદાર સદી ફટકારી, વિરાટ કોહલીના રેકોર્ડની બરાબરી કરી

Follow Us
ભરૂચમાં ‘કામ નહીં તો વોટ નહીં’: પાયાની સુવિધા મુદ્દે ચૂંટણી બહિષ્કાર
ભરૂચમાં ‘કામ નહીં તો વોટ નહીં’: પાયાની સુવિધા મુદ્દે ચૂંટણી બહિષ્કાર
શિક્ષણ જગત માટે કંલક! શાળામાં નશામાં ધૂત શિક્ષક પકડાયો, જુઓ વીડિયો
શિક્ષણ જગત માટે કંલક! શાળામાં નશામાં ધૂત શિક્ષક પકડાયો, જુઓ વીડિયો
ભાજપનું એડી ચોટીનું જોર અને કોંગ્રેસના 'ધમકી'ના આરોપ - જુઓ Video
ભાજપનું એડી ચોટીનું જોર અને કોંગ્રેસના 'ધમકી'ના આરોપ - જુઓ Video
સુરતમાં ચૂંટણી પૂર્વે જનતાનો રોષ: નેતાઓને પૂછ્યા આકરા સવાલ, જુઓ અહેવાલ
સુરતમાં ચૂંટણી પૂર્વે જનતાનો રોષ: નેતાઓને પૂછ્યા આકરા સવાલ, જુઓ અહેવાલ
આણંદના સાંસદ મિતેશ પટેલની ધમકી: કોંગ્રેસ જીતશે તો ગ્રાન્ટ નહીં આપું
આણંદના સાંસદ મિતેશ પટેલની ધમકી: કોંગ્રેસ જીતશે તો ગ્રાન્ટ નહીં આપું
1825 કરોડના GST કૌભાંડનો માસ્ટરમાઈન્ડ ઝડપાયો, Watch Video
1825 કરોડના GST કૌભાંડનો માસ્ટરમાઈન્ડ ઝડપાયો, Watch Video
પનીરના વેપારના નામે ચાલતું હતું સુરતનું હવાલા નેટવર્ક
પનીરના વેપારના નામે ચાલતું હતું સુરતનું હવાલા નેટવર્ક
છેલ્લા દોઢ વર્ષથી અલ્પેશ સાથે રિલેશનશિપમાં છું : કાજલ મહેરિયા
છેલ્લા દોઢ વર્ષથી અલ્પેશ સાથે રિલેશનશિપમાં છું : કાજલ મહેરિયા
એક ઘટનાએ મચાવ્યો હાહાકાર! ધંધુકામાં બુલડોઝરથી શરૂ થયો સફાયો
એક ઘટનાએ મચાવ્યો હાહાકાર! ધંધુકામાં બુલડોઝરથી શરૂ થયો સફાયો
સ્વાસ્થ્યને પ્રાથમિકતા આપવી જોઈએ, દાન તમને માનસિક શાંતિ આપશે
સ્વાસ્થ્યને પ્રાથમિકતા આપવી જોઈએ, દાન તમને માનસિક શાંતિ આપશે
g clip-path="url(#clip0_868_265)">