Breaking News: ગુજરાત જીત્યું છતાં આશિષ નેહરાએ કેપ્ટન શુભમન ગિલને આપી ગાળો, વીડિયો વાયરલ
IPL 2026 ની 14મી મેચમાં, ગુજરાત ટાઈટન્સે દિલ્હી કેપિટલ્સને એક રનથી હરાવ્યું. જોકે, આ મેચ દરમિયાન, ગુજરાત ટાઈટન્સના હેડ કોચ આશિષ નેહરાએ કેપ્ટન શુભમન ગિલને ગાળો આપી હતી, જેનો વીડિયો સોશિયલ મીડિયામાં ખૂબ વાયરલ થયો હતો.
ગુજરાત ટાઈટન્સે દિલ્હી કેપિટલ્સને એક રોમાંચક મેચમાં 1 રનથી હરાવ્યું હતું. આ જીત દરમિયાન, ગુજરાત ટાઈટન્સના કેપ્ટન શુભમન ગિલને ટીમના હેડ કોચ આશિષ નેહરાએ ગાળો આપી હતી. આશિષ નેહરા મેચ દરમિયાન તેના ઉત્સાહી સ્વભાવ માટે જાણીતો છે અને ઘણીવાર ભૂલો જોતા તે તેના ખેલાડીઓ પર ગુસ્સે થઈ જાય છે. દિલ્હી સામેની મેચ દરમિયાન પણ કંઈક આવું જ બન્યું. શુભમન ગિલની ભૂલ પર આશિષ નેહરા એટલો ગુસ્સે થયો કે તેણે ગિલને ગાળો આપી હતી.
નેહરાએ ગિલને ગાળો આપી
નેહરાએ શુભમન ગિલને તેના ખરાબ થ્રો માટે ગાળો આપી હતી. હકીકતમાં, શુભમન ગિલના થ્રોના કારણે દિલ્હી કેપિટલ્સે એકને બદલે પાંચ રન મળ્યા હતા. શુભમનનો થ્રો સ્ટમ્પ પર વાગ્યો અને પછી બોલ બાઉન્ડ્રી પાર ગયો. આ જોઈને, બાઉન્ડ્રી લાઈન પર ઉભેલો આશિષ નેહરા ગુસ્સે થઈ ગયો અને ગિલને ગાળો આપી. આશિષ નેહરાનો આ વીડિયો સોશિયલ મીડિયા પર વાયરલ થઈ રહ્યો છે.
— crictalk (@crictalk7) April 9, 2026
શુભમન ગિલે ટીમને જીત અપાવી
શુભમન ગિલને નેહરા તરફથી ગાળો પડી, પરંતુ ગુજરાતના કેપ્ટને જ ટીમને વિજય અપાવ્યો. તેણે 45 બોલમાં 70 રન બનાવ્યા, જેમાં પાંચ છગ્ગા અને ચાર ચોગ્ગા સામલે હતા. જોસ બટલરે 52 અને વોશિંગ્ટન સુંદરે 55 રન બનાવ્યા. એક સમયે ગુજરાત ટાઈટન્સ મેચ હારી રહ્યું હતું. દિલ્હીને છેલ્લા બે બોલમાં બે રનની જરૂર હતી, પરંતુ ડેવિડ મિલર અંતિમ બોલ પર સ્કોર કરવામાં નિષ્ફળ ગયો, જેના કારણે દિલ્હીને હારનો સામનો કરવો પડ્યો.
ગુજરાત ટાઈટન્સે જીતનું ખાતું ખોલ્યું
આ જીત સાથે, ગુજરાત ટાઈટન્સે IPL 2026 માં પોતાનું ખાતું ખોલ્યું હતું. દિલ્હી કેપિટલ્સ સતત ત્રીજી જીત મેળવવામાં નિષ્ફળ ગયું હતું. કેએલ રાહુલે 92 રન બનાવ્યા, જ્યારે નિસાન્કા અને મિલરે પણ 41-41 રન બનાવ્યા, પરંતુ એક રન માટે તેમનો દાવ ટૂંકો પડી ગયો.
Breaking News: ડેવિડ મિલર નહીં, પણ IPLના એક નિયમના કારણે દિલ્હી ગુજરાત સામે મેચ હારી ગયું
