Breaking News : ક્રિકેટરના લાખો રુપિયાના 3 કિંમતી બેટની ચોરી થઈ, દુઃખ વ્યક્ત કરતાં વીડિયો શેર કર્યો

ભારતીય ક્રિકેટ ટીમના ફાસ્ટ બોલર દીપક ચહરની સાથે તાજેતરમાં એક ચોંકાવનારી ઘટના બની. તેણે તાજેતરમાં સોશિયલ મીડિયા પર એક વીડિયો પોસ્ટ કર્યો હતો, જેમાં ખુલાસો થયો હતો કે તેના ત્રણ બેટ ચોરાઈ ગયા છે. ચહરના પિતા લોકેન્દ્ર ચહર એક ક્રિકેટ એકેડમી ચલાવે છે. ચહર ત્યાં પ્રેક્ટિસ કરવા ગયો હતો. તેણે પોતાની કીટ મૂકી અને પ્રેક્ટિસ શરૂ કરી. એક કલાક પછી, જ્યારે તે બેટિંગ પ્રેક્ટિસ માટે પોતાનું બેટ લેવા ગયો, ત્યારે તે ગાયબ હતું. ત્યારબાદ દીપકે ચોરને બેટ પરત કરવા અપીલ કરતો એક વીડિયો પોસ્ટ કર્યો.

ત્રણેય બેટની કિંમત દોઢ લાખ રુપિયા

દીપક ચહરે વીડિયોમાં નારાજગી વ્યક્ત કરતા કહ્યું કે, તેના ચોરી થયેલા 3 બેગ ખુબ મોંઘા હતા. તેમણે કહ્યું કાલ સાંજે મારા 3 બેટની ગ્રાઉન્ડમાંથી ચોરી થઈ છે. તેને ખબર નહી હોય આ બેટ કેટલા મોંઘા હશે. ત્રણેય બેટની કિંમત દોઢ લાખ રુપિયા છે. ચોર આ બેટ વેચી નાંખશે અથવા ટેનિસ બોલથી રમશે. ભાઈ મને કીધું હોત તો હું તને બેટ માટે પૈસા આપી દેત. આ ચોરીની ઘટનાથી પરેશાન થઈને દીપક ચહરે મજાકમાં કહ્યું કે હવે તેમની પાસે ફરિયાદ નોંધાવવા માટે થોડા જ વિકલ્પો બચ્યા છે.

View this post on Instagram

દીપકે કહ્યું પોલીસ પાસે જઈ ફરિયાદ કરી શકું છું. ઉત્તરપ્રદેશના મુખ્યમંત્રી યોગી આદિત્યનાથ જી પાસે અથવા દેશના વડાપ્રધાન નરેન્દ્ર મોદી પાસે જઈ શકું છુ. બાકી સીધા ભગવાન પાસે પ્રાર્થના કરી શકું છુ કે, આ ચોરને બુધ્ધી આપો. જેમણે મારા બેટની ચોરી કરી છે.

ઇજાઓને કારણે વધુ ચર્ચામાં

દીપક ચહર લાંબા સમયથી ભારતીય ટીમમાંથી બહાર ચાલી રહ્યો છે. તેમણે ભારત માટે અત્યારસુધી 13 વનડે મેચમાં 16 વિકેટ, 25 ઈન્ટરનેશનલ મેચમાં 31 વિકેટ લીધી છે. તેમણે પોતાની છેલ્લી વનડે ડિસેમ્બર 2022 અને છેલ્લી ટી20 મેચ ડિસેમ્બર 2023માં રમી હતી. આઈપીએલની વાત કરીએ તો. દીપક ચહર ગત્ત સીઝનમાં મુંબઈ ઈન્ડિયન્સની ટીમમાંથી રમ્યો હતો.દીપક ચહર તેની રમત કરતાં તેની ઇજાઓને કારણે વધુ ચર્ચામાં રહ્યો છે.

Deepak Chahar Family Tree : આજે છે દિપક ચહરનો જન્મદિવસ, ગર્લફ્રેન્ડને મેચ દરમિયાન પ્રપોઝ કર્યું હતું જાણો તેના પરિવાર વિશે અહી ક્લિક કરો