બાંગ્લાદેશ પ્રીમિયર લીગની 29મી મેચમાં કોમિલા વિક્ટોરિયન્સે શાનદાર જીત નોંધાવી હતી. કોમિલાએ ચિત્તાગોંગ ચેલેન્જર્સને 73 રનના વિશાળ અંતરથી હરાવ્યું. કોમિલા વિક્ટોરિયન્સની આ જીતમાં ઈંગ્લેન્ડના બે ખેલાડીઓનો મોટો ફાળો હતો. અમે વાત કરી રહ્યા છીએ વિલ જેક્સ અને મોઈન અલી વિશે જેમણે શાનદાર બેટિંગ અને બોલિંગ બંનેમાં કમાલ પ્રદર્શન કરી પોતાની ટીમને જીત અપાવી હતી.
વિલ જેક્સે કોમિલાના કેપ્ટન લિટન દાસ સાથે મળીને ચિત્તાગોંગ ચેલેન્જર્સના બોલરો સામે જોરદાર બેટિંગ કરી હતી. જેક્સ અને લિટન દાસે માત્ર 7.5 ઓવરમાં 86 રન જોડ્યા હતા. લિટન દાસ 31 બોલમાં 60 રન બનાવીને આઉટ થયો. પરંતુ વિલ જેક્સ વિકેટ પર જ રહ્યો. આ જમણા હાથના ઓપનિંગ બેટ્સમેને 10 છગ્ગા અને 5 છગ્ગાના આધારે પોતાની સદી પૂરી કરી હતી.
Where there is a ‘Will’, there’s a century!
.
.#BPL2024 #BPLonFanCode #WillJackson pic.twitter.com/7ZrDNJv441— FanCode (@FanCode) February 13, 2024
વિલ જેક્સ છેલ્લી 8 ઈનિંગ્સમાંથી 7માં ફ્લોપ રહ્યો હતો પરંતુ મંગળવારે આ ખેલાડીએ કમાલ કર્યો હતો. વિલ જેક્સે ઓપનિંગમાં શાનદાર સદી ફટકારી હતી. વિલ જેક્સે માત્ર 50 બોલમાં સદી ફટકારી હતી અને અણનમ 108 રન બનાવ્યા હતા. જેક્સે બીજી વખત T20માં સદી ફટકારી છે અને તેણે આ ફોર્મેટમાં 4000 રન પણ પૂરા કર્યા છે.
A hat-trick for Moeen Ali! What a special player this guy is
.
.#BPL2024 #BPLonFanCode pic.twitter.com/BzP7xNhcdh— FanCode (@FanCode) February 13, 2024
વિલ જેક્સની તોફાની સદી બાદ મોઈન અલીએ પોતાની સ્પિનનો પાવર બતાવ્યો. મોઈન અલીએ ઓપનિંગ બોલિંગ કરતા માત્ર 3.3 ઓવરમાં 23 રન આપીને 4 વિકેટ ઝડપી હતી. આ ખેલાડીએ સૌથી પહેલા 17મી ઓવરમાં શોહિદુલ ઈસ્લામને આઉટ કર્યો હતો. આ પછી તેણે અલ અમીન હુસૈનની વિકેટ લીધી. અંતે મોઈન અલીએ બિલાલ ખાનને આઉટ કરીને પોતાની હેટ્રિક પૂરી કરી. 240 રનના ટાર્ગેટનો પીછો કરવા ઉતરેલી ચિત્તાગોંગ ચેલેન્જર્સની ટીમ માત્ર 166 રનમાં સમેટાઈ ગઈ હતી.
આ પણ વાંચો: 12 છગ્ગા, 139 રન, આન્દ્રે રસેલે ઓસ્ટ્રેલિયામાં મચાવ્યુ રનનું તોફાન, દુનિયા જોતી રહી ગઈ ધુંઆધાર ફટકાબાજી