સેમિફાઇનલ માટે ચાર ટીમો ફાઇનલ થઈ, ટીમ ઇન્ડિયા ચેમ્પિયન બનવાથી માત્ર બે ડગલાં દૂર

એશિયા કપ રાઈઝિંગ સ્ટાર્સ 2025માં 19 નવેમ્બરના રોજ 2 મેચ રમાઈ હતી. પહેલી મેચ અફઘાનિસ્તાન એ ટીમ અને હોંગકોંગ વચ્ચે રમાઈ હતી. આ મેચમાં અફઘાનિસ્તાનની ટીમે 24 રનથી જીત મેળવી હતી. તેમજ દિવસની બીજી મેચ શ્રીલંકા એ અને બાંગ્લાદેશ એ વચ્ચે રમાઈ હતી. જેમાં શ્રીલંકાએ 6 રનથી જીત મેળવી હતી. આ મેચનું પરિણામ આવતા જ સેમિફાઈનલનું શેડ્યુલ નક્કી થયું છે. ગ્રુપ બીમાંથી ઈન્ડિયા એ અને પાકિસ્તાન એ ટીમ પહેલા જ સેમિફાઈનલમાં સ્થાન પાક્કું કરી ચૂકી હતી. તેમજ ગ્રુપ એમાંથી બાંગ્લાદેશ અને શ્રીલંકાની ટીમ સેમિફાઈનલમાં પહોંચવામાં સફળ રહી હતી.

સેમિફાઈનલમાં ટીમ ઈન્ડિયાનો સામનો કોની સાથે થશે?

સેમિફાઈનલ મેચની જો આપણે વાત કરીએ તો ઈન્ડિયા એનો સામનો બાંગ્લાદેશ એ સામે થશે. બંન્ને ટીમો વચ્ચે આ મેચ 21 નવેમ્બરના રોજ બપોરના 3 કલાકે દોહામાં રમાશે. તેમજ બીજી સેમિફાઈનલ મેચમાં પાકિસ્તાનએ નો સામનો શ્રીલંકા એ સાથે થશે. આ મેચ 21 નવેમ્બરના રોજ રમાશે. જ્યારે બીજી મેચની શરુઆત સાંજે 8 કલાકે થશે જે ટીમ સેમિફાઈનલમાં જીતશે. તે ફાઈનલમાં સ્થાન બનાવશે. ટીમ ઈન્ડિયાને એશિયા કપ રાઈઝિંગ સ્ટાર્સ 2025નો ખિતાબ જીતવા માટે 2 મેચ જીતવી પડશે. એટલે કે, એશિયા કપ રાઈઝિંગ સ્ટાર્સ 2025ની ચેમ્પિયન ટીમ બનવા માટે ટીમ ઈન્ડિયા માત્ર 2 ડગલા દુર છે.

ચેમ્પિયન બનવાથી માત્ર બે ડગલાં દૂર

જો ટીમ ઈન્ડિયાની વાત કરીએ તો ગ્રુપ સ્ટેજમાં તેમણે 3 મેચ રમી હતી. પહેલી મેચમાં યુએઈને હરાવ્યું જ્યારે બીજી મેચમાં પાકિસ્તાન વિરુદ્ધ 8 વિકેટથી હારનો સામનો કરવો પડયો હતો. લીગ સ્ટેજની ત્રીજી મેચમાં ટીમ ઈન્ડિયા એનો સામનો ઓમાન એ સાથે થયો હતો. જેમાં ભારતીય ટીમને 6 વિકેટથી જીત મળી હતી. હવે સેમિફાઈનલમાં તેનો સામનો બાંગ્લાદેશ સાથે થશે. જેમાં જોવાનું રહેશે કે, ભારતીય ટીમ કેવું પ્રદર્શન કરે છે. આ ટૂર્નામેન્ટની ફાઈનલ 23 નવેમ્બરના રોજ દોહામાં રમાશે.

વૈભવ સૂર્યવંશી હાલમાં રાઇઝિંગ સ્ટાર્સ એશિયા કપમાં રમી રહ્યો છે. ઇન્ડિયા એ માટે તેના શાનદાર  પ્રદર્શનને કારણે તેને કેટલીક બાબતોમાં નંબર 1 રેન્કિંગ મળ્યું છે.

ભારતીય ક્રિકેટ ટીમ વિશ્વ મંચ પર ભારતનું પ્રતિનિધિત્વ કરે છે. તે ICC દ્વારા માન્ય છે, જેનો અર્થ છે કે તે આંતરરાષ્ટ્રીય ક્રિકેટ પરિષદનો સંપૂર્ણ સભ્ય છે. અહી ક્લિક કરો