Breaking News : દિલ્હી કેપિટલ્સને હરાવી મુંબઈ ઈન્ડિયન્સ WPL 2025માં બીજીવાર બન્યું ચેમ્પિયન
વુમન્સ પ્રીમિયર લીગની ત્રીજી સિઝનની ફાઈનલ મેચમાં દિલ્હી કેપિટલ્સને હરાવી મુંબઈ ઈન્ડિયન્સ WPL 2025માં ચેમ્પિયન બન્યું હતું. દિલ્હી કેપિટલ્સ સતત ત્રીજી સિઝનની ફાઈનલમાં પહોંચ્યા બાદ ટ્રોફીથી વંચિત રહ્યું હતું. હરમનપ્રીતની આગેવાનીમાં મુંબઈ ઈન્ડિયન્સે ઈતિહાસ રચ્યો હતો.
IPL 2025 સિઝન શરૂ થાય તે પહેલા જ મુંબઈ ઈન્ડિયન્સ ફ્રેન્ચાઈઝીમાં ખુશીનો માહોલ છવાઈ ગયો છે. મુંબઈએ ફરી એકવાર મહિલા પ્રીમિયર લીગ (WPL)નો ખિતાબ જીત્યો છે. WPLની પ્રથમ સિઝનની ચેમ્પિયન હરમનપ્રીત કૌરની આગેવાની હેઠળની મુંબઈની ટીમે ફરી એકવાર ફાઈનલમાં દિલ્હી કેપિટલ્સને હરાવીને લીગ ટ્રોફી પર પોતાનું નામ અંકિત કર્યું. મુંબઈના બ્રેબોર્ન સ્ટેડિયમ ખાતે રમાયેલી ફાઈનલમાં કેપ્ટન કૌરની યાદગાર ઈનિંગ્સ અને ટીમની મજબૂત બોલિંગના કારણે મુંબઈએ દિલ્હીને 8 રને હરાવીને બીજી વખત ચેમ્પિયનશિપ જીતી હતી.
મુંબઈ ઈન્ડિયન્સ બીજીવાર WPLમાં ચેમ્પિયન
15 માર્ચ, શનિવારના રોજ રમાયેલી લીગની ત્રીજી સિઝનની આ ટાઈટલ મેચમાં મુંબઈ ઈન્ડિયન્સે ખરાબ શરૂઆત બાદ પ્રથમ બેટિંગ કરીને જોરદાર વાપસી કરી. ત્યારબાદ મુંબઈના બોલરોએ દિલ્હીને શરૂઆતના આંચકા આપીને ટીમની જીતનો પાયો નાખ્યો હતો. પછી જ્યારે દિલ્હી કેપિટલ્સ વાપસી કરી રહી હોય તેવું લાગતું હતું, ત્યારે બોલરોએ ફરી એકવાર મુંબઈને ચેમ્પિયન બનાવ્યું.
Mumbai Indians – # . . . . . . . .
Scorecard ▶ https://t.co/2dFmlnwxVj #DCvMI | #Final | @mipaltan pic.twitter.com/JOV98PFNwq
— Women’s Premier League (WPL) (@wplt20) March 15, 2025
કેપ્ટન હરમનપ્રીત કૌરની આક્રમક ફિફ્ટી
દિલ્હી કેપિટલ્સની દિગ્ગજ કેપ્ટન મેગ લેનિંગને છેલ્લા બે ફાઈનલમાં હારનો સામનો કરવો પડ્યો હતો. આ વખતે, તેનું નસીબ પલટાઈ રહ્યું હોય તેવું લાગતું હતું, જ્યારે પ્રથમ બોલિંગ કરવાનો નિર્ણય લીધા પછી દક્ષિણ આફ્રિકાની સ્ટાર ઓલરાઉન્ડર મેરિઝેન કેપે પાંચમી ઓવરમાં મુંબઈના બંને ઓપનરોને ફક્ત 14 રનમાં આઉટ કર્યા. પરંતુ ત્યાંથી, સુકાની હરમનપ્રીત કૌરે ઈનિંગને સ્થિર કરી અને અનુભવી ઈંગ્લિશ ઓલરાઉન્ડર નેટ સાયવર-બ્રન્ટનો સાથ મળ્યો, જે WPL ઈતિહાસમાં એક સિઝનમાં 500થી વધુ રન બનાવનાર પ્રથમ ખેલાડી બની હતી. બંને વચ્ચે ત્રીજી વિકેટ માટે 89 રનની ભાગીદારી થઈ. આ દરમિયાન હરમનપ્રીતે માત્ર 33 બોલમાં અડધી સદી ફટકારી. કૌરે સૌથી વધુ 66 રન બનાવ્યા, જ્યારે સિવર-બ્રન્ટે 30 રન બનાવ્યા. આ ઈનિંગ્સના આધારે મુંબઈએ 7 વિકેટ ગુમાવ્યા બાદ 149 રન બનાવ્યા.
Blessed #AaliRe #MumbaiIndians #TATAWPL #DCvMI pic.twitter.com/cQuGv9aOPF
— Mumbai Indians (@mipaltan) March 15, 2025
લેનિંગ અને શેફાલી વર્માની સસ્તામાં આઉટ
દિલ્હી માટે છેલ્લા બે ફાઈનલમાં પોતાની હારની ભરપાઈ કરવાની આ એક સારી તક હતી, પરંતુ લેનિંગ અને શેફાલી વર્માની જોડી, જેમણે સિઝનમાં શાનદાર શરૂઆત કરી હતી, તે ખરાબ રીતે નિષ્ફળ ગઈ. બંને ત્રીજા ઓવરમાં 17 રન બનાવીને પેવેલિયન પરત ફર્યા. જેસ જોનાસન અને એનાબેલ સધરલેન્ડ પણ 44 રન બનાવીને આઉટ થઈ ગયા હતા. દિલ્હીની આશા સ્ટાર બેટ્સમેન જેમિમા રોડ્રિગ્ઝ પર હતી, જે ઝડપથી રન બનાવી રહી હતી અને ટીમને એક કરી રહી હતી. પરંતુ 11મી ઓવરમાં, અમેલિયા કરે પોતાના જ બોલ પર એક અદભુત કેચ પકડીને જેમિમાની ઈનિંગનો અંત લાવ્યો.
First-ever team to win the TATA WPL Trophy
First-ever team to win the TATA WPL Trophy
Mumbai Indians
Scorecard ▶ https://t.co/2dFmlnwxVj #TATAWPL | #DCvMI | #Final | @mipaltan pic.twitter.com/4TSSX4WzI5
— Women’s Premier League (WPL) (@wplt20) March 15, 2025
મેરિઝેન કેપની લડાયક બેટિંગ
અહીંથી, મેરિઝેન કેપે બેટથી પોતાનો જાદુ બતાવ્યો અને નીચલા ક્રમના બેટ્સમેનોની મદદથી આક્રમણ શરૂ કર્યું. કાપે ચોગ્ગા અને છગ્ગાની મદદથી ટીમને 17 ઓવર પછી 120 રન સુધી પહોંચાડી દીધી. છેલ્લી 3 ઓવરમાં 30રનની જરૂર હતી પણ અહીં કેપ મોટો શોટ રમવાનો પ્રયાસ કરતી વખતે આઉટ થઈ ગયો. પછી નિક્કી પ્રસાદના પ્રયાસોનું કોઈ પરિણામ ન આવ્યું અને દિલ્હીની ટીમ 20 ઓવરમાં 9 વિકેટ ગુમાવ્યા બાદ માત્ર 141 રન જ બનાવી શકી. મુંબઈ માટે, સિવર-બ્રન્ટે સૌથી વધુ 3 વિકેટ લીધી, જેમાં કેપ અને લેનિંગની વિકેટનો સમાવેશ થાય છે.
