Health News : શું ખરેખર મેંદાનો લોટ આંતરડામાં ચોંટી જાય છે ? જાણો શું કહે છે એક્સપર્ટ
કોઈપણ વસ્તુનું વધુ પડતું સેવન નુકસાનકારક છે. આ વાતથી આપણે સૌ કોઈ અવગત છીએ. બજારમાં મોટાભાગે મેંદાના લોટની વસ્તુઓ વધારે વેચાતી હોય છે. પિત્ઝા,પફ સહિતની વસ્તુઓ નાના-મોટા બધા લોકોને પસંદ હોય છે.પરંતુ એવું પણ માનવામાં આવે છે કે મેંદાનું સેવન કરવાથી તે આંતરડામાં ચોંટી જાય છે.
આપણે બધા જ લોકો રિફાઈન્ડ લોટ એટલે કે મેંદાનો લોટનું સેવન કરીએ છીએ. ત્યારે મોટાભાગના લોકોની માન્યતા એવી છે કે મેંદાનું વધારે પડતું સેવન કરવાથી લોટ આંતરડામાં ચોંટી જાય છે.
હેલ્થ એક્સપર્ટના જણાવ્યા અનુસાર જો મેંદાના લોટને સારી રીતે રાંધીને ખાઈ તો તે આંતરડામાં ચોંટી જતો નથી. મેંદાનો લોટ ઘઉંમાંથી જ બનાવવામાં આવે છે.
મેંદાનો લોટ બનાવવામાં વધારે પ્રક્રિયા કરવામાં આવતી હોવાના કારણે તેમાં રહેલા પોષક તત્વો નાશ થાય છે. આ પ્રક્રિયામાં ખાસ કરી ફાયબર દૂર થઈ જાય છે. જેના કારણે પાચન સ્વાસ્થ્ય માટે બિલકુલ સારુ નથી.
મેંદાનો વધારે પડતું ખાવામાં આવે તો તે પાચનક્રિયાને ધીમી કરી શકે છે અને પેટમાં ભારેપણું અનુભવ થાય છે. જેના પગલે કબજિયાતની સમસ્યા સર્જાઈ શકે છે.
બીજી બાજુ વધુ પડતો રિફાઇન્ડ લોટ ખાવાથી તમારું વજન વધી શકે છે. તેમાં સ્ટાર્ચ હોય છે. જે કોલેસ્ટ્રોલ વધારી શકે છે જે હૃદયને વધુ નુકસાન પહોંચાડી શકે છે.
રિફાઇન્ડ લોટનો ગ્લાયકેમિક ઇન્ડેક્સ ખૂબ ઊંચો હોય છે. તેથી તે બ્લડ સુગરનું સ્તર વધારી શકે છે. તેમાં ખૂબ જ ઓછું પ્રોટીન હોય છે જે હાડકાં અને સ્નાયુઓને નુકસાન પહોંચાડી શકે છે.
(નોંધ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)