જોધપુરનો એક એવો મહેલ જ્યાં રહેવુ હોય તો કરવુ પડે દેવુ , અહીં થઈ રહ્યા છે પ્રિયાગોલ્ડના માલિકની દીકરીની લગ્ન- જુઓ Photos
Umaid Bhawan Palace: જોધપુરમાં આવેલા ઉમ્મેદ ભવન પેલેસ દેશનો સૌથી મોંઘો અને સૌથી સુંદર મહેલ છે. જેને છેલ્લા ઘણા સમયથી હોટેલમાં પરિવર્તિત કરી દેવાયો છે. આપને જણાવી દઈએ કે પ્રિયા ગોલ્ડ બિસ્કિટના માલિકની દીકરીના લગ્ન આ મહેલમાં થવાના છે. આજે આપને જણાવશુ કે આ મહેલમાં એક રાત રોકાવાનો કેટલો ખર્ચ થાય છે.
જ્યારે શાહી ઠાઠમાઠથી લગ્ન કરવાની વાત આવે તો સૌથી પહેલો વિચાર રાજસ્થાનનો આવે છે. કારણ કે આ જ એ જગ્યા છે જ્યા સદીઓ જુના મહેલ આજે પણ જોવા મળે છે. જેને હાલ હોટેલમાં પરિવર્તિત કરી દેવાયા છે. તેમાનો જ એક છે ઉમ્મેદ ભવન પેલેસ. અહીં મોટા મોટા સ્ટાર્સના લગ્નો થઈ ચુક્યા છે. જેમા સૌથી પહેલુ નામ આવે છે પ્રિયંકા ચોપરાનું. અને હવે આ લિસ્ટમાં એક મશહુર નામ સામેલ થવા જઈ રહ્યુ છે. જેની દીકરીની લગ્ન આ પેલેસમાં થવાના છે.
અમે વાત કરી રહ્યા છીએ પ્રિયાગોલ્ડ બિસ્કિટના માલિકની, જેમણે પોતાની દીકરીના લગ્ન માટે આ જગ્યા પસંદ કરી છે. જોધપુરના આ પેલેસમાં બે દિવસ સુધી અલગ-અલગ ઈવેન્ટ્સનું આયોજન કરવામાં આવશે, જેમાં પંજાબી સિંગર બાદશાહથી લઈને કરણ હોજલા અને બોલિવૂડ સિંગર સોનમ મહાપાત્રા સહિત અનેક સેલિબ્રિટીઝ સામેલ થશે.
જો આ મહેલની વાત કરીએ તો આ મહેલની કિંમત 22400 કરોડ રૂપિયા છે જેમાં 347 રૂમ બનાવવામાં આવ્યા છે. મહેલમાં એક રાત રહેવાનો ખર્ચ એટલો છે કે તમારો એક મહિનાનો પગાર પણ ઓછો થઈ શકે છે. આવો અમે તમને આ મહેલ વિશે જણાવીએ. (ફોટો ક્રેડિટ: tajhotels.com)
જોધપુરમાં ઉમેદ ભવન પેલેસનું નિર્માણ તત્કાલિન મહારાજા ઉમ્મેદ સિંહ દ્વારા વર્ષ 1929માં શરૂ કરવામાં આવ્યું હતું અને આ મહેલ વર્ષ 1943માં પૂર્ણ થયો હતો. એવું કહેવાય છે કે આ મહેલ વિશ્વના સૌથી મોટા ખાનગી મહેલોમાંથી એક છે. કહેવાય છે કે આ મહેલ બનાવવા માટે 30 હજારથી વધુ લોકોએ દિવસ-રાત મહેનત કરી હતી.
એક અંદાજ મુજબ, મહેલના નિર્માણમાં લગભગ 11 મિલિયનનો ખર્ચ થયો હતો, આજે તેની કિંમત લગભગ 22400 કરોડ રૂપિયા હોવાનું કહેવાય છે. આ મહેલ જોધપુરના સૌથી મોટા પ્રવાસન સ્થળોમાંથી એક છે. (ફોટો ક્રેડિટ: tajhotels.com)
કહેવાય છે કે ઈમારત બાંધવા પાછળ ઘણા કારણો હોય છે. પરંતુ ઘણા લોકો માને છે કે આ મહેલ બનાવવા પાછળનું કારણ લોકોનું ભલું કરવાનું હતું. એવું કહેવાય છે કે તે સમયે રાજ્યમાં ઘણા મહિનાઓ સુધી દુષ્કાળનો સામનો કરવો પડ્યો હતો, જેના કારણે રાજ્યના ખેડૂતો અને મજૂરો ભારે પરેશાનીમાં હતા. આ સમસ્યા જોઈને મહારાજાએ બેરોજગારી અને ભૂખમરાથી લોકોને બચાવવા માટે એક મહેલ બનાવ્યો હતો, જેથી લોકોને રોજગારી મળી શકે અને ભોજન પણ મળી શકે. (ફોટો ક્રેડિટ: tajhotels.com)
કહેવાય છે કે ઉમેદ ભવન પેલેસ હાલમાં ત્રણ ભાગમાં વહેંચાયેલો છે. પ્રથમ - રોયલ રેસિડેન્સ, બીજું - ઉમેદ ભવન પેલેસ મ્યુઝિયમ અને ત્રીજું - ઉમેદ ભવન પેલેસ હોટેલ. રોયલ નિવાસ એ શાહી પરિવારનું ઘર છે, કહેવાય છે કે અહીં કોઈ સામાન્ય માણસને જવાની પરવાનગી નથી. ઉમેદ ભવન પેલેસ મ્યુઝિયમમાં ઘણા ફોટોગ્રાફ્સ, સ્મૃતિ ચિહ્નો, તલવારો, વાસણો વગેરે રાખવામાં આવ્યા છે. (ફોટો ક્રેડિટ: tajhotels.com)
ઉમેદ ભવન પેલેસને હોટલ પણ કહેવામાં આવે છે અને તેનો એક ભાગ વર્ષ 1971માં હોટલમાં ફેરવાઈ ગયો હતો, જેમાં 70 થી વધુ રૂમ છે. અહીં રૂમની કિંમત 30 હજાર રૂપિયા પ્રતિ રાત્રિથી શરૂ થાય છે અને કેટલાક સ્પે સ્યુઈટમાં રહેવા માટે આ કિંમત 3 લાખ રૂપિયા સુધી પહોંચે છે. મતલબ કે, એકંદરે વ્યક્તિનો આખો પગાર એક રાતના ભાડામાં ખર્ચી શકાય છે. ધ્યાનમાં રાખો, આ કિંમતો સિઝન મુજબ ઉપર-નીચે જઈ શકે છે. (ફોટો ક્રેડિટ: jodhpurtourism.in)
ઉમેદ ભવન મ્યુઝિયમની મુલાકાત લેવા માટે, તમે સવારે 10 થી સાંજના 4:30 વાગ્યાની વચ્ચે ગમે ત્યારે આવી શકો છો. આ મ્યુઝિયમ આખું વર્ષ ખુલ્લું રહે છે, સિવાય કે અમુક ખાસ સત્તાવાર રજાઓ પર તે બંધ રહે છે. ઉમેદ ભવન પેલેસ મ્યુઝિયમની પ્રવેશ ફી પુખ્ત વયના લોકો માટે રૂ. 30 અને બાળકો (5-11 વર્ષ) માટે રૂ. 10 છે. વિદેશી નાગરિકો માટે ફી 100 રૂપિયા પ્રતિ વ્યક્તિ છે. (ફોટો ક્રેડિટ: jodhpurtourism.in)
ઉમેદ ભવન મ્યુઝિયમ શહેરના કેન્દ્રથી 10 કિમી અને જૂના શહેરથી લગભગ 4-5 કિમી દૂર છે. તે જોધપુર રેલ્વે સ્ટેશન, બસ સ્ટેન્ડ અને એરપોર્ટથી લગભગ 4-5 કિમી દૂર છે. નજીકના આંતરરાષ્ટ્રીય એરપોર્ટ જયપુર (340 કિમી દૂર) અને દિલ્હી (630 કિમી દૂર) ખાતે સ્થિત છે.
ઉમેદ ભવન મ્યુઝિયમ સુધી પહોંચવાના ઘણા રસ્તાઓ છે:- ઑટો-રિક્ષા દ્વારા- ઑટો-રિક્ષા આખા શહેરમાં ઉપલબ્ધ છે. તમે ઓટો રિક્ષા લઈને મ્યુઝિયમ પહોંચી શકો છો. ટેક્સી અથવા કેબ- તમે ટેક્સી અથવા કેબ દ્વારા સરળતાથી પેલેસ પહોંચી શકો છો. તમે સ્કૂટી લઈને પણ અહીં પહોંચી શકો છો. (ફોટો ક્રેડિટ: tajhotels.com)
Published On - 9:26 pm, Sat, 25 January 25