શું તમે જાણો છો, વિશ્વના પાંચ સૌથી લાંબા હાઈવેમાં, ભારતના આ રોડનો પણ થાય છે સમાવેશ
દુનિયામાં એવા ઘણા લોકો છે, જેમને માર્ગ દ્વારા મુસાફરી કરવી સૌથી વધુ ગમે છે. આવા લોકો મુસાફરી કરવા માટે એક દેશથી બીજા દેશમાં પણ રોડ મારફતે જ જાય છે. પરંતુ શું તમે જાણો છો કે દુનિયાનો સૌથી લાંબો રસ્તો કયો છે અને તેમાં ભારતના રસ્તાનું સ્થાન શું છે ? તો ચાલો તમને જણાવીએ.
ટ્રાન્સ-સાઇબેરીયન હાઇવે એ રશિયાની સમગ્ર લંબાઈને આવરી લેતા હાઇવેનું નેટવર્ક છે. પશ્ચિમમાં સેન્ટ પીટર્સબર્ગથી શરૂ કરીને, તે પૂર્વમાં વ્લાદિવોસ્તોક સુધી 6,800 માઈલ સુધીમાં વિસ્તરેલો હાઈવે છે.
ભારતનો સુવર્ણ ચતુર્ભુજ હાઈવે નેટવર્ક દિલ્હી, મુંબઈ, ચેન્નાઈ અને કોલકાતા શહેરોને 3,600 માઈલના લૂપમાં જોડે છે. 2012 માં પૂર્ણ થયેલ આ માર્ગ આ સૂચિમાં હાઈવેનો સૌથી નવુ નેટવર્ક છે.
ઓસ્ટ્રેલિયામાં આવેલ હાઈવે વન 9,000 માઇલથી વધુ વિસ્તરેલો છે. આ વિશ્વના સૌથી લાંબા હાઇવેમાનો એક છે. આ હાઇવેની મદદથી તમે ઓસ્ટ્રેલિયાના તમામ મોટા શહેરોમાં સરળતાથી મુસાફરી કરી શકો છો.
અલાસ્કાની પ્રુધો ખાડીથી આર્જેન્ટિના સુધીનો પેન અમેરિકન હાઇવે એક ડઝન કરતાં વધુ દેશોમાંથી પસાર થાય છે. આ દુનિયાનો સૌથી લાંબો રસ્તો છે. જો કે, તે હાઇવેને બદલે નેટવર્ક છે, તેથી તેની લંબાઈનો અંદાજ 11,000 માઇલથી 30,000 માઇલ સુધીની છે.
ટ્રાન્સ-કેનેડા હાઇવે, પેસિફિક મહાસાગર અને એટલાન્ટિક મહાસાગરને જોડે છે, જે તમામ 10 કેનેડિયન પ્રાંતોમાં લગભગ 5,000 માઇલ સુધી વિસ્તરેલો છે.