શું રામ લલ્લાની પ્રાણ પ્રતિષ્ઠા થતા જ પ્રતિમા બદલાઇ ગઇ ? શિલ્પકારે કહ્યુ,’આ મારી બનાવેલી પ્રતિમા નથી’!
હાલમાં 51 ઇંચની મૂર્તિમાં પ્રભુ રામ તમામ લોકોને દર્શન આપી રહ્યા છે. આ મૂર્તિને કર્ણાટકના મૈસૂરના મૂર્તિકાર અરુણ યોગીરાજે બનાવી છે.જો કે તાજેતરમાં જ અરુણ યોગીરાજે મીડિયાને આપેલા એક ઇન્ટરવ્યૂમાં આપેલા નિવેદનથી લોકો ચોંકી ઉઠ્યા છે.
ભવ્ય અને સૌથી દિવ્ય મંદિરમાં ભગવાન રામ બિરાજમાન થઇ ગયા છે. 22 જાન્યુઆરી ભારતના ઈતિહાસમાં નોંધાઈ હતી. આ દિવસે રામ લાલાને અયોધ્યામાં સંપૂર્ણ વિધિ-વિધાન સાથે અભિષેક કરવામાં આવ્યો હતો. આ સમગ્ર સમારોહ દરમિયાન દેશભરમાંથી લોકો દર્શન કરવા અયોધ્યા પહોંચ્યા હતા.
હાલમાં 51 ઇંચની મૂર્તિમાં પ્રભુ રામ તમામ લોકોને દર્શન આપી રહ્યા છે. આ મૂર્તિને કર્ણાટકના મૈસૂરના મૂર્તિકાર અરુણ યોગીરાજે બનાવી છે.જો કે તાજેતરમાં જ અરુણ યોગીરાજે મીડિયાને આપેલા એક ઇન્ટરવ્યૂમાં આપેલા નિવેદનથી લોકો ચોંકી ઉઠ્યા છે. યોગીરાજે જણાવ્યુ છે કે 'આ મારી બનાવેલી પ્રતિમા નથી'
અરુણ યોગીરાજે કહ્યું છે કે નવનિર્મિત રામ મંદિરના ગર્ભગૃહમાં સ્થાપિત રામજીની મૂર્તિ તેમના દ્વારા બનાવવામાં આવી નથી. તેણે કહ્યું કે આ એ પ્રતિમા નથી જે મેં બનાવી છે.આ નિવેદન બાદ દેશભરમાં વિવિધ પ્રકારની ચર્ચાઓ થવા લાગી છે.
અરુણ યોગીરાજે કહ્યુ કે- મેં ગર્ભગૃહમાં મારી સાથે હાજર લોકોને પણ કહ્યું હતું કે આ દૈવી ચમત્કાર છે કે બીજું કંઈક, પરંતુ મૂર્તિમાં ફેરફાર થયો હતો.
ખરેખર જણાવીએ તો અરુણ યોગીરાજ તેમની વાત અલગ રીતે કહી રહ્યા હતા. જેમાં તેમની લાગણી છલકાઇ રહી હતી. તેમણે જણાવ્યું કે ગર્ભગૃહની બહાર તેમની મૂર્તિની છબી અલગ હતી, પણ મૂર્તિને ગર્ભગૃહમાં પ્રવેશતાની સાથે જ તેની આભા બદલાઈ ગઈ છે.મૂર્તિમાં જાણે ખરા અર્થમાં પ્રાણ પુરાઇ ગયા છે.
અરુણ યોગીરાજે કહ્યું કે આ મારા પૂર્વજોની 300 વર્ષની તપસ્યાનું પરિણામ છે. કદાચ ભગવાને મને આ જ હેતુ માટે પૃથ્વી પર મોકલ્યો હશે. આ જન્મમાં ભગવાન શ્રી રામ લલ્લાની મૂર્તિ બનાવવી એ મારા નસીબમાં હતું. અત્યારે હું કઈ લાગણીઓમાંથી પસાર થઈ રહ્યો છું તે હું શબ્દોમાં વ્યક્ત કરી શકતો નથી.