વરસાદમાં લાગી શકે છે ઈલેક્ટ્રિક શોક, ઈલેક્ટ્રોનિક વસ્તુઓનો ઉપયોગ કરતી વખતે આ ભૂલ ન કરો
ખાસ કરીને જો ઈલેક્ટ્રોનિક સાધનોનો યોગ્ય રીતે ઉપયોગ ન કરવામાં આવે તો વરસાદની મોસમમાં ઈલેક્ટ્રીક શોક લાગવાની શક્યતા વધી જાય છે. નીચે કેટલીક સામાન્ય ભૂલો અને સૂચનો છે. જેને ધ્યાનમાં રાખીને તમે સુરક્ષિત રહી શકો છો.
ભીના હાથથી ન અડવું : જ્યારે તમારા હાથ ભીના હોય ત્યારે ફોન, લેપટોપ અથવા ચાર્જર જેવા ઈલેક્ટ્રોનિક ડિવાઈસને અડવું જોખમી બની શકે છે. આ શોર્ટ સર્કિટ અને ઇલેક્ટ્રિક શોકનું કારણ બની શકે છે.
ઇલેક્ટ્રિક વસ્તુઓને બહાર ચાર્જ કરવાનું ટાળો : વરસાદ દરમિયાન ખુલ્લા વિસ્તારોમાં ઇલેક્ટ્રિક વસ્તુઓને ચાર્જ કરવી, ખાસ કરીને જ્યાં પાણી પડતું હોય, તે અત્યંત જોખમી બની શકે છે. જેના કારણે પાણી અને વીજળીનો સંપર્ક થઈ શકે છે, જેના કારણે અકસ્માત થઈ શકે છે.
જૂના અથવા તૂટેલા ઉપકરણોનો ઉપયોગ કરશો નહીં : જૂના અથવા ક્ષતિગ્રસ્ત વાયરિંગવાળા ઇલેક્ટ્રિક ઉપકરણો વધુ જોખમી છે. ખાસ કરીને જ્યારે ભેજ અને પાણીના સંપર્કમાં હોય. ખાતરી કરો કે તમારા ઇલેક્ટ્રોનિક ડિવાઈસ યોગ્ય રીતે કાર્ય કરી રહ્યાં છે.
ગ્રાઉન્ડિંગનું ધ્યાન રાખો : જો કોઈપણ ડિવાઈસનું ગ્રાઉન્ડિંગ યોગ્ય ન હોય તો વરસાદ દરમિયાન ઇલેક્ટ્રિક શોકનું જોખમ વધી જાય છે. ઘરના તમામ પ્લગ અને ઈલેક્ટ્રિકલ સેટઅપનું યોગ્ય ગ્રાઉન્ડિંગ હોવું મહત્વપૂર્ણ છે.
હાઈ વોલ્ટેજ મશીનોથી દૂર રહો : વરસાદની મોસમમાં સાવધાની સાથે વોશિંગ મશીન, રેફ્રિજરેટર અથવા એર કંડિશનર જેવા મોટા ડિવાઈસનો ઉપયોગ કરો. પાણી અને વીજળીના સંપર્કમાં આવવાથી તેઓ સરળતાથી શોર્ટ સર્કિટ અથવા ઇલેક્ટ્રિક શોકનું કારણ બની શકે છે.