કુંભ મેળામાં જઈ રહ્યા છો તો અહીં છે રહેવા માટેની સૌથી સસ્તી જગ્યા, જાણો કેટલું છે ભાડું
પ્રયાગરાજમાં મહાકુંભની તૈયારીઓ પૂર્ણ થઈ ગઈ છે. કુંભ 13 જાન્યુઆરી 2025થી શરૂ થઈ રહ્યો છે અને 26 ફેબ્રુઆરી સુધી ચાલુ રહેશે. આવી સ્થિતિમાં જો તમે પણ મહાકુંભમાં જવા માંગતા હો, તો અમે તમને કેટલીક સસ્તી જગ્યાઓ વિશે જણાવવા જઈ રહ્યા છીએ, જ્યાં તમે ઓછા ખર્ચે આખા મેળા દરમિયાન રોકાઈ શકો છો.
પ્રયાગરાજમાં મહાકુંભની તૈયારીઓ પૂર્ણ થઈ ગઈ છે. કુંભ 13 જાન્યુઆરી 2025થી શરૂ થઈ રહ્યો છે અને 26 ફેબ્રુઆરી સુધી ચાલુ રહેશે.
આ વર્ષે દેશ અને દુનિયાભરમાંથી લગભગ 40 કરોડ ભક્તો કુંભ મેળામાં આવવાનો અંદાજ છે. ત્યારે તમારે ત્યાં રહેવા માટે મુશ્કેલીનો સામનો ન કરવો પડે તે માટે અમે તમને બજેટ ફ્રેન્ડલી સ્થળો વિશે આ લેખમાં જણાવીશું.
જો તમે કુંભ મેળાના કેન્દ્રમાં રહેવા માંગતા હો, તો ત્રિવેણી સંગમ નજીક એક ટેન્ટ સિટી છે, જે સારો વિકલ્પ હોઈ શકે છે. તમે ઓછા બજેટમાં પ્રયાગરાજમાં સંગમ નજીક ટેન્ટ સિટીમાં રહી શકો છો અને ત્યાંથી સાંસ્કૃતિક ઉત્સવમાં ભાગ લઈ શકો છો.
જો તમારું બજેટ ઓછું હોય અને તમે મેળામાં જઈ રહ્યા છો, તો તમને ત્યાં એક રાત માટે 15,00 રૂપિયાના દરે ટેન્ટ મળશે. આમાં તમારે બાથરૂમ શેર કરવું પડશે, પરંતુ જો તમારો હેતુ ફક્ત સ્નાન કરવાનો છે, તો આ તમારા માટે એક સારો વિકલ્પ હોઈ શકે છે.
જો તમારે થોડો આરામ જોઈતો હોય અને બજેટ સારું હોય તો ડીલક્સ ટેન્ટ તમારા માટે સારો ઓપ્શન હોઈ શકે છે. તેની શરૂઆતની કિંમત 5 હજાર રૂપિયાથી લઈને 10 હજાર રૂપિયા સુધીની છે. આ ટેન્ટમાં તમને પર્સનલ બાથરૂમ, બેડ અને 24 કલાક વીજળીની સુવિધા મળશે.
આ મેળામાં ઘણી ધર્મશાળાઓ અને આશ્રમો બનાવવામાં આવ્યા છે, જ્યાં તમને ભજન કીર્તન તેમજ કથા સાંભળવા મળશે. ઘણી ધર્મશાળાઓ એકદમ મફત છે અને કેટલીકમાં તમે ખૂબ ઓછા પૈસા ચૂકવીને રહી શકો છો. મેળા વિસ્તારમાં લંગરનું આયોજન કરવામાં આવે છે, તમે ત્યાં પ્રસાદ લઈ શકો છો.
આવી જ એક ધર્મશાળા બાંગુર છે. જ્યાં તમને શાંતિપૂર્ણ વાતાવરણ મળશે જ્યાં તમે ધ્યાન અને પૂજા કરી શકો છો. આ ધર્મશાળા સંગમ ઘાટની નજીક છે. અહીંથી તમે મેળાનો આનંદ માણી શકો છો અને વહેલી સવારે સ્નાન પણ કરી શકો છો.
રાહી ત્રિવેણી દર્શન પણ મેળાના પરિસરમાં છે. તમે અહીં પ્રતિ રાત્રિ 2,000 થી 3,000 રૂપિયા ચૂકવીને રહી શકો છો. આ પ્રવાસીઓમાં એક ફેમસ વિકલ્પ છે કારણ કે અહીંનું વાતાવરણ ખૂબ જ શાંત અને ધ્યાન માટે અનુકૂળ છે.
Published On - 4:12 pm, Sat, 11 January 25