શું તમે પણ વેકેશનમાં દક્ષિણ ભારતની મુસાફરી કરવા માંગો છો? તો IRCTCના આ ટુર પેકેજમાં EMI દ્વારા ભાડું ચૂકવી પ્રવાસ કરી શકાશે
IRCTC Tour Package: પર્યટનને પ્રોત્સાહન આપવા માટે, IRCTC સમયાંતરે ટૂર પેકેજ લોન્ચ કરતી રહે છે. આ ટૂર પેકેજ હેઠળ, તમને દેશ અને વિદેશના વિવિધ ક્ષેત્રોની મુલાકાત લેવાની તક મળે છે. IRCTC એ દક્ષિણ ભારતની મુસાફરી માટે એક પેકેજ લોન્ચ કર્યું છે.
IRCTC વિવિધ પ્રવાસન સ્થળો અને ધાર્મિક સ્થળો માટે ટૂર પેકેજ લોન્ચ કરે છે. ભારત સરકારની "એક ભારત શ્રેષ્ઠ ભારત" અને "દેખો અપના દેશ" યોજના હેઠળ ટ્રેન શરૂ કરી છે. કન્યાકુમારી જવા માટે દક્ષિણ ભારતના ટૂર પેકેજનું સંચાલન કરવાનો નિર્ણય લીધો છે. 10 દિવસનું આ ટૂર પેકેજ 30 એપ્રિલ 2023 થી 10 મે 2023 સુધી ચાલુ રહેશે.
IRCTC દ્વારા આ ટ્રેનમાં યાત્રિકો ગોરખપુર, બસ્તી, મનકાપુર જંક્શન, અયોધ્યા કેન્ટ, સુલતાનપુર, પ્રતાપગઢ, પ્રયાગરાજ સંગમ, ઉંચાહર જંક્શન, રાયબરેલી જંક્શન, લખનૌ, કાનપુર, વિરાંગના લક્ષ્મીબાઈ સ્ટેશનથી ચઢી શકે છે.આ ટૂર પેકેજ દરમિયાન, પ્રવાસીઓને મલ્લિકાર્જુન જ્યોતિર્લિંગ, તિરુપતિ બાલાજી મંદિર, મીનાક્ષી મંદિર, મદુરાઈ, રામનાથ સ્વામી મંદિર, રામેશ્વરમ અને કન્યાકુમારીના સ્થાનિક સ્થળોએ લઈ જવામાં આવશે.
આ પેકેજમાં ટ્રેનની મુસાફરી, ત્રણેય સમયનું ભોજન સાથે હોટેલમાં રોકાણ અને બસ દ્વારા સ્થાનિક જોવાલાયક સ્થળોનો સમાવેશ થાય છે. જો આ ટૂર પેકેજના ભાડાની વાત કરીએ તો ઈકોનોમી ક્લાસ (સ્લીપર ક્લાસ)માં બે કે ત્રણ લોકો એક સાથે રહે તો પેકેજની કિંમત વ્યક્તિદીઠ 21010 રૂપિયા હશે. જ્યારે, બાળક દીઠ (5-11 વર્ષ) પેકેજની કિંમત 19783 રૂપિયા હશે.સ્ટાન્ડર્ડ ક્લાસ (3AC ક્લાસ)માં બે કે ત્રણ વ્યક્તિઓ માટે પેકેજની કિંમત વ્યક્તિદીઠ રૂ.35,408 છે
IRCTC પોર્ટલ પર ઉપલબ્ધ 14 સરકારી અને બિન-સરકારી બેંકોમાંથી આ ટૂર પેકેજ બુક કરવા માટે IRCTC દ્વારા EMI સુવિધા મેળવી શકાય છે. તેમાંથી બેંક ઓફ બરોડા 24 મહિનાની મુદત માટે, SBI બેંક 12 મહિનાની મુદત માટે અને HDFC બેંક 18 મહિનાની મુદત માટે ઓછા દરે EMI ઉપલબ્ધ કરી રહ્યું છે.
પ્રવાસીઓ અમેરિકન એક્સપ્રેસ, એક્સિસ બેંક, સિટી બેંક, ફેડરલ બેંક, HSBC બેંક, ICICI બેંક, કોટક મહિન્દ્રા બેંક, RBL બેંક, સ્ટાન્ડર્ડ ચાર્ટર્ડ બેંક અને યસ બેંકમાંથી પણ EMI સુવિધા મેળવી શકે છે.આ ટૂર પેકેજ નું બુકિંગ IRCTCની વેબસાઇટ www.irctctourism.comની મુલાકાત લઈ શકો છો.