સરકારી કંપનીને મળી રહ્યા છે ઓર્ડર પર ઓર્ડર, શેરનો ભાવ પહોચ્યો ઓલ ટાઈમ હાઈ પર, એક્સપર્ટે કહ્યું આટલા સુધી જશે ભાવ
જુલાઈ 2023માં શેરની કિંમત 558.60 રૂપિયા હતી, જે 52 સપ્તાહની નીચી સપાટી છે. આ શેરે વર્ષ-ટુ-ડેટ (YTD) આધારે 120 ટકાથી વધુનું મલ્ટિબેગર વળતર આપ્યું છે. જો કે, એક્સપર્ટ કહ્યું હજુ પણ આ સ્ટૉક પર તેજીમાં છે. આ શેરમાં લગભગ 18 ટકાનો ઉછાળો નોંધાયો અને ભાવ 2,065.25 રૂપિયાના સ્તરે પહોંચી ગયો છે. આ શેરની 52 સપ્તાહની ઊંચી સપાટી પણ છે.
સ્ટોક હાલમાં ઓવરબૉટ ઝોનમાં છે. આવી સ્થિતિમાં સાવધાની રાખવાની સલાહ આપવામાં આવે છે. યોગ્ય જોખમ વ્યવસ્થાપન સાથે આ સ્ટોકને તમારા રડાર હેઠળ રાખો. તે જ સમયે આનંદ રાઠી શેર્સ એન્ડ સ્ટોક બ્રોકર્સના જીગર એસ પટેલે જણાવ્યું હતું કે શેરનો સપોર્ટ 1,900 રૂપિયા અને બ્રેકઆઉટ 2,100 રૂપિયા પર રહેશે.
તાજેતરમાં કંપનીએ શનિવારે જર્મની સ્થિત શિપિંગ કંપની સાથે કરાર કર્યો છે. એક અધિકારીએ જણાવ્યું કે આ કરાર ચાર બહુહેતુક કાર્ગો જહાજોના નિર્માણ અને સપ્લાય માટે છે.
આ કરાર અંદાજે US$ 54 મિલિયનની કિંમતનો છે અને તે 33 મહિનામાં પૂર્ણ થવાનો છે. આ જહાજો 120 મીટર લાંબા અને 17 મીટર પહોળા હશે અને દરેક જહાજ 7,500 ટન કાર્ગો લઈ જઈ શકશે.
ગાર્ડન રીચ શિપબિલ્ડર્સ એન્ડ એન્જિનિયર્સ એ સંરક્ષણ મંત્રાલયના વહીવટી નિયંત્રણ હેઠળની યુદ્ધ જહાજ નિર્માણ કંપની છે. માર્ચ 2024 સુધીમાં, સરકાર કંપનીમાં 74.50 ટકા હિસ્સો ધરાવે છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
