‘અગ્રણી ભારત’ થી ‘ટાઈગર હિલ’ સુધી, બીટીંગ ધ રીટ્રીટમાં આ બેન્ડે ભારતીય ધૂનથી સૌને બનાવ્યા મંત્રમુગ્ધ
પ્રજાસત્તાક દિવસની ઉજવણીના ઔપચારિક સમાપન નિમિત્તે સોમવારે રાયસિના હિલ્સ પર આયોજિત 'બીટિંગ રિટ્રીટ'માં સેના અને અર્ધલશ્કરી દળોના બેન્ડ સંપૂર્ણપણે ભારતીય ધૂન વગાડી હતી.રાયસિના હિલ્સના કેટલાક શાનદાર દ્રશ્યો સોશિયલ મીડિયા પર વાયરલ થઈ રહ્યા છે.
'બીટિંગ રિટ્રીટ' સમારોહ રાષ્ટ્રીય રાજધાનીના વિજય ચોક ખાતે યોજાયો અને તેની સાથે પ્રજાસત્તાક દિવસની ઉજવણી પણ ઔપચારિક રીતે થઈ.
રાયસિના હિલ્સ આજે બીટિંગ રિટ્રીટ સમારંભ દરમિયાન ભારતીય ધૂનનો સાક્ષી બન્યો હતો.
ભારતીય આર્મી, ભારતીય નૌકાદળ, ભારતીય વાયુસેના અને કેન્દ્રીય સશસ્ત્ર પોલીસ દળોના મ્યુઝિક બેન્ડે 31 મનમોહક ભારતીય ધૂન વગાડી હતી.
પ્રેક્ષકોમાં રાષ્ટ્રપતિ અને સશસ્ત્ર દળોના સર્વોચ્ચ કમાન્ડર દ્રૌપદી મુર્મુ, ઉપરાષ્ટ્રપતિ જગદીપ ધનખર, વડા પ્રધાન નરેન્દ્ર મોદી, સંરક્ષણ પ્રધાન રાજનાથ સિંહ, અન્ય ઘણા કેન્દ્રીય પ્રધાનો, વરિષ્ઠ અધિકારીઓ અને સામાન્ય લોકો શામેલ થયા હતા.
'બીટીંગ રીટ્રીટ' સમારંભની શરૂઆત 1950માં થઈ હતી જ્યારે ભારતીય સેનાના મેજર રોબર્ટ્સે સામૂહિક બેન્ડ દ્વારા પ્રદર્શનના અનોખા સમારોહને સ્વદેશી રીતે વિકસાવ્યો હતો.
માસ બેન્ડના 'શંખનાદ'થી લઈને નૌકાદળના મધુર 'મિશન ચંદ્રયાન' સુધી, સોમવારે રાષ્ટ્રીય રાજધાનીમાં બીટિંગ રીટ્રીટ સેરેમની દરમિયાન રાયસીના હિલ્સ પર ધૂન ગુંજી રહી હતી.
રાયસીના હિલ્સ લશ્કરી અને અર્ધલશ્કરી બેન્ડ દ્વારા વગાડવામાં આવતી મોહક ભારતીય ધૂનોના અવાજથી ગુંજતી હતી.
CAPF બેન્ડે અન્ય ધૂન વચ્ચે ‘ભારત કે જવાન’ અને ‘વિજય ભારત’ પણ વગાડ્યું હતું. યુવાનો અને વૃદ્ધો સહિત પ્રેક્ષકોએ બેન્ડના પ્રદર્શનને વધાવી લીધું અને સમારંભના અંતે ઘણા લોકોએ 'ભારત માતા કી જય'ના નારા પણ લગાવ્યા.
કાર્યક્રમનું સમાપન ‘સારે જહાં સે અચ્છા’ની ખૂબ જ લોકપ્રિય ધૂન સાથે થયું. સાંજે રાયસીના હિલ્સ કેમ્પસ વાઇબ્રન્ટલી રંગીન લાઇટ્સથી ઝગમગી ઉઠ્યું હતું.
Published On - 11:35 pm, Mon, 29 January 24