વિમેન્સ પ્રીમિયર લીગ મેચોનું લાઈવ સ્ટ્રીમિંગ ક્યારે અને ક્યાં જોઈ શકશો, જાણો
વિમેન્સ પ્રીમિયર લીગની બીજી સીઝન આજે એટલે કે, 23 ફેબ્રુઆરીથી શરુ થશે. વિમેન્સ પ્રીમિયર લીગની સીઝન 2ની શરુઆત બેંગ્લુરુથી થશે. વિમેન્સ પ્રીમિયર લીગ 2024ની મેચનો સમય તેમજ લાઈવ સ્ટ્રીમિંગ વિશે જાણકરી મેળવો.
વિમેન્સ પ્રીમિયર લીગની બીજી સીઝનની શરુઆત ચેમ્પિયન મુંબઈ ઈન્ડિયન્સ અને રનર અપ દિલ્હી કેપિટલ્સની વચ્ચે એમ ચિન્નાસ્વામી સ્ટેડિયમમાં શરુ થશે. આ લીગમાં મુંબઈ અને દિલ્હીની સાથે યુપી વોરિયર્સ, ગુજરાત જાયન્ટ્સ અને રોયલ ચેલેન્જર બેંગ્લોર પણ સામેલ છે.
વિમેન્સ પ્રીમિયર લીગ 2024 ટૂર્નામેન્ટ 23 ફેબ્રુઆરીથી શરુ થશે અને ફાઈનલ મેચ 17 માર્ચ 2024થી રમાશે. ઓપનિંગ સેરમનીમાં બોલિવુડના અનેક સ્ટારનો તડકો જોવા મળશે.
ભારતમાં રમાનાર મહિલા પ્રીમિયર લીગ 2024 ટૂર્નામેન્ટને 2 ભાગમાં રાખવામાં આવી છે. જેમાં શરુઆતની મેચ બેંગ્લુરુ અને ત્યારબાદની મેચો નવી દિલ્હીમાં રમાશે.બેંગલુરુનું એમ ચિન્નાસ્વામી સ્ટેડિયમ ઓપનિંગ સેરમની અને પહેલી મેચ સહિત 11 મેચોનું આયોજન કરશે. એલિમિનેટર અને ફાઈનલ સહિત 11 મેચ દિલ્હીમાં રમાશે.
વિમેન્સ પ્રીમિયર લીગની બીજી સીઝનની તમામ મેચ સાંજે 6: 30 કલાકે શુર થશે કારણ કે, આ ટૂર્નામેન્ટમાં કોઈ ડબલ હેડર મેચ નથી.ભારતમાં વિમેન્સ પ્રીમિયર લીગ 2024નું લાઈવ પ્રસારણ સ્પોર્ટસ 18 અને એચડી સ્પોર્ટસ 18 ચેનલ પર જોઈ શકાશે.
કોઈપણ ટીમના કેપ્ટનમાં ફેરફાર કરવામાં આવ્યો નથી. કમાન હરમનપ્રીત કૌર (મુંબઈ ઈન્ડિયન્સ), મેગ લેનિંગ (દિલ્હી કેપિટલ્સ), સ્મૃતિ મંધાના (રોયલ ચેલેન્જર્સ બેંગલોર), એલિસા હીલી (યુપી વોરિયર્સ) અને બેથ મૂની (ગુજરાત જાયન્ટ્સ)ની કેપ્ટન છે.