BCCI New Rules Full List : પરિવાર અને જાહેરાતના શૂટ પર પણ પ્રતિબંધ, BCCIએ ખેલાડીઓ માટે 10 કડક નિયમો બનાવ્યા
ઓસ્ટ્રેલિયા પ્રવાસ પર 5 મેચની ટેસ્ટ સીરિઝમાં મળેલી હાર બાદ હવે બીસીસીઆઈએ મોટું પગલું ભર્યું છે.10 નવા નિયમ ખેલાડીઓ માટે લાગુ કર્યા છે. જેમાં તમામ ખેલાડીઓને ઘરેલુ ક્રિકેટ રમવાનું ફરજિયાત બનાવવામાં આવ્યું છે.
ભારતીય ટીમનું છેલ્લા કેટલાક મહિનાથી ખરાબ પ્રદર્શન જોવા મળી રહ્યું છે. પહેલા શ્રીલંકા વનડે સીરિઝ, ન્યુઝીલેન્ડ ટેસ્ટ સીરિઝ અને હાલમાં ઓસ્ટ્રેલિયા સીરિઝમાં ખરાબ પ્રદર્શનનો સામનો કરવો પડ્યો છે. હવે બીસીસીઆઈએ મોટું પગલું ભર્યું છે. બીસીસીઆઈ રિવ્યુ મીટિંગ બાદ ટીમમાં એકતા વધારવા અને પ્રદર્શનને ફરીથી સારુ કરવા માટે 10 કડક નિયમ બનાવ્યા છે. તો ચાલો જાણીએ આ નિયમ શું છે.
ભારતીય ટીમમાં પસંદગી માટે યોગ્ય બનવા માટે BCCI એ ઘરેલુ મેચોમાં રમવું ફરજિયાત બનાવ્યું છે. આ ગાઈડલાઈનનો મુખ્ય ઉદ્દેશ્ય છે કે બધા ખેલાડીઓ ઘરેલુ ક્રિકેટના ઇકોસિસ્ટમ સાથે જોડાયેલા રહે. આ મેચમાં ફિટનેસ મેન્ટેન કરવાની સાથે સાથે નવા ખેલાડીઓને દેશના ટોપ ક્રિકેટર્સની સાથે મેચ કરવાની તક મળશે.
BCCIએ તમામ ખેલાડીઓને મેચ થી લઈ પ્રેક્ટિસ સેશન સુધી દરેક સમયે એક સાથે ટ્રાવેલ કરવું અનિવાર્ય કર્યું છે. કોઈ ખાસ કારણ હોવા પર પરિવારની સાથે અલગથી ટ્રાવેલ કરવા માટે હેડ કોચ, સિલેક્શન કમેટીના ચેરમેન પાસેથી પરવાનગી લેવી પડશે.
બીસીસીઆઈએ સમાનની પણ એક લિમિટ નક્કી કરી છે. સીરિઝ દરમિયાન લીમિટથી બહાર સમાન લઈ જવા પર તેમણે પોતાનો ખર્ચો ઉઠાવવો પડશે., બોર્ડની માર્ગદર્શિકા મુજબ, 30 દિવસથી વધુના વિદેશી પ્રવાસ માટે, ખેલાડીઓ 5 બેગ (3 સુટકેસ અને 2 કીટ બેગ) અથવા 150 કિલો વજન સુધી લઈ જઈ શકે છે. સપોર્ટ સ્ટાફ 3 બેગ (2 મોટી અને એક નાની સુટકેસ) અથવા 80 કિલો વજન સાથે મુસાફરી કરી શકે છે. જો પ્રવાસ 30 દિવસથી ઓછા સમય માટે હોય, તો 4 બેગ (2 સુટકેસ અને 2 કીટ બેગ) અથવા 120 કિલોગ્રામ વજન સુધી લઈ જવાની મંજૂરી આપવામાં આવશે. સપોર્ટ સ્ટાફ 2 બેગ (2 સુટકેસ) અથવા 60 કિલો વજન સુધી લઈ જઈ શકે છે. બીજો નિયમ સ્થાનિક સીરિઝ દરમિયાન પણ લાગુ પડશે.
હવે કોઈ પણ ખેલાડી સીરિઝ દરમિયાન પોતાનો પર્સનલ સ્ટાફ જેમ કે, શેફ,પર્સનલ મેનેજર , ટ્રેનર, સેક્રેટરી કે પછી આસિસ્ટન્ટ લઈ જઈ શકશે નહિ. જેના માટે તેમણે પહેલા બોર્ડ પાસેથી પરવાનગી લેવી પડશે.
જો ટીમ કોઈ વિદેશ પ્રવાસ પર 45 દિવસથી વધુ સમય જાય છે. તો કોઈ પણ ખેલાડીની પત્ની, પાર્ટનર કે પરિવાર એક પ્રવાસ પર માત્ર 14 દિવસ સુધી સાથે રહી શકશે. બીસીસીઆઈ આ દરમિયાન તેના રહેવાનો અલગથી ખર્ચો આપશે નહિ.
બેંગ્લુરુમાં રહેલા બીસીસીઆઈ સેન્ટર ઓફ એક્સીલેન્સમાં ખેલાડીઓ કોઈ વ્યક્તિગત સામાન કે ઉપકરણ મોકલવા માટે ટીમ મેનેજમેન્ટ સાથએ વાત કરવાની રહેશે. વધારાના ખર્ચ પર તેમણે ખુદ પેમેન્ટ કરવાનું રહેશે.
બોર્ડે ચોખ્ખા શબ્દોમાં કહ્યું કે, હવેથી ખેલાડીઓ આખા પ્રેક્ટિસ સેશન દરમિયાન સાથે રહેવાનું રહેશે. તેમજ વેન્યુ પર સાથે જ ટ્રાવેલ કરવાનું રહેશે. તે સમય પહેલા ટ્રેનિંગ છોડી જઈ શકશે નહિ.
બીસીસીઆઈના નવા નિયમ મુજબ હવેથી કોઈ પર સીરિઝ દરમિયાન પર્સનલ જાહેરાત શૂટ કરી શકશે નહિ.
બોર્ડના ઓફિશિયલ જાહેરાત શૂટ, પ્રમોશનલ એક્ટિવિટી કે કોઈ ફંક્શનમાં ખેલાડીઓને હાજર રહેવું જરુરી છે.
આ સિવાય સીરિઝ કે મેચ જલ્દી પૂર્ણ થઈ જાય છે તો પ્લાનિંગ અનુસાર જ ટ્રાવેલ કરશે. સમય પહેલા ટીમ છોડી ક્યાંય જઈ શકશે નહિ, તેમણે ટીમ સાથે રહેવું પડશે.