Year Ender 2024 : આરતી સિંહથી લઈ સુરભિ જ્યોતિ સુધી, આ સ્ટાર લગ્નના બંધનમાં બંધાયા
ડિસેમ્બર મહિનો ચાલી રહ્યો છે કેટલાક એવા સેલિબ્રિટી છે. જે આ વર્ષે લગ્નના બંધનમાં બંધાયા છે. તો ચાલો આજે આપણે જાણીએ કે, આ વર્ષે ક્યા ક્યા સ્ટારે લગ્નની સફર શરુ કરી છે.
2024ને અલવિદા કહેવાનો સમય આવી ગયો છે. ત્યારે 2024માં કેટલાક એવા ટીવી સ્ટાર છે, જેમના માટે આ વર્ષ લકી સાબિત થયું હતુ. કોઈએ બોયફ્રેન્ડ સાથે તો કોઈએ અરેન્જ મેરેજ કર્યો છે. તો ચાલો જાણીએ આ વર્ષે ક્યા ક્યા ટેલિવિઝન સ્ટાર લગ્નના બંધનમાં બંધાયા છે.
ટીવી અભિનેત્રી અને બિગ બોસ ફેમ આરતી સિંહે આ વર્ષે લગ્ન કર્યા છે. તેમણે બિઝનેસમેન દીપક ચૌહાણ સાથે હિંદુ -રીતિ રિવાજથી ઈસ્કોન ટેમ્પલમાં લગ્ન કર્યા હતા. બંન્નેના લગ્નમાં પરિવારના સભ્યો તેમજ અંગત મિત્રો સામેલ થયા હતા.
દેવો કે દેવ મહાદેવ ફેમ અભિનેત્રી સોનારિકા ભદૌરિયાએ આ વર્ષ 18 ફ્રેબ્રુઆરીના રોજ પોતાના બોય ફ્રેન્ડ વિકાસ સાથે લગ્ન કર્યા છે. બંન્ને સવાઈ માધેપુરમાં લગ્ન કર્યા હતા. ત્યારબાદ લગ્નના ફોટો સોશિયલ મીડિયા પર શેર કર્યા હતા.
ઈશ્કબાઝ ફેમ અભિનેત્રી સુરભિ ચંદનાએ આ વર્ષે 2 માર્ચના રોજ જયપુરમાં બોયફ્રેન્ડ કરણ શર્મા સાથે સાત ફેરા લીધા છે. તેના મેહંદી સેરમનીથી લઈ તમામ વિધીના ફોટો અને વીડિયો સોશિયલ મીડિયા પર વાયરલ થયા હતા.
ટીવી અભિનેત્રી દિવ્યા અગ્રવાલે વર્ષની શરુઆતમાં બિઝનેસમેન અપૂર્વ પડગાંવકર સાથે લગ્ન કર્યા છે. બંન્ને લગ્નમાં અલગ જ આઉટફિટમાં જોવા મળ્યા હતા.
કબુલ હૈ ફેમ અભિનેત્રી સુરભિ જ્યોતિએ 27 ઓક્ટોબરના રોજ પોતાના લોન્ગ ટાઈમ બોયફ્રેન્ડ સુમિત સુરી સાથે લગ્ન કર્યા છે. આ કપલે પોતાના લગ્ન માટે ઉત્તરાખંડના જિમ કાર્બેટના આહના રિસોર્ટને પસંદ કર્યો હતો.
Published On - 11:16 am, Sun, 8 December 24