રામ ગોપાલ વર્માને 3 મહિનાની સજા, 7 વર્ષથી ચાલી રહ્યો હતો કેસ, જાણો શું છે મામલો
બોલિવુડ ફિલ્મ પ્રોડ્યુસર અને ડાયરેક્ટર રામ ગોપાલ વર્માને મુંબઈની એક અદાલતે 3 મહિનાની સજા સંભળાવી છે. 7 વર્ષથી નિર્દેશક વિરુદ્ધ ચેક બાઉન્સ મામલે સુનાવણી ચાલી રહી હતી. જેના પર હવે કોર્ટ દ્વારા દેષિત જાહેર કરવામાં આવ્યો છે.
ફિલ્મ નિર્માતા અને નિર્દેશક રામ ગોપાલ વર્માને7 વર્ષ એક જૂના મામલે દોષિત જાહેર કરવામાં આવ્યો છે અને 3 મહિનાની જેલની સજા પણ સંભળાવવામાં આવી છે. મુંબઈની અંધેરી મેજિસ્ટ્રેટ કોર્ટે ફિલ્મ ડાયરેક્ટર અને પ્રોડ્યુસર રામ ગોપાલ વર્માને 3 મહિનાની સજા સંભળાવી છે.
સુનાવણી દરમિયાન હાજર ન થવાને કારણે ચેક બાઉન્સ કેસમાં કોર્ટે રામગોપાલ વર્મા વિરુદ્ધ નોન વોરન્ટ ઈશ્યુ જાહેર કર્યો છે. કોર્ટના આ નિર્ણય તેના નવા પ્રોજેક્ટ સિંડિકેટની જાહેરાત પહેલા આવ્યો છે.
રામ ગોપાલ વર્મા મંગળવારના રોજ અંદાજે 7 વર્ષ જૂના કેસમાં સુનાવણી દરમિયાન કોર્ટમાં હાજર થયા ન હતા. કોર્ટે કલમ 138 હેઠળ રામ ગોપાલ વર્માને આરોપી માન્યો અને આ કેસમાં રામ ગોપાલ વતી ફરિયાદીને 3.72 લાખ રૂપિયાનું વળતર ચૂકવવાનો પણ નિર્દેશ આપ્યો છે.
2018માં ફિલ્મ નિર્માતા રામ ગોપાલ વર્માની કંપની સામે કેસ દાખલ કરવામાં આવ્યો હતો. રામ ગોપાલ વર્મા કેટલાક વર્ષોથી આર્થિક સંકટનો સામનો કરી રહ્યા છે, કારણ કે તેમની ફિલ્મો પણ સારું પ્રદર્શન કરી રહી નથી. આ ઉપરાંત, તેમણે કોવિડ-19 રોગચાળા દરમિયાન તેમની ઓફિસ પણ વેચવી પડી હતી.
આ કિસ્સામાં, આ ફિલ્મ નિર્માતાને વ્યક્તિગત ઓળખ બોન્ડ ભરીને અને 5,000 રૂપિયાની રોકડ જામીનની રકમ ચૂકવ્યા પછી જૂન 2022માં જામીન પર મુક્ત કરવામાં આવ્યો હતો. રામ ગોપાલ વર્મા સત્ય, રંગીલા, સરકાર અને કંપની જેવી સફળ ફિલ્મો માટે જાણીતા છે.
મંગળવારના રોજ રામ ગોપાલ વર્માને સજા સંભળાવતા મેજિસ્ટ્રેટ વાઈપી પુજારીએ કહ્યું 1973ની કલમ 428 હેઠળ સેટ ઓફ કરવાનો કોઈ પ્રશ્ન નથી કારણ કે આરોપીએ ટ્રાયલ દરમિયાન કસ્ટડીમાં કોઈ સમય વિતાવ્યો નથી."