બોક્સ ઓફિસ પર આવી રહી છે 350 કરોડમાં બનેલી ફિલ્મ, 5 બોલિવુડ સ્ટારનો જોવા મળશે જલવો
અક્ષય કુમાર અને ટાઈગર શ્રોફ તેમની આગામી ફિલ્મ 'બડે મિયાં છોટે મિયાં'ને લઈને ઘણા સમયથી ચર્ચામાં છે. આ એક એક્શન થ્રિલર ફિલ્મ છે, જેનું નિર્દેશન અલી અબ્બાસ ઝફરે કર્યું છે. હવે આટલા મોટા બજેટ 350 કરોડમાં બનેલી ફિલ્મ કેટલી હિટ જાય છે તે જોવાનું રહેશે.
પિતા-પુત્રની જોડી વાશુ ભગનાની અને જેકી ભગનાનીનો એક વીડિયો વાયરલ થઈ રહ્યો છે. જેમાં વાશુ ભગનાનીએ દાવો કર્યો છે કે, ફિલ્મ બોક્સ ઓફિસ પર 1100 કરોડ રુપિયાની કમાણી કરશે.જેકી પોતાને અને તેના પિતાને 'બડે મિયાં છોટે મિયાં' તરીકે ઓળખાવે છે.
અક્ષય કુમાર અને ટાઈગર શ્રોફ સ્ટાર અપકમિંગ ફિલ્મ બડે મિયાં છોટે મિયાંને લઈ ચાહકોમાં ઉત્સાહ જોવા મળી રહ્યો છે. આ ફિલ્મ એડવાન્સ બુકિંગમાં પણ જોરદાર કમાણી કરી રહી છે. શનિવારથી ટિકિટનું એડવાન્સ બુકિંગ શરુ થઈ ચુક્યું છે. માત્ર 5 કલાકમાં 12 હજારથી વધુ ટીકિટ બુક થઈ ચુકી છે.
બડે મિયાં છોટે મિયાં 10 એપ્રિલના રોજ રિલીઝ થવાની છે. આ ફિલ્મ એક્શન , કોમેડી અને ગ્લેમર્સનો તડકો જોવા મળશે. મેકર્સે આ ફિલ્મોમાં પાણીને જેમ પૈસાનો ઉપયોગ કર્યો છે. આ ફિલ્મ 100, 200 નહિ પરંતુ 340 કરોડમાં બની છે.
તમને જણાવી દઈએ કે, આ ફિલ્મમાં એક્શન સીન પર વધારે ધ્યાન આપવામાં આવ્યું છે. આ ફિલ્મની સાથે અજય દેવગનની ફિલ્મ મેદાનની ટક્કર થશે. ત્યારે જોવાનું રહેશે કે,બે સ્ટારની ફિલ્મમાં કોણ બાજી મારે છે.
બડે મિયાં છોટે મિયાં ફિલ્મમાં અક્ષય કુમાર અને ટાઈગર શ્રોફની સાથે સોનાક્ષી સિન્હા, માનુષી છિલ્લર, પૃથ્વી રાજ સહિત અનેક બોલિવુડ સ્ટાર જોવા મળશે.