અદાણીના એક નિર્ણયથી કંપનીના શેરને ભારે થયું નુકસાન, એક જ દિવસમાં થયો 9%નો ઘટાડો
અદાણી ગ્રુપે ફાસ્ટ મૂવિંગ કન્ઝ્યુમર ગુડ્સ (FMCG) કંપની અદાણી વિલ્મરમાં 20 ટકા સુધીનો હિસ્સો ખુલ્લા બજારમાં વેચીને રૂપિયા 7,148 કરોડ એકત્ર કરવાની જાહેરાત કરી છે.
શુક્રવારે અદાણી વિલ્મરના શેરમાં 10 ટકાનો ઘટાડો થયો હતો. ગ્રુપ દ્વારા અદાણી વિલ્મરમાં 20 ટકા હિસ્સો વેચીને રૂપિયા 7,148 કરોડ એકત્ર કરવાની જાહેરાત કર્યા પછી તેના શેરમાં ઘટાડો થયો હતો. બીએસઈ પર આ શેર 9.99 ટકા ઘટીને રૂપિયા 291.60 પર બંધ થયો, જે તેના નીચલા સ્તર છે. NSE પર પણ તે 10 ટકા ઘટીને રૂપિયા 291.10 ની નીચી સપાટીએ પહોંચ્યો.
દરમિયાન, BSE પર લિસ્ટેડ તમામ 10 અદાણી ગ્રુપ કંપનીઓના શેર નુકસાન સાથે બંધ થયા. અદાણી એન્ટરપ્રાઇઝના શેરમાં 4.37 ટકા, અદાણી ગ્રીન એનર્જી 3.54 ટકા, અદાણી પાવર 3.18 ટકા અને અદાણી એનર્જી સોલ્યુશન્સ 2.91 ટકાનો ઘટાડો થયો હતો.
અદાણી ગ્રુપે ફાસ્ટ મૂવિંગ કન્ઝ્યુમર ગુડ્સ (FMCG) કંપની અદાણી વિલ્મરમાં 20 ટકા સુધીનો હિસ્સો ખુલ્લા બજારમાં વેચીને રૂપિયા 7,148 કરોડ એકત્ર કરવાની જાહેરાત કરી છે. આ સ્ટેપ જૂથની નોન-કોર વ્યવસાયોમાંથી બહાર નીકળીને તેના ઇન્ફ્રાસ્ટ્રક્ચર વ્યવસાય પર ધ્યાન કેન્દ્રિત કરવાની વ્યૂહરચનાનો એક ભાગ છે.
ગુરુવારે સ્ટોક એક્સચેન્જ ફાઇલિંગમાં ગ્રુપે જણાવ્યું હતું કે તે 10 જાન્યુઆરી (બિન-રિટેલ રોકાણકારોને) અને 13 જાન્યુઆરી (ટેલ રોકાણકારોને) ના રોજ પ્રતિ શેર રૂ. 275 ના પ્રતિ શેર ઓછામાં ઓછા ભાવે કંપનીમાં 17.54 કરોડ શેર (13.50 ટકા હિસ્સો) ઓફર કરશે.
અદાણી વિલ્મર એ અદાણી ગ્રુપ અને સિંગાપોર સ્થિત કોમોડિટીઝ વેપારી વિલ્મર વચ્ચેનું સંયુક્ત સાહસ છે. વિલ્મર ફોર્ચ્યુન બ્રાન્ડ હેઠળ ખાદ્ય તેલ, ઘઉંનો લોટ અને અન્ય ખાદ્ય ઉત્પાદનોનું ઉત્પાદન કરે છે.