ગુજરાતમાં કાયદાનો કોઈ ભય નહી, હળવદ-મોરબી ચોકડી પરની પોલીસ ચોકીમાં જ, દુષ્કર્મ આચર્યાનો વિડીયો બનાવીને, સોશ્યલ મીડિયામાં વહેતો કર્યો
ઉતરપ્રદેશના હાથરસમાં બનેલ ગેંગરેપની ઘટના વચ્ચે મોરબીના હળવદમાંથી દુષ્કર્મનો શરમજનક કિસ્સો સામે આવ્યો છે. ગુજરાતમાં કાયદાનો ભય રાખ્યા વીના અધમ કૃત્ય કરનારે પોલીસ ચોકીમાં જ દુષ્કર્મનો વીડિયો બનાવીને, સોશ્યલ મીડિયામાં વહેતો કર્યો. માનવતાને શરમમાં મૂકતા આ કિસ્સા અંગે મોરબી પોલીસે ફરિયાદ નોંધવા દોડાદોડી કરી છે. હળવદ-મોરબી ચોકડી પર ટ્રાફિક પોલીસ દ્વારા ઉભી કરવામાં આવેલ ચોકીમાં […]
ઉતરપ્રદેશના હાથરસમાં બનેલ ગેંગરેપની ઘટના વચ્ચે મોરબીના હળવદમાંથી દુષ્કર્મનો શરમજનક કિસ્સો સામે આવ્યો છે. ગુજરાતમાં કાયદાનો ભય રાખ્યા વીના અધમ કૃત્ય કરનારે પોલીસ ચોકીમાં જ દુષ્કર્મનો વીડિયો બનાવીને, સોશ્યલ મીડિયામાં વહેતો કર્યો. માનવતાને શરમમાં મૂકતા આ કિસ્સા અંગે મોરબી પોલીસે ફરિયાદ નોંધવા દોડાદોડી કરી છે. હળવદ-મોરબી ચોકડી પર ટ્રાફિક પોલીસ દ્વારા ઉભી કરવામાં આવેલ ચોકીમાં એક અસ્થિર મગજની મહિલા સાથે, એક શખ્સ દુષ્કર્મ કરતો હોઈ તેવો વિડીઓ વાયરલ થયો છે.
સોશ્યલ મીડિયામાં વિડીઓ વાયરલ થતા, ટ્રાફિક પોલીસ માટે બનાવવામાં આવેલ ચોકી, તાત્કાલિક ત્યાંથી હટાવી દેવામાં આવી હતી. પ્રથમ હળવદ પોલીસે સોશ્યલ મીડિયામાં વાયરલ થયેલા વિડીઓ અંગે સ્ટેશન ડાયરીમાં નોધ કરી વાયરલ વિડીઓની તપાસ હાથ ધરી ભોગ બનનાર મહિલાના ભાઈની ફરિયાદ નોધવાની પોલીસે તજવીજ હાથ ધરી છે. અસ્થિર મગજની મહિલાની બાજુમાં તેનો નાના દીકરો બેઠેલો છે, ત્યારે તેની સાથે દુષ્કર્મ આચરવામાં આવતું હોઈ તેવું વિડીયોમાં સ્પષ્ટ દેખાય છે. ઘટના કેટલા સમય પહેલાની છે એ હજી સુધી જાણવા નથી મળ્યું, પરંતુ સોશ્યલ મીડિયામાં ફરતો વિડીયો પોલીસની નજરમાં આવતા જ પોલીસે તાત્કાલિક ટ્રાફિક પોલીસ માટે બનાવેલી ચોકી હટાવી લીધી હતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો