ટેકાના ભાવે મગફળી વેચવા માટે જરૂરી નોંધણીમાં પારાવાર મુશ્કેલી, સમસ્યાનો તાકીદે ઉકેલ લાવવા ખેડૂતોની માંગ

ટેકાના ભાવે મગફળી વેચવા માંગતા ખેડૂતોને, તેના માટે નોંધણી કરાવવી એ લોઢાના ચણા ચાવવા જેવી લાગે છે. ગ્રામ્ય વિસ્તારોમાં નોંધણી કરાવવા માટે શરૂ કરાયેવા કેન્દ્રોમાં ઈન્ટરનેટની સેવા ખોરવાતા સમગ્ર પ્રક્રિયા જ ખોરવાઈ જાય છે. આધારકાર્ડમાં રહેલી નાની ભૂલ પણ, મગફળી વેચવા માંગતા ખેડૂતોને પહાડ જેવી લાગે છે. કારણ કે ભૂલવાળા આધારકાર્ડ અને નોંધણી માટેનું ફોર્મ […]

Bipin Prajapati | Updated on: Oct 04, 2020 | 3:00 PM

ટેકાના ભાવે મગફળી વેચવા માંગતા ખેડૂતોને, તેના માટે નોંધણી કરાવવી એ લોઢાના ચણા ચાવવા જેવી લાગે છે. ગ્રામ્ય વિસ્તારોમાં નોંધણી કરાવવા માટે શરૂ કરાયેવા કેન્દ્રોમાં ઈન્ટરનેટની સેવા ખોરવાતા સમગ્ર પ્રક્રિયા જ ખોરવાઈ જાય છે. આધારકાર્ડમાં રહેલી નાની ભૂલ પણ, મગફળી વેચવા માંગતા ખેડૂતોને પહાડ જેવી લાગે છે. કારણ કે ભૂલવાળા આધારકાર્ડ અને નોંધણી માટેનું ફોર્મ એક બીજાને સપોર્ટ નથી કરતુ. જેના કારણે નોંધણી કેન્દ્ર ઉપર કર્મચારી અને ખેડૂતોને માથાકુટ થવી એ રોજનું થઈ ગયુ છે.

સૌથી મહત્વની વાત તો, નોંધણી માટે જરૂરી જે તે ખેડૂતની જન્મતારીખ માંગવામાં આવે છે. પરંતુ ગ્રામ્ય વિસ્તારમાં મોટી ઉમરના ખેડૂતોને જન્મતારીખને લઈને સમસ્યા સર્જાય છે. ખેડૂતોની માંગણી છે કે, નાની નાની બાબતોની વિગતોનો આગ્રહ ના રાખવો જોઈએ. સરકારે નક્કી કરેલ ધારાધોરણનો કોઈ ગેરલાભ ના લેવાય તેની જ ચોકસાઈ રાખવી જોઈએ.