પુલવામામાં જૈશ-એ-મોહમ્મદના બે સહયોગીઓની કરાઈ ધરપકડ, આતંકવાદીઓને શસ્ત્રો અને રહેઠાણ આપવામાં કરતા હતા મદદ

પુલવામામાં જૈશ-એ-મોહમ્મદના બે સહયોગીઓની કરાઈ ધરપકડ, આતંકવાદીઓને શસ્ત્રો અને રહેઠાણ આપવામાં કરતા હતા મદદ
ફાઈલ ફોટો

જમ્મુ-કાશ્મીરના પુલવામામાં પોલીસે આતંકવાદી સંગઠન જૈશ-એ-મોહમ્મદ (JeM)ના સહયોગીઓની ધરપકડ કરી છે.

TV9 GUJARATI

| Edited By: Jayraj Vala

Dec 27, 2021 | 6:42 PM

જમ્મુ-કાશ્મીરના પુલવામામાં પોલીસે આતંકવાદી સંગઠન જૈશ-એ-મોહમ્મદ (JeM)ના સહયોગીઓની ધરપકડ કરી છે. અધિકારીઓએ જણાવ્યું કે, ગુપ્ત માહિતી મળતાં પુલવામા પોલીસે 44 આરઆર અને સેન્ટ્રલ રિઝર્વ પોલીસ ફોર્સ (CRPF)ની 182 બટાલિયન સાથે મળીને આ ધરપકડ કરી હતી. પોલીસના જણાવ્યા અનુસાર ધરપકડ કરાયેલા સહયોગીઓ પુલવામામાં જૈશના આતંકવાદીઓને રહેવાની અને અન્ય સુવિધાઓ પૂરી પાડતા હતા અને તેમને હથિયારોની સપ્લાય કરવામાં પણ મદદ કરતા હતા.

પોલીસે જણાવ્યું કે, ધરપકડ કરાયેલા આતંકવાદી સહયોગીઓની ઓળખ આદિલ અલી અને આસિફ ગુલઝાર તરીકે થઈ છે. તેણે કહ્યું કે, તે બંને જૈશના કમાન્ડરોના સંપર્કમાં હતા અને વિસ્તારમાં તેમનું નેટવર્ક મજબૂત કરવામાં મદદ કરી રહ્યા હતા. બંને પાસેથી હથિયારો પણ મળી આવ્યા છે. પોલીસના જણાવ્યા અનુસાર, બંને વિરુદ્ધ સંબંધિત કલમો હેઠળ કેસ નોંધવામાં આવ્યો છે અને તપાસ શરૂ કરવામાં આવી છે.

ગયા સોમવારે પણ સુરક્ષા દળોએ પુલવામા જિલ્લામાંથી જ જૈશ-એ-મોહમ્મદના સભ્યોના બે સહયોગીની ધરપકડ કરી હતી. પોલીસે જણાવ્યું હતું કે ધરપકડ કરાયેલા લોકોની ઓળખ ઉમર રમઝાન અને જાવેદ અહેમદ મલ્લા તરીકે થઈ છે. પોલીસના જણાવ્યા અનુસાર, “તેમની પાસેથી દારૂગોળો સહિતની શંકાસ્પદ સામગ્રી મળી આવી હતી. પ્રારંભિક તપાસમાં જાણવા મળ્યું છે કે આતંકવાદીઓના ધરપકડ કરાયેલા સહયોગીઓ જૈશ-એ-મોહમ્મદના કમાન્ડરના સંપર્કમાં હતા અને તેઓ શસ્ત્રો અને દારૂગોળો સપ્લાય કરતા હતા.

પુલવામામાં આતંકવાદીઓએ પોલીસ ટીમ પર ગ્રેનેડ ફેંક્યો

દક્ષિણ કાશ્મીરના પુલવામા જિલ્લામાં રવિવારે આતંકવાદીઓએ પોલીસ પાર્ટી પર ગ્રેનેડ ફેંક્યો હતો, જેમાં બે પોલીસકર્મીઓ ઘાયલ થયા હતા. અધિકારીઓએ જણાવ્યું હતું કે હુમલો પુલવામાના મુખ્ય ચોકમાં થયો હતો. તેમણે કહ્યું કે વિસ્ફોટમાં બે પોલીસકર્મી ઘાયલ થયા છે, જેમને હોસ્પિટલમાં દાખલ કરવામાં આવ્યા છે.

આ પણ વાંચો: નવા વર્ષમાં બમ્પર નોકરીઓ આવશે, પરંતુ કોરોનાનું નવું સ્વરૂપ ચિંતા વધારી શકે છે

આ પણ વાંચો: AIIMS Recruitment 2021: AIIMS ગોરખપુરમાં પ્રોફેસરની જગ્યાઓ માટે ભરતી, આ રીતે કરો અરજી

Follow us on

Related Stories

Most Read Stories

Click on your DTH Provider to Add TV9 Gujarati