વડાપ્રધાન ઓફિસે ‘ફોની’ વાવાઝોડાને લઈને 2 વખત ફોન કર્યો પણ મમતા બેનર્જીએ કોઈ જ વાત ન કરી!

વડાપ્રધાન નરેન્દ્ર મોદીએ ‘ફોની’ વાવાઝોડા સંબંધિત ચર્ચા કરવા માટે પશ્ચિમ બંગાળના મુખ્યમંત્રી મમતા બેનર્જીનો સંપર્ક કરવાનો પ્રયત્નો કર્યો હતો પણ તેમની વાત થઈ શકી નહી.

કારણ કે મુખ્યમંત્રી મમતા બેનર્જી તરફથી કોઈ જવાબ આવ્યો નહતો. સરકારના એક અધિકારીએ જણાવ્યું કે વડાપ્રધાન નરેન્દ્ર મોદીએ ત્યારબાદ પશ્ચિમ બંગાળના રાજ્યપાલ કેશરીનાથ ત્રિપાઠી સાથે વાત કરી હતી.

અધિકારીએ જણાવ્યું કે વડાપ્રધાનના સ્ટાફે 2 વાર વડાપ્રધાન નરેન્દ્ર મોદીની વાતચીત મુખ્યમંત્રી સાથે કરાવવા પ્રયત્ન કર્યો. બંને વખતે સ્ટાફે કહ્યું કે મુખ્યમંત્રી તરફથી ફોન કરવામાં આવશે.

આ પણ વાંચો: ટ્રેન મોડી પડતા 500 જેટલા વિદ્યાર્થીઓ ના આપી શકયા NEETની પરીક્ષા

આ નિવેદન એ સમયે આવ્યું છે કે જ્યારે તૃણમૂલ કોંગ્રેસે વડાપ્રધાન મોદી પર મુખ્યમંત્રી સાથે વાવાઝોડાની વચ્ચે રાજ્યની સ્થિતી વિશેની જાણકારી નહી લેવાને લીધે હુમલો કર્યો. વડાપ્રધાને રાજ્યપાલ સાથે થયેલી વાતચીતને લઈને ટ્વિટ કર્યુ હતુ. આ રીતે વડાપ્રધાને 2 વાર મુખ્યમંત્રી મમતા બેનર્જી સાથે વાત કરવાનો પ્રયત્ન કર્યો હતો પણ તેમની વાત થઈ શકી નહતી તેવુ સુત્રો દ્વારા જાણવા મળ્યું છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]