ધારાસભ્યની હત્યા કરવા માફિયા મુખ્તારે સેનામાંથી ચોરાયેલી LMG ખરીદવાની કરી હતી ડીલ, હલી ગઈ હતી આખી સરકાર
બાંદા જેલમાં મુખ્તાર અંસારીની તબિયત અચાનક બગડી હતી, ત્યારબાદ તેમને સારવાર માટે મેડિકલ કોલેજ લઈ જવામાં આવ્યા હતા. અહીં સારવાર બાદ તબીબોએ તેને મૃત જાહેર કર્યો હતો. મુખ્તાર અંસારીના મોત બાદ રાજ્યભરની પોલીસ એલર્ટ મોડમાં આવી ગઈ છે. ગેંગસ્ટર મુખ્તાર અંસારી વિરુદ્ધ લગભગ 65 કેસ નોંધાયેલા છે.
એક સમયના ઉત્તર પ્રદેશના મોટા માફિયા મુખ્તાર અંસારીનું ગુરુવારે કાર્ડિયાક અરેસ્ટ આવતા મોત થયુ છે. બાંદા જેલમાં તેમની તબિયત અચાનક બગડી હતી, ત્યારબાદ તેમને સારવાર માટે મેડિકલ કોલેજ લઈ જવામાં આવ્યા હતા. અહીં લગભગ 1 કલાકની સારવાર બાદ ડોક્ટરોએ તેને મૃત જાહેર કર્યો હતો. મુખ્તાર અંસારીના મોત બાદ રાજ્યભરની પોલીસ એલર્ટ મોડમાં આવી ગઈ છે. ગેંગસ્ટર મુખ્તાર અંસારી વિરુદ્ધ 61 કેસ નોંધાયેલા છે. જેમાં હત્યા, હત્યાનો પ્રયાસ, અપહરણ, છેતરપિંડી, ગુંડા એક્ટ, આર્મ્સ એક્ટ, ગેંગસ્ટર એક્ટ, CLA એક્ટ અને NSAનો સમાવેશ થાય છે. જેમાંથી 8 કેસમાં તેને દોષિત ઠેરવવામાં આવ્યો હતો.
મુખ્તારને અનેક કેસમાં દોષિત ઠેરવવામાં આવ્યો હતો. જેના કારણે તે વર્ષો સુધી જેલમાં રહ્યો હતો. મુખ્તારનું નામ આવા જ એક કેસમાં છે, જેણે મુલાયમ સરકારને પણ હચમચાવી દીધી હતી. તેના પ્રભાવને કારણે તેમણે તેમના સમયના બહુચર્ચિત કેસમાં તત્કાલીન મુખ્યમંત્રી મુલાયમસિંહ પર એવું દબાણ કર્યું હતું કે સરકારે જ કેસ રદ કરી દીધો હતો. આટલું જ નહીં, જે પોલીસ અધિકારીએ મુખ્તાર પર એલએમજી ડીલ કરવાનો આરોપ લગાવ્યો હતો તેને વિભાગ છોડી દેવા મજબુર કર્યો હતો.
કેસ વર્ષ 2004નો છે. પૂર્વ ડીએસપી શૈલેન્દ્ર સિંહ વારાણસીમાં એસટીએફ ચીફ હતા. માફિયા મુખ્તાર અંસારી અને બીજેપી નેતા કૃષ્ણાનંદ રાય વચ્ચે ચાલી રહેલા ગેંગ વોર પર નજર રાખવા માટે તેને ત્યાં મોકલવામાં આવ્યો હતો. આ અંગે શૈલેન્દ્ર સિંહે એક ઈન્ટરવ્યુમાં કહ્યું હતું કે, “STFને મુખ્તાર અંસારી અને કૃષ્ણાનંદ રાય પર નજર રાખવાની જવાબદારી આપવામાં આવી હતી. તે બંને પૂર્વાંચલથી આવ્યા હતા, પરંતુ બંને એકબીજાના કટ્ટર દુશ્મન હતા અને હું પણ પૂર્વાંચલ ચંદૌલીનો રહેવાસી હોવાથી મને બંને પર નજર રાખવા માટે ત્યાં મોકલવામાં આવ્યો હતો”.
મુખ્તારે ધારાસભ્યની હત્યાનું ઘડ્યુ હતુ કાવતરુ
2002માં કૃષ્ણાનંદ રાય પાંચ વખતના ધારાસભ્ય મુખ્તાર અંસારીને હરાવીને ધારાસભ્ય બન્યા હતા. આ હાર તેનાથી સહન થતી ન હતી. તે ધારાસભ્યની હત્યા કરી તેને રસ્તામાંથી હટાવવા માગતા હતા. આ જ કારણથી બંને વચ્ચે અવારનવાર ગેંગ વોર થતી હતી. તેમના પર નજર રાખવા માટે શૈલેન્દ્ર સિંહે તેમના ફોન ટેપ કરવાનું શરૂ કર્યું. એક દિવસ મુખ્તાર અંસારીની ફોન પર વાતચીત સાંભળીને તે સ્તબ્ધ થઈ ગયો. માફિયા કોઈની સાથે LMG એટલે કે લાઇટ મશીનગન ખરીદવાની વાત કરી રહ્યા હતા. તે તેને કહેતો હતો કે તેને કોઈપણ કિંમતે એલએમજી જોઈએ છે. તે આનાથી કૃષ્ણાનંદ રાયને મારી નાખવા માંગતો હતો.
2004માં 1 કરોડ રૂપિયામાં LMG ખરીદવાનો કરી ડીલ
જાન્યુઆરી 2004માં જ મુખ્તારે કૃષ્ણાનંદ રાયને મારવા માટે આર્મીની એક લાઇટ મશીન ગન ખરીદવાની યોજના બનાવી હતી અને આ માટે તેણે 2004માં આર્મીના એક ભાગેડુ પાસેથી ચોરાયેલી લાઇટ મશીનગન ખરીદવાનો સોદો પણ કર્યો હતો. ફોન ટેપિંગ દરમિયાન જાણવા મળ્યું કે બાબુલાલ મુખ્તારને કહી રહ્યો હતો કે તેની પાસે સેનામાંથી ચોરાયેલી લાઈટ મશીનગન છે જે રાષ્ટ્રીય રાઈફલ્સમાંથી ચોરાઈ હતી અને તે તેની પાસેથી પાછી લાવ્યો હતો અને લગભગ 1 કરોડ રૂપિયામાં સોદો ફાઇનલ થયો હતો.
મુલાયમ સિંહે કેસ રદ્દ કરાવ્યો હતો
મુખ્તાર અંસારીના ફોન રેકોર્ડિંગ અને એલએમજી રિકવરીએ પોલીસ ટીમનું મનોબળ વધાર્યું હતું. બધાને લાગ્યું કે તેના દિવસો પૂરા થઈ ગયા છે. કારણ કે આવા ગંભીર ગુના માટે તેને સખત સજા થવાની ખાતરી હતી. પોલીસે આર્મ્સ એક્ટની સાથે પોટા પણ લગાવ્યો હતો પરંતુ ત્યાં સુધીમાં મુખ્તાર અંસારીને આ વાતની જાણ થઈ ગઈ હતી. તે સમયે તેઓ શક્તિશાળી નેતા હતા એટલું જ નહીં, સરકાર પણ તેમના વિના ચાલી શકતી ન હતી. તેમણે બહુજન સમાજ પાર્ટીને તોડીને સમાજવાદી પાર્ટીની સરકાર બનાવી. મુલાયમ સિંહ યાદવ મુખ્યમંત્રી હતા. આવી સ્થિતિમાં તેમણે મુલાયમ સાથે વાત કરી એ કેસ જ રદ્દ કરાવી દીધો.
DSP શૈલેન્દ્ર સિંહ પર વધાર્યુ દબાણ
ત્યાં સુધી કે રાતોરાત આઈજી બનારસ, ડીઆઈજી, એસપી સહિતના એક ડઝન વરિષ્ઠ અધિકારીઓની રાતોરાત બદલી કરી દેવામાં આવી હતી. વારાણસીમાં હાજર STF યુનિટને લખનૌ પાછા બોલાવવામાં આવ્યા હતા. આ કેસને ખતમ કરવા માટે ડીએસપી શૈલેન્દ્ર સિંહ પર દબાણ લાવવામાં આવ્યું. પરંતુ તેની સાથે સમસ્યા એ હતી કે તેણે કેસ દાખલ કર્યો હતો. હવે તે તેને કેવી રીતે પરત ખેંચે? આ પછી તેને અલગ-અલગ રીતે ટોર્ચર કરવામાં આવ્યો હતો. અધિકારીઓ કહેતા હતા કે મુખ્યમંત્રી મુલાયમ સિંહ યાદવ તેમનાથી ખૂબ નારાજ છે. તેમણે કહ્યું કે તેઓ પોતે મુખ્યમંત્રીને મળીને તેમના વિચારો રજૂ કરવા માંગે છે. પરંતુ તેમને મળવા દેવાયા ન હતા.
દબાણમાં આવી આઈપીએસને આપવું પડ્યું રાજીનામું
આખરે, ભારે દબાણ હેઠળ, શૈલેન્દ્ર સિંહે તેમના પદ પરથી રાજીનામું આપ્યું. આ પછી તેની સામે અનેક ખોટા કેસ કરવામાં આવ્યા હતા. વિભાગીય તપાસ ગોઠવવામાં આવી હતી. તેની ધરપકડ કરીને જેલમાં મોકલી દેવામાં આવ્યો હતો. તેમની ટીમના નિરીક્ષક અજય ચતુર્વેદી સામે પણ તપાસ હાથ ધરવામાં આવી હતી, જે તેમની નિવૃત્તિ પછી પણ ચાલુ રહી હતી. એટલે સુધી કે 17 વર્ષ સુધી તેને રીતસરનો ત્રાસ આપવામાં આવ્યો. વચ્ચે અનેકવાર સરકાર બદલાઈ પણ તેમની હાલત એવી જ રહી. પરંતુ યોગી સરકાર આવ્યા બાદ 6 માર્ચ 2021ના રોજ કોર્ટના આદેશ બાદ શૈલેન્દ્ર સિંહ વિરુદ્ધ નોંધાયેલા તમામ કેસ પાછા ખેંચી લેવામાં આવ્યા હતા.
