Bihar Election: નીતિશ કુમાર નરેન્દ્ર મોદીના આ મોટા રેકોર્ડને પાછળ છોડી દેશે,જો તે આ ચૂંટણી જીતશે, તો તેમને “Longest Serving CM in India” નું ખિતાબ મળવાની શક્યતા

ભારતનું ત્રીજું સૌથી વધુ વસ્તી ધરાવતું રાજ્ય બિહાર, તેની રાજકીય અસ્થિરતા, બદલાતા જોડાણો અને લાંબા સમયથી ચાલતા સામાજિક-આર્થિક મુદ્દાઓ માટે જાણીતું છે. અહીં રાજકારણ હંમેશા દેશભરમાં ચર્ચાનો વિષય રહે છે, અને મુખ્યમંત્રીનું પદ ઘણીવાર સૌથી વધુ રાષ્ટ્રીય ધ્યાન ખેંચે છે.  રાજકારણમાં જાતિ સમીકરણો, ગઠબંધન રાજકારણ અને નેતૃત્વમાં વારંવાર થતા ફેરફારો રાજ્યને ભારતીય રાજકારણનું મુખ્ય કેન્દ્ર બનાવે છે.

સૌથી લાંબો કાર્યકાળ ધરાવતા કેટલાક ભારતીય મુખ્યમંત્રીઓમાં સિક્કિમના પવન કુમાર ચામલિંગનો સમાવેશ થાય છે, જેમણે 24 વર્ષ અને 165 દિવસ મુખ્યમંત્રી તરીકે સેવા આપી હતી, અને ઓડિશાના નવીન પટનાયકનો સમાવેશ થાય છે, જેમણે 24 વર્ષ અને 99 દિવસ મુખ્યમંત્રી તરીકે સેવા આપી હતી. ચાલો જાણીએ કે અન્ય કયા મુખ્યમંત્રીઓએ સૌથી લાંબો કાર્યકાળ સંભાળ્યો છે. આ બાબતમાં નીતિશ કુમારે નરેન્દ્ર મોદીને પણ પાછળ છોડી દીધા છે. મોદીએ 12 વર્ષ અને 227 દિવસ સુધી ગુજરાતના મુખ્યમંત્રી પદ સંભાળ્યું હતું, જ્યારે નીતિશ કુમારે તાજેતરમાં 19 વર્ષ અને 87 દિવસ (હાલ) બિહારના મુખ્યમંત્રી પદ સંભાળ્યું છે.

સૌથી લાંબો કાર્યકાળ ધરાવતા ભારતીય મુખ્યમંત્રીઓની યાદી નીચે મુજબ છે

બિહારમાં સૌથી વધુ ચર્ચિત અને લોકપ્રિય નેતા રહેલા નીતિશ કુમારને હંમેશા રાજકારણમાં ગેમ ચેન્જર માનવામાં આવે છે. બિહારના 22મા મુખ્યમંત્રી છે

બિહારના રાજકારણમાં નીતિશ કુમાર તેમની સ્થિરતા, રણનીતિ અને સત્તામાં રહેવાની ક્ષમતા માટે જાણીતા છે. 2024 માં નવમી વખત મુખ્યમંત્રી તરીકે શપથ લઈને તેમણે એક અનોખો રેકોર્ડ બનાવ્યો છે. દેશના અન્ય કોઈ નેતાએ આટલી વાર મુખ્યમંત્રી પદ સંભાળ્યું હોય તેવું ભાગ્યે જ બન્યું હશે. ચાલો તેમની સમગ્ર રાજકીય સફર અને તેમના તમામ કાર્યકાળ પર એક નજર કરીએ.

મુખ્યમંત્રીના વર્ષો અને કાર્યકાળ: 19 વર્ષ, 76 દિવસ (હાલમાં 2025)

• પહેલો કાર્યકાળ: 3 માર્ચ, 2000 – 10 માર્ચ, 2000 (આશરે 7 દિવસ)
• બીજો કાર્યકાળ: 24 નવેમ્બર, 2005 – 24 નવેમ્બર, 2010
• ત્રીજો કાર્યકાળ: 26 નવેમ્બર, 2010 – 17 મે, 2014
• ચોથો કાર્યકાળ: 22 ફેબ્રુઆરી, 2015 – 19 નવેમ્બર, 2015
• પાંચમો કાર્યકાળ: 20 નવેમ્બર, 2015 – 26 જુલાઈ, 2017
• 6ઠ્ઠો કાર્યકાળ: 27 જુલાઈ, 2017 – નવેમ્બર, 2020
• 7મો કાર્યકાળ: 2020 – 2022
• 8મો કાર્યકાળ: ઓગસ્ટ 2022 – 28 જાન્યુઆરી, 2024
• 9મો કાર્યકાળ: 28 જાન્યુઆરી , 2024 થી અત્યાર સુધી (2025 હાલમાં)

નીતિશની અનોખી શૈલી રાજકીય “યુ-ટર્ન” માટે પણ જાણીતા છે.

તેમણે વારંવાર પાર્ટી બદલી છે, ક્યારેક NDA ક્યારેક મહાગઠબંધન પછી NDAમાં પાછા ફર્યા,

આ ફેરફારો છતાં, તેઓ સતત સત્તામાં રહ્યા છે, જે તેમની વ્યૂહાત્મક ક્ષમતાને પ્રતિબિંબિત કરે છે.

વિધાનસભા ચૂંટણીઓમાં ઓછી ભાગીદારી હોવા છતા રસપ્રદ વાત એ છે કે, નીતિશ કુમારે છેલ્લા ઘણા વર્ષોમાં ખૂબ ઓછી વિધાનસભા ચૂંટણીઓ લડી હોવા છતા તેઓ CM બને છે. તેઓ ઘણીવાર વિધાન પરિષદ (MLC) માર્ગે મુખ્યમંત્રી બન્યા હતા.

નીતિશ કુમારની રાજકીય સફર કોઈ સામાન્ય નથી – તે રણનીતિ, શક્તિ સંતુલન અને સતત બદલાતા જોડાણોનું એક અનોખું મિશ્રણ છે. નવ વખત મુખ્યમંત્રી બનવા અને 18 વર્ષથી વધુ સમય સુધી બિહાર પર શાસન કરવાથી તેઓ આધુનિક ભારતીય રાજકારણમાં એક મહત્વપૂર્ણ વ્યક્તિ બને છે.