Jammu Kashmir: શ્રીનગરમાં આતંકીઓએ પોલીસકર્મીની ગોળી મારીને કરી હત્યા, સુરક્ષાદળોએ શરૂ કર્યુ સર્ચ ઓપરેશન
રાત્રે લગભગ 8 વાગ્યે આતંકવાદીઓએ જમ્મૂ કાશ્મીર પોલીસના કોન્સ્ટેબલ તૌસિફ અહમદ પર બટમાલુ સ્થિત એસડી કોલોનીમાં તેમના ઘરની પાસે ગોળીઓ ચલાવી.
જમ્મૂ કાશ્મીર (Jammu Kashmir)ના શ્રીનગર (Srinagar)માં રવિવારે સાંજે આતંકવાદીઓએ એક 29 વર્ષના પોલીસકર્મીની ગોળી મારીને હત્યા કરી દીધી છે. પોલીસ સુત્રોએ જણાવ્યું કે આ ઘટના શ્રીનગરના બટમાલુ વિસ્તારની છે. અધિકારીઓએ જણાવ્યું કે વિસ્તારને કોર્ડન કરી દેવામાં આવ્યો છે અને હુમલાખોરોને પકડવા માટે શોધખોળ ચાલુ છે. પોલીસ કોન્સ્ટેબલની ઓળખ તૌસીફ અહેમદ તરીકે થઈ છે.
તેમને જણાવ્યું રાત્રે લગભગ 8 વાગ્યે આતંકવાદીઓએ જમ્મૂ કાશ્મીર પોલીસના કોન્સ્ટેબલ તૌસિફ અહમદ (Toussaif Ahmed) પર બટમાલુ સ્થિત એસડી કોલોનીમાં તેમના ઘરની પાસે ગોળીઓ ચલાવી. તેમને જણાવ્યું કે પોલીસકર્મી ગંભીર રીતે ઘાયલ થઈ ગયો હતો અને તેની સારવાર માટે એસએમએચએસ હોસ્પિટલમાં દાખલ કરવામાં આવ્યા, જ્યાં ડોક્ટરોએ તેમને મૃત જાહેર કર્યા હતા.
Unequivocally condemn the cowardly & dastardly attack on 29 year old policeman in Batmaloo, Srinagar in which he lost his life. No words of condemnation would be enough! May Allah grant him a place in Jannat. Our hearts go out to his family and friends at this time of grief.
— JKNC (@JKNC_) November 7, 2021
તેની વચ્ચે નેશનલ કોન્ફરન્સે હુમલાની નિંદા કરીએ છે. પાર્ટીએ ટ્વીટ કર્યુ. શ્રીનગરના બટમાલૂમાં 29 વર્ષીય પોલીસકર્મી પરના કાયરતાપૂર્ણ હુમલાની સ્પષ્ટ નિંદા કરીએ છીએ, જેમાં તેણે પોતાનો જીવ ગુમાવ્યો. નિંદા માટે શબ્દ પર્યાપ્ત નથી. દુ:ખના આ સમયમાં અમારી સંવેદનાઓ તેમના પરીવાર અને મિત્રોની સાથે છે.
આ પહેલા રવિવારે શોપિયાં જિલ્લામાં એક હોસ્પિટલમાંથી ‘ધ રેસિસ્ટેન્સ ફ્રન્ટ’ના એક આતંકવાદીની ધરપકડ કરવામાં આવી. એક પોલીસ અધિકારીએ જણાવ્યું કે પોલીસને જાણકારી મળી હતી કે ટીઆરએફનો એક સક્રિય આતંકવાદી જિલ્લા હોસ્પિટલમાં સારવાર કરાવી રહ્યો છે. આતંકવાદીની ઓળખ શોપિયાંના હરમેન વિસ્તારમાં રહેનારા અહમદ લોન તરીકે કરવામાં આવી છે. અધિકારીએ જણાવ્યું કે તેમની અટકાયત કરવામાં આવી હતી અને ગંભીર હાલતમાં શ્રીનગરની SMHS હોસ્પિટલમાં દાખલ કરવામાં આવ્યો હતો. તેમણે કહ્યું કે આતંકીની ગરદન પર ગોળીનો ઘા છે. પોલીસ તેની ઈજાઓ પાછળના કારણની તપાસ કરી રહી છે.
આ પણ વાંચો: Iran Nuclear Deal: ઈરાને શરૂ કર્યો યુદ્ધ અભ્યાસ, પશ્ચિમી દેશો સાથે થોડા સમય બાદ શરૂ થશે ‘પરમાણુ’ વાર્તા
આ પણ વાંચો: કેટરીના કૈફ-વિક્કી કૌશલની દિવાળીના દિવસે થઈ ગઈ છે સગાઈ? ‘એક થા ટાઈગર’ના દિગ્દર્શકે હોસ્ટ કરી હતી સેરેમની