ભારતના 10 રાજ્યોમાં હિંદુ લઘુમતીમાં ! કેન્દ્ર સરકારે સુપ્રીમ કોર્ટને કહ્યું- અમે તપાસ કરી રહ્યાં છીએ
લઘુમતી બાબતોના મંત્રાલયના જણાવ્યા અનુસાર, બાકીની છ રાજ્ય સરકારો અને કેન્દ્રશાસિત પ્રદેશો - અરુણાચલ પ્રદેશ, જમ્મુ અને કાશ્મીર, ઝારખંડ, લક્ષદ્વીપ, રાજસ્થાન અને તેલંગાણા - હજુ સુધી તેમના મંતવ્યો રજૂ કરવાના છે.
કેન્દ્ર સરકારે સુપ્રીમ કોર્ટને જણાવ્યું છે કે તેણે રાજ્ય સ્તરે લઘુમતીઓની ઓળખ અંગે તમામ રાજ્ય સરકારો, કેન્દ્રશાસિત પ્રદેશો અને અન્ય હિતધારકો સાથે બેઠકો કરી છે, અત્યાર સુધીમાં 24 રાજ્યો અને છ કેન્દ્રશાસિત પ્રદેશોએ તેમના મંતવ્યો રજૂ કર્યા છે. લઘુમતી બાબતોના મંત્રાલયે સર્વોચ્ચ અદાલતને જણાવ્યું હતું કે, તેણે રાજ્ય સરકારો અને કેન્દ્રશાસિત પ્રદેશો ઉપરાંત, ગૃહ મંત્રાલય, કાયદા અને ન્યાય મંત્રાલય, શિક્ષણ મંત્રાલય, રાષ્ટ્રીય લઘુમતી આયોગ અને લઘુમતી શૈક્ષણિક સંસ્થાઓ માટે રાષ્ટ્રીય આયોગ સહિત અન્ય હિતધારકો સાથે પરામર્શ કર્યો છે.
મંત્રાલયે જણાવ્યું કે, 24 રાજ્યો- આંધ્ર પ્રદેશ, આસામ, બિહાર, છત્તીસગઢ, કર્ણાટક, કેરળ, મધ્ય પ્રદેશ, મહારાષ્ટ્ર, પંજાબ, મેઘાલય, મિઝોરમ, મણિપુર, ઓડિશા, સિક્કિમ, ઉત્તરાખંડ, નાગાલેન્ડ, હિમાચલ પ્રદેશ, હરિયાણા, ગુજરાત, ગોવા, પશ્ચિમ બંગાળ, ત્રિપુરા, ઉત્તર પ્રદેશ, તમિલનાડુ અને છ કેન્દ્રશાસિત પ્રદેશો લદ્દાખ, દાદરા અને નગર હવેલી અને દમણ અને દીવ, ચંદીગઢ, રાષ્ટ્રીય રાજધાની પ્રદેશ દિલ્લી, આંદામાન અને નિકોબાર અને પુડુચેરીની સરકારોએ તેમની ટિપ્પણીઓ તેમજ મંતવ્યો રજૂ કર્યા છે.
આ રાજ્યોએ હજુ તેમનો રિપોર્ટ મોકલ્યો નથી
લઘુમતી બાબતોના મંત્રાલયના જણાવ્યા મુજબ, બાકીની છ રાજ્ય સરકારો અને કેન્દ્રશાસિત પ્રદેશો – અરુણાચલ પ્રદેશ, જમ્મુ અને કાશ્મીર, ઝારખંડ, લક્ષદ્વીપ, રાજસ્થાન અને તેલંગાણાએ હજુ સુધી તેમની ટિપ્પણીઓ કે મંતવ્યો સબમિટ કરવાના બાકી છે. મંત્રાલયે કહ્યું કે, આ મામલે 21 ડિસેમ્બર, 2022ના રોજ છેલ્લો રિમાઇન્ડર લેટર છ રાજ્યો અને કેન્દ્ર શાસિત પ્રદેશોને મોકલવામાં આવ્યો હતો.
10 રાજ્યોમાં હિન્દુઓ લઘુમતીમાં
લઘુમતી બાબતોના મંત્રાલયે એક એફિડેવિટ કરીને આ માહિતી આપી છે. એફિડેવિટમાં જણાવાયું છે કે કેટલાક રાજ્યો અને કેન્દ્રશાસિત પ્રદેશોએ આ મુદ્દા પર તેમનો અભિપ્રાય રચતા પહેલા હિતધારકો સાથે વ્યાપક પરામર્શ કરવા માટે વધારાના સમયની વિનંતી કરી છે. એડવોકેટ અશ્વિની કુમાર ઉપાધ્યાય દ્વારા દાખલ કરાયેલી એક અરજી સહિત કેટલીક અરજીઓના જવાબમાં એફિડેવિટ દાખલ કરવામાં આવી છે. ઉપાધ્યાયની અરજીમાં રાજ્ય સ્તરે લઘુમતીઓની ઓળખ માટે માર્ગદર્શિકા તૈયાર કરવાના નિર્દેશોની માંગ કરવામાં આવી હતી. અરજીમાં કહેવામાં આવ્યું છે કે 10 રાજ્યોમાં હિંદુઓ લઘુમતીમાં છે.
Latest News Updates
