G7 Digital and Tech Ministers Meeting: અશ્વિની વૈષ્ણવે કહ્યું ‘ભારત ટેકનોલોજી પાવરહાઉસ તરીકે ઉભરી રહ્યું છે’
બેઠકમાં ઉભરતી અને વિક્ષેપકારક તકનીકો, ડેટા ફ્લો અને ડિજિટલ ઈન્ફ્રાસ્ટ્રક્ચર, આર્ટિફિશિયલ ઈન્ટેલિજન્સ અને ઈન્ટરનેટ ગવર્નન્સની ચર્ચા કરવામાં આવી હતી. બેઠકમાં વૈષ્ણવે ભારતના ડિજિટલ પબ્લિક ઈન્ફ્રાસ્ટ્રક્ચર પર પ્રેઝન્ટેશન આપ્યું હતું.
ભારતના રેલ્વે, સંચાર, ઈલેક્ટ્રોનિક્સ અને માહિતી પ્રૌદ્યોગિકી મંત્રી અશ્વિની વૈષ્ણવે 29 અને 30 એપ્રિલના રોજ તાકાસાકી, ગુન્મા, જાપાનમાં યોજાયેલી G7 ડિજિટલ અને ટેક મંત્રીઓની બેઠકમાં ભાગ લીધો હતો. ત્યાંથી આવ્યા બાદ તેમણે જણાવ્યું કે કેવી રીતે ભારત ટેકનોલોજીનું પાવરહાઉસ બની રહ્યું છે. તેમણે આ માટે વડાપ્રધાન નરેન્દ્ર મોદીના વિઝનને શ્રેય આપ્યો હતો.
અશ્વિની વૈષ્ણવે જણાવ્યું હતું કે ભારત ચોક્કસપણે ટેકનોલોજી પાવરહાઉસ અને વિશ્વસનીય ભાગીદાર તરીકે ઉભરી રહ્યું છે. પીએમ મોદીના ડિજિટલ ઈન્ડિયા અને મેક ઈન ઈન્ડિયા જેવા દૂરંદેશી કાર્યક્રમોને કારણે આવું બન્યું છે. આજે, વૈશ્વિક સ્તરે લોકો ટેક્નોલોજી ડેવલપર તરીકે ભારતની સફળ સફરમાંથી શીખવામાં રસ ધરાવે છે.
તેમણે કહ્યું કે ભારતે બતાવ્યું છે કે વસ્તીના ધોરણે ઉકેલો આપવા માટે કેવી રીતે ડિજિટલ ઈન્ફ્રાસ્ટ્રક્ચર વિકસાવવામાં આવી રહ્યું છે.
Participated in the G7 Digital and Tech Ministers’ Meeting in Takasaki, Japan. pic.twitter.com/zOAW159XoZ
— Ashwini Vaishnaw (@AshwiniVaishnaw) April 29, 2023
બેઠકમાં ઉભરતી અને વિક્ષેપકારક તકનીકો, ડેટા ફ્લો અને ડિજિટલ ઈન્ફ્રાસ્ટ્રક્ચર, આર્ટિફિશિયલ ઈન્ટેલિજન્સ અને ઈન્ટરનેટ ગવર્નન્સની ચર્ચા કરવામાં આવી હતી. બેઠકમાં વૈષ્ણવે ભારતના ડિજિટલ પબ્લિક ઈન્ફ્રાસ્ટ્રક્ચર પર પ્રેઝન્ટેશન આપ્યું હતું.
Japan visit 🇮🇳🤝🇯🇵 pic.twitter.com/fAjCgW0pLE
— Ashwini Vaishnaw (@AshwiniVaishnaw) May 3, 2023
બેઠકમાં અહીં આધાર, UPI, કોવિન વગેરેનો ઉપયોગ જણાવવામાં આવ્યો હતો. બેઠકમાં ભાગ લેનારા અન્ય દેશોના લોકોએ ડિજિટલ પબ્લિક ઈન્ફ્રાસ્ટ્રક્ચરના વિકાસ અને જમાવટમાં ભારતની પ્રગતિની પ્રશંસા કરી હતી.
ભારતે સ્વદેશી 4G ટેલિકોમ સ્ટેક વિકસાવવામાં તેની પ્રગતિ અને 5Gના રોલઆઉટમાં પ્રગતિ વિશે પણ માહિતી આપી હતી. ભારતે G7 દેશોને તેમના ટેકનિકલ નિષ્ણાતો મોકલવા આમંત્રણ આપ્યું છે, જેથી કરીને વૈશ્વિક ધોરણો પર ભારતના ટેલિકોમ સ્ટેકનું પરીક્ષણ કરી શકાય. તે પણ સામે આવ્યું કે ભારતના ટેલિકોમ સ્ટેક અને 5G રોલઆઉટ વિશે જાણવામાં ઘણો રસ હતો.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશના તમામ સમાચાર વાંચવા માટે જોડાયેલા રહો…
