Breaking News : આ ખેલાડીઓની ખુબસુરત પત્નીઓ મેચ પહેલા પસંદ કરતી હતી પાકિસ્તાનની પ્લેઈંગ 11, વીડિયો વાયરલ

પાકિસ્તાન ક્રિકેટમાં કંઈપણ થઈ શકે છે, પરંતુ આવું પણ થતું હશે એ માનવું મુશ્કેલ છે. પાકિસ્તાનના બેટ્સમેન અહેમદ શહેઝાદે દાવો કર્યો છે કે, સિનિયર ખેલાડીઓની પત્નીઓએ પણ પાકિસ્તાની ટીમ પસંદ કરી છે. અહેમદ શહેઝાદે પાકિસ્તાની એન્કર તાબીશ હાશ્મીના શોમાં આ ચોંકાવનારો ખુલાસો કર્યો.

પાકિસ્તાન ટીમ પસંદગી અંગે મોટો દાવો

અહેમદ શહેઝાદે કહ્યું, “પાકિસ્તાન ક્રિકેટમાં એક સમય હતો જ્યારે ખેલાડીઓની પત્નીઓ ટીમ પસંદગીમાં દખલ કરતી હતી. તેઓ કહેતા હતા, ‘આ એક સારો છોકરો છે, તેને ટીમમાં પસંદ કરો, આને પસંદ કરો કારણ કે તે સારી વાત કરે છે. આ ખેલાડીને પસંદ કરો કારણ કે તેણે નાસ્તા દરમિયાન અમને ‘સલામ’ કહ્યું હતું.’ અમે પાકિસ્તાન ક્રિકેટમાં આવી વસ્તુઓ જોઈ છે.”

Ahmed Shehzad said, “There was a time in Pakistan cricket when players wives influenced team selection. They would say pick this player because he’s a good boy, pick that one because he speaks nicely, or because he says Salam at breakfast. We have seen such things in cricket.” pic.twitter.com/8w3ORXERUo

— Salman. (@TsMeSalman) March 12, 2026

પાકિસ્તાન ટીમ થઈ રહી છે ટ્રોલ

2026 ના T20 વર્લ્ડ કપમાં નિષ્ફળતા બાદથી પાકિસ્તાન ટીકાનો ભોગ બની રહ્યું છે. ટીમ T20 વર્લ્ડ કપના સુપર 8 રાઉન્ડમાં પહોંચી અને બહાર થઈ ગઈ. ત્યારબાદ, ટીમે બાંગ્લાદેશનો પ્રવાસ કર્યો, જ્યાં તેઓ પ્રથમ ODI 8 વિકેટથી હારી ગયા. પ્રથમ ODIમાં પાકિસ્તાન ફક્ત 114 રનમાં ઓલઆઉટ થઈ ગયું, અને બાંગ્લાદેશે ફક્ત 91 બોલમાં લક્ષ્ય હાંસલ કરી લીધું. આ જ કારણ છે કે પાકિસ્તાની ટીમ સતત ટ્રોલ થઈ રહી છે.

પૂર્વ ક્રિકેટરોએ કર્યો કટાક્ષ

બાંગ્લાદેશ સામે પાકિસ્તાનની શરમજનક હાર બાદ, ભૂતપૂર્વ ક્રિકેટર મોહમ્મદ આમિરે ટીમની ટીકા કરી છે. મોહમ્મદ આમિરે કહ્યું કે જે રીતે પાકિસ્તાન બાંગ્લાદેશ સામે મેચ હારી ગયું તે સૂચવે છે કે ટીમ નજીકના ભવિષ્યમાં એસોસિયેટ ક્રિકેટ રાષ્ટ્ર બની શકે છે. જો પાકિસ્તાન બાંગ્લાદેશ સામે ODI શ્રેણી હારી જાય છે, તો આ મુદ્દો વધુ ગંભીર બની શકે છે.

Breaking News : BCCI એવોર્ડ્સમાં ગિલને સૌથી મોટો એવોર્ડ, રાહુલ દ્રવિડને લાઈફટાઈમ અચીવમેન્ટ એવોર્ડથી કરાશે સન્માનિત