ભારતના આધુનિક બ્રહ્માસ્ત્રથી ચીન-પાકિસ્તાનનું વધ્યું ટેન્શન, દુશ્મન દેશોમાં મચાવશે તબાહી
ભારતે 1500 કિમી રેન્જ ધરાવતી સ્વદેશી હાઇપરસોનિક મિસાઇલનું સફળ પરીક્ષણ કર્યું છે. આ પરીક્ષણ ઓડિશાના દરિયાકાંઠે કરવામાં આવ્યું હતું. આ સિદ્ધિ ભારતની વધતી સંરક્ષણ ક્ષમતા દર્શાવે છે અને ચીન જેવા દેશો સામે ભારતની શક્તિ વધારે છે. આ મિસાઇલનું ડેવલપમેન્ટ ડો. અબ્દુલ કલામ મિસાઈલ કોમ્પ્લેક્સ દ્વારા કરવામાં આવ્યું છે.
દેશ સંરક્ષણ ક્ષેત્રે સમયની સાથે સતત પ્રગતિ કરી રહ્યો છે. ત્યારે હવે ભારતે હાઈપરસોનિક મિસાઈલની દુનિયામાં મોટી સફળતા હાંસલ કરી છે. ભારતે લગભગ 1500 કિમીની રેન્જ ધરાવતી હાઇપરસોનિક મિસાઇલનું સફળ પરીક્ષણ કર્યું છે. આ પરીક્ષણ 16 નવેમ્બરની રાત્રે ઓડિશાના દરિયાકાંઠે કરવામાં આવ્યું હતું. સૌથી ખાસ વાત એ છે કે આ મિસાઈલ સ્વદેશી છે. જેનો સમગ્ર શ્રેય હૈદરાબાદના ડો.અબ્દુલ કલામ મિસાઈલ કોમ્પ્લેક્સને જાય છે. ભારતે આધુનિક બ્રહ્માસ્ત્ર કહેવાતી આ હાઈપરસોનિક મિસાઈલનું પરીક્ષણ એવા સમયે કર્યું છે, જ્યારે આપણો દેશ ચીન સાથે તણાવના સમયગાળામાંથી પસાર થઈ રહ્યો છે. ચીન પાસે લાંબા સમયથી હાઇપરસોનિક મિસાઇલો છે. ચીન હાયપરસોનિક મિસાઈલ દ્વારા અવકાશમાં પણ હુમલો કરવામાં સક્ષમ છે. ત્યારે આ લેખમાં જાણીશું કે, વિશ્વના કયા દેશો પાસે હાઈપરસોનિક મિસાઈલ છે અને આ મિસાઈલ શા માટે આટલી ખાસ બની ગઈ છે. ભારત નવી એન્ટિ-શિપ મિસાઇલના પરીક્ષણ સાથે હવે એવા દેશોની યાદીમાં સામેલ થઈ ગયો છે જેની પાસે હાઈપરસોનિક હથિયારો છે. પહેલા આ પ્લાન બ્રહ્મોસ-2 મિસાઈલને લઈને હતો. પરંતુ...
