Video – દિલ્હી લાજપત નગરની આઈ 7 હોસ્પિટલમાં લાગી ભીષણ આગ, 16 ફાયર ફાયટર ઘટનાસ્થળે પહોંચ્યા
લાજપત નગરની આઈ 7 હોસ્પિટલમાં લાગેલી ભીષણ આગ ઓલવવા માટે દિલ્હી ફાયર બ્રિગેડને બોલાવવામાં આવી હતી. આગની ઘટનાની માહિતી મળ્યા પછી, દિલ્હી ફાયર સર્વિસે લગભગ 16 ફાયર બ્રિગેડની ગાડીઓ ઘટનાસ્થળે મોકલી હતી.
દિલ્હીના લાજપત નગર સ્થિત I7 હોસ્પિટલમાં આજે આગ લાગી હતી. ફાયર બ્રિગેડની 10 ગાડીઓ ઘટના સ્થળે પહોંચી છે અને આગ ઓલવવામાં વ્યસ્ત હતી. જણાવવામાં આવી રહ્યું છે કે આગ સવારે 11.30 વાગ્યે લાગી હતી. આ બાબતની પુષ્ટિ કરતા ફાયર ડિરેક્ટર અતુલ ગર્ગે કહ્યું કે આ હોસ્પિટલ લાજપત નગર મેટ્રો સ્ટેશન પાસે વિનોબા પુરીમાં છે. સ્થળ પર વાહનોની સંખ્યા વધીને 16 થઈ ગઈ હતી. કોઈ જાનહાનિ કે ઈજાના અહેવાલ નથી. આગ લાગ્યા બાદ આસપાસની દુકાનો ખાલી કરાવવામાં આવી હતી.
તમને જણાવી દઈએ કે થોડા દિવસો પહેલા દિલ્હીના ન્યૂ બેબી કેર સેન્ટરમાં ભીષણ આગ લાગી હતી. વિવેક વિહાર સ્થિત આ કેર સેન્ટરમાં આગને કારણે 7 નિર્દોષ લોકોના મોત થયા હતા. મળતી માહિતી મુજબ, આ દુર્ઘટના રાત્રે લગભગ 11.30 વાગ્યે બની હતી. દિલ્હી પોલીસના જણાવ્યા અનુસાર આગ અંગેનો પીસીઆર કોલ રાત્રે 11:30 વાગ્યે વિવેક વિહારથી આવ્યો હતો.
સ્થળ પર, C-54 વિવેક વિહાર સ્થિત બેબી કેર ન્યુ બોર્ન હોસ્પિટલ અને તેની આસપાસની ઇમારતોમાં આગ લાગી હતી. કોલ મળતા જ એસએચઓ વિવેક વિહાર અને એસીપી વિવેક વિહાર ઘટના સ્થળે પહોંચી ગયા હતા. હોસ્પિટલમાં 12 નવજાત શિશુઓ દાખલ હતા.
#WATCH | Delhi: Fire broke out at Eye7 Chaudhary Eye Centre in South Delhi’s Lajpat Nagar. 16 fire tenders at the spot. Firefighting operation underway. https://t.co/feRCIDBTsk pic.twitter.com/UP5xDrOdCg
— ANI (@ANI) June 5, 2024
દિલ્હીમાં વધી રહેલી ગરમીને કારણે આગની ઘટનાઓમાં ભારે વધારો જોવા મળી રહ્યો છે. ફાયર વિભાગના વડા અતુલ ગર્ગે જણાવ્યું હતું કે 1 જાન્યુઆરીથી 26 મે સુધીમાં ફાયર વિભાગને આગ સંબંધિત 8,912 કોલ આવ્યા હતા, પરંતુ 29 મેના રોજ 24 કલાકમાં આગ સંબંધિત 183 કોલ આવ્યા હતા. આ વર્ષે એક દિવસમાં આગ સંબંધિત કોલની આ સૌથી વધુ સંખ્યા છે. સામાન્ય રીતે ઉનાળાની ઋતુમાં લગભગ 150 કોલ આવે છે, જેમાંથી 60 આગ સંબંધિત હોય છે.
આ વર્ષે આગ સંબંધિત કોલ્સમાં ત્રણ ગણો વધારો થયો છે. દિલ્હીમાં તાપમાન 50 ડિગ્રી સેલ્સિયસની નજીક પહોંચી જતાં આગ લાગવાની ઘટનાઓમાં વધારો જોવા મળી રહ્યો છે, જેના કારણે ઘણા લોકોએ જીવ ગુમાવ્યા છે.
આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..
Latest News Updates
